ايماقتار • 12 ءساۋىر، 2019

جاس عالىمدار مەن ستۋدەنتتەردىڭ «فارابي الەمى» كونفەرەنتسياسىنا 6513 ادام قاتىستى

813 رەت كورسەتىلدى

ون كۇننەن بەرى ءال-فارابي اتىنداعى قازاق ۇلتتىق ۋنيۆەرسيتەتىندە 2013 جىلدان بەرى وتكىزىلىپ كەلە جاتقان حالىقارالىق فارابي وقۋلارى بۇگىن مارەگە جەتەدى.

بيىل فورۋم اياسىندا وتكەن «فارابي الەمى» اتتى ستۋدەنتتەر مەن جاس عالىمداردىڭ حالىقارالىق عىلىمي كونفەرەنتسياسىنا 6513 ادام قاتىستى. ونىڭ ىشىندە گەرمانيا، تۇركيا، ءۇندىستان، جاپونيا، وڭتۇستىك كورەيا مەن تمد ەلدەرىنەن 200-دەن اسا جاس عالىمداردىڭ باياندامالارى تىڭدالىپ،  تاجىريبەلىك ساعاتتار مەن دوڭگەلەك ۇستەلدەر وتكىزىلدى. فاكۋلتەتتەردە كونفەرەنتسيا اياسىندا 100-دەن استام سەكتسيا جۇمىس ىستەدى.

فارابي وقۋلارى اياسىنداعى جاس عالىمدار مەن ستۋدەنتتەردىڭ «فارابي الەمى» حالىقارالىق كونفەرەنتسياسى دا اياقتالدى. بۇل شارا ەكى جىلدىق «رۋحاني جاڭعىرۋ» باعدارلاماسى جانە جاستار جىلى اياسىندا وتكىزىلىپ وتىر.

اۋقىمدى شارا شەڭبەرىندە ستۋدەنتتەردىڭ يننوۆاتسيالىق جوبالارىنىڭ كورمەسى ۇيىمداستىرىلدى. كورمەدە جينالعاندار قازۇۋ ستۋدەنتتەرىنىڭ بارلىق سالادا جاسالعان زاماناۋي يننوۆاتسيالىق ۇلەستەرىن تاماشالادى.

«فارابي الەمى» كونفەرەنتسياسىنىڭ جابىلۋ سالتاناتىنا قازۇۋ رەكتورى عالىم مۇتانوۆ قاتىسىپ، ينجينيرينگ جانە عىلىمي اۋقىمدى تەحنولوگيالار كلاستەرىنىڭ باس ديرەكتورى ءامىرحان تەمىرباەۆ «جاستاردىڭ قاتىسۋىمەن جاسالعان ۋنيۆەرسيتەتتىڭ يننوۆاتسيالىق جوبالارى» اتتى اكتىلىك ءدارىس وقىدى.

ال يننوۆاتسيالىق جوبالار بايقاۋى بويىنشا باس جۇلدە فيزيكا-تەحنيكا فاكۋلتەتىنىڭ ستۋدەنتتەرى تەمىرلان يبرايموۆ، سۇلتان ۇسەنحان، دينارا دوسمۇحانوۆا، دياس ەلۋباەۆقا بۇيىرىپ، جەڭىمپازدار ارناۋلى ديپلوم مەن 150 مىڭ تەڭگەدەن اقشالاي سىيلىققا يە بولدى. 


پەريزات جارىلقاسىنوۆا،

ءال-فارابي اتىنداعى قازۇۋ-ءدىڭ

فيلوسوفيا جانە ساياساتتانۋ فاكۋلتەتىنىڭ ماگيسترانتى. 


سوڭعى جاڭالىقتار

15169 ادام كوروناۆيرۋس جۇقتىردى

كوروناۆيرۋس • بۇگىن، 09:17

ۇقساس جاڭالىقتار