سايلاۋ • 11 ءساۋىر، 2019

باقتيار ماكەن: سەنىم قالىپتاستىراتىن سايلاۋ

766 رەت كورسەتىلدى

ءماجىلىس دەپۋتاتى،«Bolashaq» قاۋىمداستىعى كەڭەسىنىڭ توراعاسى باقتيار ماكەن كەزەكتەن تىس سايلاۋعا قاتىستى پىكىر ءبىلدىردى. دەپۋتات ءوز سوزىندە پرەزيدەنتتىك سايلاۋدى كەزەكتەن تىس وتكىزۋدىڭ ماڭىزىنا توقتالدى.

«9 ءساۋىر كۇنى مەملەكەت باسشىسى قاسىم-جومارت توقاەۆ قازاقستان حالقىنا ۇندەۋىندە قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن وتكىزۋ تۋرالى جاريالادى. سايلاۋ 2019 جىلدىڭ 9 ماۋسىمىنا جوسپارلانعان. بۇل شەشىم مەملەكەتىمىز ءۇشىن قازىرگى ۋاقىتتا وتە ماڭىزدى. ءبىز، قازاقستان حالقى، بۇل سايلاۋدىڭ ەلىمىزدىڭ سەنىممەن العا جىلجۋىنا كومەكتەسەتىنىن ءتۇسىنۋىمىز كەرەك. قاسىم-جومارت توقاەۆ ەكونوميكانى دامىتۋ جانە سىرتقى سەرىكتەستەرمەن قاتىناستاردى نىعايتۋ ءۇشىن سايلاۋدى العا جىلجىتۋ قاجەتتىلىگىن اتاپ ءوتتى. كەزەكتەن تىس سايلاۋ وتكىزۋ قازاقستاننىڭ دامۋىنا، وسۋىنە جانە قازىرگى ۋاقىتتاعى رەسپۋبليكامىزدىڭ ساياسي جاعدايعا بەيىمدەلۋىنە ارنالعان. بۇل شەشىم مەملەكەتىمىز ءۇشىن ءتيىمدى»، دەدى ب.ماكەن. 

سونداي-اق ىشكى جانە سىرتقى ساياساتتا ساباقتاستى قالىپتاستىرۋ ءۇشىن سايلاۋدىڭ الار ورنى زور ەكەنىن اتاپ ءوتتى.

«جاھاندىق ۇدەرىستەرگە قاتىسۋ ءۇشىن ەلدە ىشكى تۇراقتىلىق قاجەت. ەلىمىزدىڭ ءاربىر ازاماتى ءوز داۋىسىن بەرىپ، رەسپۋبليكامىزدىڭ قانداي باعىتتا داميتىنىن انىقتاۋعا ءوز سەپتىگىن تيگىزۋ وتە ماڭىزدى. حالىق سايلاعان پرەزيدەنت ەل دامۋىنىڭ باعىتىن انىقتاپ عانا قويماي، ەلىمىزدى حالىقارالىق ارەنادا تانىستىرادى. مەملەكەت باسشىسى قاسىم-جومارت توقاەۆ اتاپ وتكەندەي، الەمدەگى جاعداي كۇرت وزگەرەدى. ءارى حالقىمىز ءۇشىن مۇنىڭ اسەرى مول. ءبىز ىشكى جانە سىرتقى ساياساتىمىزدىڭ ساباقتاستىعىن، بولجامدىلىعىن جانە تۇراقتىلىعىن نىعايتۋىمىز كەرەك. الەۋمەتتىك باعدارلامالاردى جانە ەلباسىنىڭ ستراتەگياسىن ءتيىمدى، تابىستى ىسكە اسىرۋ بويىنشا جۇمىستاردى جالعاستىرۋىمىز قاجەت»، دەدى ءماجىلىس دەپۋتاتى.

سونداي-اق ب.ماكەن قازىر قازاقستان حالقى ءۇشىن وتە تاعدىرشەشتى ءسات ەكەنىن اتاپ ءوتىپ، 9 ماۋسىمدا سايلاۋعا بەلسەندى قاتىسۋعا شاقىردى. 

سوڭعى جاڭالىقتار

15169 ادام كوروناۆيرۋس جۇقتىردى

كوروناۆيرۋس • بۇگىن، 09:17

ۇقساس جاڭالىقتار