ساياسات • 11 ءساۋىر، 2019

الماتى وبلىسىندا «رۋحاني جاڭعىرۋ» باعدارلاماسى اياسىندا 642 جوبا جۇزەگە استى

954 رەت كورسەتىلدى

«رۋحاني جاڭعىرۋ» باعدارلاماسى باستاۋ العان 2 جىل مەرزىمدە الماتى وبلىسىندا 642 جوبا ناقتى جۇزەگە اسقان. ونىڭ ىشىندە 319 جوبا 2017 جىلى ورىندالسا، 2018 جىلى 323 جوبا جەمىسىن بەرىپتى.

وڭىردەگى «رۋحاني جاڭعىرۋ» جوبالىق كەڭسەسىنىڭ جەتەكشىسى دانا دۇيسەنوۆانىڭ ايتۋىنشا، وبلىس اۋماعىندا ەكى جىل ىشىندە ءتۇرلى شارا ۇيىمداستىرىلۋدا.  ناتيجەسىندە ەل بويىنشا العاشقى لەكتە «Must see» ادىستەمەلىك ماتەريال توپتاماسىنىڭ تۇساۋكەسەرى جاسالىپ، جوبالا ركورمەسى مەن قوعامدىق سااننى جاڭعىرتىپ، تاريحي دەرەكتەردى تىرىلتكەن «دوڭگەلەك ۇستەلدەر» ءوتتى.

- وسىدان 2 جىل بۇرىن، 12 ساۋىردە ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» ماقالاسىنىڭ جاريالانعان بولاتىن. ەلباسى ماقلاسىنان كەيىن ەلىمىزدە رۋحاني جاڭعىرۋ باعىتىنداعى جۇمىستار جاڭاشا ەكپىن الىپ، ناقتى شارالارعا جول اشىلدى. «رۋحاني جاڭعىرۋ» ءبىر جىلدىق، ەكى جىلدىق باعدارلاما ەمەس، ول ۇزاق مەرزىمگە قۇرىلعان. سول ارقىلى جاستاردىڭ سانا-سەزىمىندە ۇلتتىق مەنتاليتەت قالىپتاسادى. ەلباسىنىڭ 2 جىل بۇرىنعى ماقالاسىنىڭ ءداستۇرلى جالعاسى رەتىندە بىلىتر جارىق كورگەن « ۇلى دالانىڭ جەتى قىرى» اتتى ماقالانىڭ دا ءمانى تەرەڭدە. بۇل يگى باستاماىنڭ بارلىعى تاريحىمىزدى قايتادان تۇگەندەۋگە ارنالعان ، – دەيدى «رۋحاني جاڭعىرۋ» باعدارلاماسىن جۇزەگە اسىرۋ بويىنشا وبلىستىق ساراپتمالىق كەڭەستىڭ مۇشەسى، ءى.جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتتىنىڭ رەكتورى قۋات بايمىرزاەۆ.

ال بيىل جەتىسۋدا «رۋحاني جاڭعىرۋ» باعدارلاماسى اياسىندا 94 جوبا مەن ءتۇرلى دەڭگەيدەگى شارالاردى ىسكە اسىرۋ جوسپارلانعان. بۇل ماقساتتا قازىنا قورجىنىنان جالپى قۇنى 2 ملرد 534 ملن 130 مىڭ تەڭگە شاماسىندا قاراجات ءبولىنىپ وتىر. سونداي-اق، وبلىستىڭ اۋدان، قالا ورتالىقتارىندا ىسكە اسىرىلاتىن شارالارعا دا 34 ملن 130 مىڭ تەڭگە قاراستىرىلىپ، بۇل قارجىعا 117 جوبا جۇزەگە اسپاق. شارالار جوسپارى تالدىقورعان قالاسىنداعى «رۋحاني جاڭعىرۋ» ورتالىعىندا تالقىعا ءتۇسىپ، جوبالىق كەڭسە ارقىلى باسقارىلادى.

- بيىل جەتىسۋ جەرىندەگى «رۋحاني جاڭعىرۋ» باعدارلاماسى اياسىنداعى جۇمىستار جالعاسادى. بىلتىر ايماقتا «تاربيە جانە ءبىلىم»، «اتامەكەن»، «رۋحاني قازىنا»، «اقپارات تولقىنى» باعدارلامالارى بويىنشا جالپى سوماسى 9 ملرد تەڭگە بولاتىن 323 جوبا جوسپارلانىپ، بارلىعى 4،8 ملرد تەڭگە قارجىعا 251 جوبا ىسكە اسىرىلدى. مۇنان بولەك «تۋعان جەر» باعدارلاماسى باعىتىندا وبلىستىڭ كاسىپكەر ازاماتتارىنىڭ قولداۋىمەن 3،8 ملرد تەڭگەگە بارلىعى 376 جوبا جەمىستى اياقتالدى، - دەيدى الماتى وبلىسى اكىمىنىڭ ورىنباسارى اقان ابدۋاليەۆ.

جاقىن كۇندەرى باعدارلاما شەڭبەرىندە «جاھانداعى زاماناۋي قازاقستاندىق مادەنيەتتى ىلگەرىلەتۋ» تاقىرىبىنا ءى حالىقارالىق عىلىمي-تاجىريبەلىك كونفەرەنتسيا، « ۇلى دالانىڭ ماڭگىلىك ميراسى – ماناس» اتتى قىرعىز-قازاق زيالىلارىنىڭ ءىىى فورۋمى، «التىن ادام ىزىمەن» حالىقارالىق ەكسپەديتسياسى سەكىلدى ءىرى جوبالار قانات قاعادى.

سوڭعى جاڭالىقتار

جىلقى ەتى تۇسىڭە كىرەدى...

قازاقستان • بۇگىن، 08:27

ادامزات تراگەدياسى

تانىم • بۇگىن، 08:23

مەيىرىم شۋاعى

قوعام • بۇگىن، 08:15

اۋىلدا بالا كوپ، ۇيىرمە از

قازاقستان • بۇگىن، 07:59

جارىس پەن تابىس

ەكونوميكا • بۇگىن، 00:00

اقىلدىڭ ازابى

تاريح • كەشە

مەيرامحانالار جانە پاندەميا

كوروناۆيرۋس • كەشە

جۇرت جاعاجاي ىزدەپ ءجۇر

ايماقتار • كەشە

ۇقساس جاڭالىقتار