قوعام • 10 ءساۋىر، 2019

اۋتيزمگە شالدىققان بالالارعا بەيىمدەلگەن كينوكورسەتىلىم ۇيىمداستىرىلدى

661 رەت كورسەتىلدى

بۇگىن اۋتيزم جانە باسقا دا دامۋ ەرەكشەلىكتەرى بار بالالار ءۇشىن «Cinemax» كينوتەاترىندا «كانيكۋلى off-line» قازاقستاندىق وتباسىلىق كومەديانىڭ تەگىن بەيىمدەلگەن كينو كورسەتىلىمى ءوتتى.

ءىس-شارا «بولاشاق» كورپوراتيۆتىك قورى جانە «اشىق الەم» قوعامدىق قورىمەن، «Cinemax» كينوپاركى جانە «Astana film Fund» كينوستۋدياسىنىڭ قولداۋىمەن ۇيىمداستىرىلدى.

ءاۋتيزمى جانە باسقا دا دامۋ ەرەكشەلىكتەرى بار بالالارعا ارنالعان ء ىس-شارانى وتكىزۋدە ارنايى جاعدايلار ەسكەرىلىپ، جاسالادى: اشىق ەسىكتەر، جارىق شامدار، دىبىستىڭ باسەڭدەۋى، بىلاي ايتقاندا، ءىس-شاراعا جاقىن سەنسورلىق ايماقتى ورناتۋ، سونداي-اق،  كينوزال/تەاتر قىزمەتكەرلەرى بالالارمەن دۇرىس ءوزارا ارەكەتتەسۋ تۋرالى جانە ىقتيمال جاعىمسىز مىنەز-ق ۇلىقتى ەسكەرتۋ جايىندا ارنايى ترەنينگ جۇرگىزىلەدى. اتالعان تالاپتار مەن قاجەتتىلىك بالالاردىڭ كورسەتىلىم كەزىندەگى ىڭعايلىلىعى ءۇشىن جاسالعان.

بۇگىندە وتاندىق كومەديانى ورىس تىلىندە 150-گە جۋىق، سونىڭ ىشىندە اۋتيزمگە ۇشىراعان بالالار جانە ولاردىڭ اتا-انالارى مەن جاقىندارى تاماشالادى.

مۇنداي ءىس-شارالار «بولاشاق» كورپوراتيۆتىك قورىمەن جىل سايىن دۇنيەجۇزىلىك اۋتيزم جايلى اقپاراتتى تاراتۋ كۇنىنە وراي وتكىزىلەدى. 2018 جىلى قور العاش رەت «كينوپارك 7» كينوتەاترىندا قازاق جانە ورىس تىلدەرىندە مۋلتفيلمدەردىڭ  بەيىمدەلگەن كورسەتىلىمىن وتكىزگەن ەدى.

قوردىڭ ديرەكتورى دينارا چايجۋنۋسوۆا اۋتيزمگە شالدىققان جانە دامۋ ەرەكشەلىكتەرى بار بالالار ءۇشىن وتكىزىلگەن مۇنداي شارالاردى ۇلكەن قوعامي-الەۋمەتتىك ماڭىزعا يە ەكەنىن اتاپ ءوتتى. بالالار تەڭ بولىپ الەۋمەتتىك ورتاعا بىردەي قول جەتكىزۋى كەرەك.

بەيىمدەلگەن ءىس-شارالاردى ۇيىمداستىرۋدىڭ باستى ماقساتى، ءاۋتيزمى بار بالالاردىڭ ءومىر ءسۇرۋ دەڭگەيىن كوتەرۋ مەن ولاردىڭ قوعامعا ارقاشان ىقپال ەتە الاتىنىن كورسەتۋ بولىپ تابىلادى.

«كانيكۋلى off-line» ءفيلمى ءوز بيزنەسىن باستايتىن ءۇش دوس تۋرالى باياندايدى. وسىلايشا ولار قالالىق بالالارعا ارنالعان بىرەگەي ەتنوللاگەردى اشادى. ءفيلمنىڭ نەگىزگى كەيىپكەرلەرى ۇنەمى كۇلكىلى، ءتىپتى كەيدە قاۋىپتى جاعدايلارعا تۇسەدى. ءفيلمنىڭ رەجيسسەرى – رۋسلان اكۋن.


سوڭعى جاڭالىقتار

ەنەرگەتيكا – ەكونوميكا درايۆەرى

ەكونوميكا • بۇگىن، 21:25

تورعاي تاريحىن تولعاعان

تاريح • بۇگىن، 20:50

جىل ءسوزى

الەم • بۇگىن، 20:36

قۇلدىرامايتىن قۇندىلىق

تانىم • بۇگىن، 20:20

اۋعانستاندا جارىلىس بولدى

الەم • بۇگىن، 12:21

ۇقساس جاڭالىقتار