قوعام • 09 ءساۋىر، 2019

شقمۋ وقىتۋشىلاردىڭ جالاقىسىن 30 پايىزعا كوتەردى

954 رەت كورسەتىلدى
ەلباسى نۇرسۇلتان نازارباەۆ قازان ايىنداعى حالىققا ارناعان جولداۋىندا ۇكىمەتكە 2019 جىلدىڭ 1 قاڭتارىنان باستاپ ەڭ تومەنگى جالاقىنى 1،5 ەسە، ياعني 28 مىڭنان 42 مىڭعا دەيىن ءوسىرۋدى تاپسىرىپ، ەلىمىزدەگى ءىرى كومپانيالاردى بۇل باستاماعا ءۇن قوسۋعا شاقىرعان ەدى. تۇڭعىش پرەزيدەنتتىڭ باستاماسىن شىعىس قازاقستان جۇرتشىلىعى دا قىزۋ قولداپ، بىرقاتار ۇيىمدارداعى قىزمەتكەرلەردىڭ جالاقىسى كوتەرىلگەن-ءدى. وسكەمەندەگى سارسەن امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتى دە بۇل ىستەن سىرت قالماي، 1 قاڭتاردان باستاپ پروفەسسورلىق-وقىتۋشى قۇرام مەن قىزمەتكەرلەردىڭ جالاقىسىن 30 پايىزعا وسىرگەن-ءدى. وسى وقۋ ورنىندا ۇزاق جىلدان بەرى قىزمەت اتقارىپ كەلە جاتقان وقىتۋشىلاردىڭ ايتۋىنشا، ۋنيۆەرسيتەتتە سوڭعى 10 جىل كولەمىندە جالاقى كوتەرىلمەگەن ەكەن. «ءوزىم وسىندا 1999 جىلدان بەرى ەڭبەك ەتىپ كەلەمىن. جاڭا جىلدان باستاپ رەيتينگتەرىمىزدى ساقتاي وتىرىپ جالاقىمىزعا 30 پايىز قوسىلعانىنا وقۋ ورنىنىڭ بارشا قىزمەتكەرلەرى، ەدەن جۋشىلار مەن كۇزەتشىلەرگە دەيىن قۋانىپ، العىستارىن ايتىپ جاتىر. باسشىلىققا جاڭادان كەلگەن رەكتورىمىز مۇحتار ادىلبەك ۇلى وقۋ ورنىنان زەينەتكەرلىككە شىققان اعا بۋىن - ۇستازدارعا دا ەرەكشە قۇرمەت كورسەتىپ جاتىر. وقىتۋشىلاردىڭ مەرەيتويلارىن دا نازاردان تىس قالدىرىپ جاتقان جوق. مەرەكە سايىن سىياقى بەرىپ، ەڭبەگىمىزدى ەلەپ-ەسكەرىپ جاتىر. بىلتىر ناۋرىز مەرەكەسىن جوعارى دەڭگەيدە اتاپ وتتىك»، - دەيدى وقۋ ورنىنىڭ قارجى جانە ەسەپ كافەدراسىنىڭ دوتسەنتى، ەكونوميكا عىلىمىنىڭ كانديداتى قانشايىم شولپانباەۆا.
سوڭعى جاڭالىقتار

ۇقساس جاڭالىقتار