ساياسات • 09 ءساۋىر، 2019

سۋبسيديالاۋدىڭ ەلەكتروندىق اقپاراتتىق جۇيەسى دايىندالىپ جاتىر - س.وماروۆ

829 رەت كورسەتىلدى

مەملەكەتتىك كورسەتىلەتىن قىزمەتتەر تىزىلىمىنە سايكەس 2019 جىلدىڭ 1 اقپانىنان باستاپ سۋبسيديالاۋ تەك ەلەكتروندىق تۇردە عانا جۇزەگە اسىرىلاتىن بولدى. بۇل تۋرالى اۋىل شارۋاشىلىعى ءمينيسترى س.وماروۆ مالىمدەدى.

«اقپاراتتىق-ەسەپتەۋ ورتالىعى ترانستەلەكوممەن بىرلەسىپ ينۆەستيتسيا سالىپ، Qoldau.kz پلاتفورماسىندا سۋبسيديالاۋدىڭ ەلەكتروندىق اقپاراتتىق جۇيەسىن ازىرلەپ شىقتى. ترانستەلەكوم جۇيەگە قىزمەت كورسەتكەنى ءۇشىن تولەنەتىن اقىنى ەكىنشى دەڭگەيدەگى بانكتەردەن الۋدى جوسپارلاعان بولاتىن.

الايدا، بانكتەرمەن جۇرگىزىلگەن كەلىسسوزدەردەن كەيىن ترانستەلەكومنان 3 ايلىق ەسەپتىك كورسەتكىش مولشەرىندەگى اقىنى Qoldau.kz پلاتفورماسىنداعى جەكە كابينەتتە تىركەلۋ كەزىندە بىر رەتتىك جىلدىق ابونەنتتىك تولەم رەتىندە اۋىل شارۋاشىلىعى وندىرۋشىلەرى مەن باسقا دا جۇيەگە قاتىسۋشىلاردان الۋ تۋرالى ۇسىنىس كەلىپ ءتۇستى» دەدى مينيستر.

بۇل ۇسىنىس اعىمداعى جىلدىڭ 8 ساۋىرىندە «اتامەكەن» ۇلتتىق كاسىپكەرلەر پالاتاسىندا بيزنەس-قاۋىمداستىقپەن تالقىعا سالىنىپ، جالپى قولداۋ تاپقان. وسى اپتادان باستاپ وتىنىمدەر قابىلدانىپ، ولارمەن جۇمىس ىستەلمەك.

Qoldau.kz پلاتفورماسىندا سۋبسيديالاۋدان باسقا، ەگىس الاڭدارىن، جايىلىمداردى تسيفرلاندىرۋ، مەملەكەتتىك دەرەكقورلارمەن ينتەگراتسيا، عارىشتىق تۇسىرىلىمدەر نەگىزىندەگى مەتەو-بولجامدار، توپىراقتىڭ ىلعالدىلىعىن ولشەۋ قۇرالدارى سەكىلدى جانە تاعى دا باسقا بۇكىل كونتەنت قولجەتىمدى بولادى.

بۇدان باسقا، «اتامەكەن» ۇلتتىق كاسىپكەرلەر پالاتاسىندا وتكەن كەڭەستە سۋبسيديالاۋعا ارنالعان ەلەكتروندىق وتىنىممەن قاتار قاعاز تۇرىندە دە ءوتىنىم بەرۋ مۇمكىندىگىن قاراستىرۋ ۇسىنىلدى. اتالعان ۇسىنىس مۇددەلى مەملەكەتتىك ورگاندارمەن پىسىقتالاتىن بولادى.

«كوپتەگەن اگروونەركاسىپتىك كەشەن سۋبەكتىلەرى ءبىر توقساننىڭ وزىندە-اق پايىزدىق مولشەرلەمە بويىنشا سۋبسيديا الۋ مۇمكىندىگىنەن ايرىلعاندىقتان، سۋبسيديالاۋ قاعيدالارىنا 2019 جىلدىڭ 1 قاڭتارىنان باستاپ كرەديتتەر بويىنشا سۋبسيديا بەرۋ بولىگىندە وزگەرىستەر ەنگىزۋ جوسپارلانىپ وتىر» دەدى س.وماروۆ.

سوڭعى جاڭالىقتار

جەتىم كورسەڭ، جەبەي ءجۇر

ايماقتار • كەشە

ار الدىندا ارىلۋ

رۋحانيات • كەشە

كەدەي ەلدەرگە كومەك

ەكونوميكا • كەشە

عاسىر ءاجىمى

ونەر • كەشە

ۇقساس جاڭالىقتار