وبلىس ورتالىعىنداعى № 11-ءشى مەكتەپتە ونەرىمەن الەمدى مويىنداتقان وپەرا ءانشىسى ماريا مۋدرياكپەن كەزدەسۋ ءوتتى. قالالىق ءبىلىم بولىمىنىڭ مالىمەتىنشە, ماريا مۋدرياك وسى مەكتەپتكە وقىپ ءبىلىم العان. كەزدەسۋ بارىسىندا مەكتەپ ديرەكتورى نۇريكامال جەدوۋوۆا ماريا مۋدرياكتى 25 جىلدىق مەرەيتويىمەن قۇتتىقتادى.
ماريانىڭ العاشقى مۇعالىمى تاتيانا بۋلانوۆا شاكىرتىن قۇشاقتاپ, تۋعان كۇنىمەن قۇتتىقتاپ وقۋشى كەزىن ەسكە سالدى. مەكتەپ مۋزەيىندە سۇيىكتى شاكىرتتەرىنىڭ وپەرا ءانشىسى ماريانىڭ جەتىستىكتەرى ورىن العان. ماريا وتە قاراپايىم, جاقسى وتباسىندا وسكەن تاربيەلى, ونەرلى قىز بولىپ ەرجەتتى.
وپەرا ءانشىسى 6 ءساۋىر كۇنى 1994 جىلى تۋعان. كىشكەنتاي ماشا 5 جاسىندا ءوزىنىڭ جەكە ديسكىسىن جازدىرىپ, الەمنىڭ ەڭ جاس ءانشى رەتىندە گيننەس رەكوردتار كىتابىنا ەندى. ال, 10 جاسىندا–لا سكالا جانىنداعى ميلان مۋزىكا جوعارى اكادەمياسىنا وقيدى. ودان كەيىن«بولاشاق» باعدارلاماسىمەن وقۋعا تۇسەدى. ميلانداعى ۆەردي كونسەرۆاتورياسىنا وقۋعا ءتۇسىپ, 18 جاسىندا ءبىتىرىپ شىعادى.
امستەردامدا وتكەن «Beivebere» كلاسسيكالىق ءان بايقاۋىندا الەمنىڭ ون ۇزدىك سوپرانوسىنىڭ قاتارىنان ورىن العان قازىر يتاليادا تۇراتىن ماريا مۋدرياك الەم بويىنشا گاسترولدەردە شىعادى. تۋعان قالاسىنا كەلگەن اتاقتى ءانشى ءوزى ءبىلىم العان مەكتەپتە وقۋشىلاردىڭ وزىنە ارنالعان كونتسەرتتىك باعدارلاماسىن كورىپ, تاماشالادى.
پاۆلودار
