قازاقستان • 05 ءساۋىر، 2019

«قازاگرو» حولدينگىنىڭ» جاڭا باسقارما توراعاسى تاعايىندالدى

531 رەتكورسەتىلدى

اكتسيونەردىڭ بۇيرىعىمەن «قازاگرو» حولدينگى» اق باسقارما توراعاسى بولىپ قاراشوكەەۆ ەربول شىراقباي ۇلى تاعايىندالدى. بۇل تۋرالى اشم ءباسپاسوز قىزمەتى حابارلادى.

قاراشوكەەۆ ەربول شىراقباي ۇلى - 1976 جىلى الماتى وبلىسىندا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن بىتىرگەن، قۇقىقتانۋ باكالاۆرى،  سونىمەن بىرگە ءال-فارابي اتىنداعى قازۇۋ ەكونوميكا جانە قۇقىق ينستيتۋتىنىڭ ەكونوميكا ماگيسترى ديپلومى بار.

ەڭبەك جولىن 1998 جىلى قر ستاتيستيكا اگەنتتىگىنىڭ تالداۋ جانە كونيۋنكتۋرالىق زەرتتەۋلەر باسقارماسىندا باستاعان. ءار جىلدارى «مەديكۋس تسەنتر» جشس بك-دا باسشىلىق لاۋازىمىندا بولدى، «ەكسپورتتىق كرەديتتەردى جانە ينۆەستيتسيالاردى ساقتاندىرۋ جونىندەگى مەملەكەتتىك ساقتاندىرۋ كورپوراتسياسى» اق قارجى دەپارتامەنتىنىڭ ديرەكتورى – باسقارما مۇشەسى (2003-2006)،  قر قارجى مينيسترلىگى «جيىنتىق-تالداۋ دەپارتامەنتىنىڭ ديرەكتورى (2006-2007)، «قازاگرو» ۇبح» اق باسقارۋشى ديرەكتورى (2007)، «اۋىل شارۋاشىلىعىن قارجىلاي قولداۋ قورى» اق باسقارما توراعاسى (2007-2009)،  «رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ «قارجىلىق بۇزۋشىلىقتاردى زەرتتەۋ ورتالىعى» رمك باس ديرەكتورى (2010-2012)، «سامۇرىق-قازىنا» ۇاق «قبتۋ» مۇناي-گاز ينجينيرينگى جانە اقپاراتتىق تەحنولوگيالار ينستيتۋتى جشس باس ديرەكتورى (2012-2013)، «قازاقستاننىڭ تۇرعىن ءۇي قۇرىلىس جيناق بانكى» اق باسقارما توراعاسىنىڭ ورىنباسارى (2013-2016). 2016-2019 جىلدار ارالىعىندا قر پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمى مەڭگەرۋشىسىنىڭ ورىنباسارى قىزمەتىن اتقاردى، سودان كەيىن قازاقستان رەسپۋبليكاسى قارجى مينيسترلىگى قازىناشىلىق كوميتەتىنىڭ توراعاسى لاۋازىمىن اتقاردى.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار