ايماقتار • 04 ءساۋىر، 2019

بالقاش تۇرعىنى پاتەرىندە لاشىن ۇستايدى

851 رەت كورسەتىلدى

بالقاش قالاسىنىڭ تۇرعىنى كوپقاباتتى ۇيدەگى پاتەرىندە لاشىن ۇستايدى. تابيعاتتا سيرەك كەزدەسەتىن جىرتقىش قۇستىڭ بۇل ءتۇرىن ول رەسپۋبليكالىق «قىران» فەدەراتسياسىنىڭ رۇقساتىمەن تۇركىستان وبلىسىنان اكەلگەن.

قۇس يەسى جۇماعازى مۇحامەتجانوۆ «ساداق، اربالەت جانە دارتس تارتۋ  فەدەراتسياسى» قوعامدىق بىرلەستىگىنىڭ بالقاش قالالىق فيليالىنىڭ ديرەكتورى، ساداق اتۋدان سپورت شەبەرى. ءوزى جەرگىلىكتى №9 قازاق ورتا مەكتەبىندە دەنە شىنىقتىرۋ ءپانىنىڭ مۇعالىمى بولىپ جۇمىس ىستەيدى.

«لاشىن – تەكتى قۇس، ازاتتىقتى جانى سۇيەدى. مۇنداي قۇستى قولعا ۇيرەتۋ – قيىننىڭ قيىنى. تازالىقتى جاقسى كورەدى، تەك قانا جاس ەت جەيدى، – دەيدى ول. – مۇنى اسىراعان ادام دا شىلىم مەن ىشىمدىككە جولامايتىن، بالاعات ءسوز ايتپايتىن تازا بولۋى كەرەك».

قۇسبەگىلەر اراسىنداعى رەسپۋبليكالىق جارىستارعا ۇزبەي قاتىسىپ جۇرگەن جۇماعازىنىڭ الدىنا قويعان مۇباراك ماقساتى بار. وسى لاشىندى قولعا ۇيرەتۋ ارقىلى ول قالادا ءوسىپ كەلە جاتقان جاس ۇرپاقتىڭ بويىندا اڭ-قۇسقا دەگەن سۇيىسپەنشىلىكتى، قۇسبەگىلىك ونەرگە دەگەن قىزىعۋشىلىقتى وياتسام دەيدى.

بالقاشتىق مۇعالىم ءبىر جارىم جاستاعى قۇسىنا «كوكداۋىل» دەپ ات قويعان ەكەن. قولى قالت ەتكەن كەزدەرى ول لاشىن قۇسىن ءوزى ەڭبەك ەتەتىن مەكتەپتىڭ اۋلاسىندا باپتاپ، ءتۇرلى پارمەندەرگە باعىنۋدى ۇيرەتەدى. مۇنى كورىپ، قىزىقتاعان وقۋشى بالالاردىڭ قاتارى كۇننەن كۇنگە كوبەيىپ كەلەدى.


قاراعاندى وبلىسى



سوڭعى جاڭالىقتار

قوردىڭ قوماقتى قولداۋى

ەكونوميكا • كەشە

وتەماقىعا ءوتىنىش بەر

ەكونوميكا • كەشە

وتباسىندا – 36 بالا

قوعام • كەشە

سۋ باسۋدىڭ قاۋىپ-قاتەرى

ايماقتار • كەشە

تۇماۋدان ساق بولىڭىز!

مەديتسينا • كەشە

كۇرە جولداعى اپات

ايماقتار • كەشە

سەنى وسىلاي سۇيەمىن

ادەبيەت • كەشە

اعاش ادام

ادەبيەت • كەشە

اسىلدىڭ سىنىعى

ايماقتار • كەشە

ۇقساس جاڭالىقتار