وتىرىس بارىسىندا جەكەشەلەندىرۋدىڭ 2016–2020 جىلدارعا ارنالعان كەشەندى جوسپارىن ىسكە اسىرۋ جانە تۇزەتۋ ماسەلەلەرى تالقىلاندى. قوردىڭ تاۋەكەلدەرىن باسقارۋ ساياساتى ماسەلەلەرى بويىنشا ەسەپتەر تىڭدالىپ, ىشكى باقىلاۋ جۇيەسىن ودان ءارى جەتىلدىرۋ شارالارى بەكىتىلدى. سونىمەن قاتار, قوردىڭ قايىرىمدىلىق جۇمىسىنىڭ قورىتىندىسى شىعارىلىپ, سونداي-اق, بىرقاتار پروتسەدۋرالىق ماسەلە شەشىلدى.
«اتىراۋ حالىقارالىق اۋەجايى» اق, «اقتوبە حالىقارالىق اۋەجايى» اق, «پاۆلودار اۋەجايى» اق ءتيىستى وبلىس ورتالىقتارىنىڭ اكىمدىكتەرىنىڭ كوممۋنالدىق مەنشىكتەرىنە بەرۋ تۋرالى شەشىم قابىلداندى. اتالعان شەشىم كولىك قولجەتىمدىلىگى مەن حالىق جۇمىلعىشتىعىن قامتاماسىز ەتۋدى, سونداي-اق وڭىرلەردى دامىتۋ ءۇشىن اۋەجايلاردىڭ الەۋمەتتىك ماڭىزىن ەسكەرە وتىرىپ قابىلداندى.
قوردىڭ كومپانيالار توبىنىڭ نەگىزگى قىزمەتىنەن تۇسكەن كىرىستەرى 2018 جىلى 35%-عا ۇلعايتىلعانى اتالىپ ءوتتى. تازا كىرىس كولەمى 2017 جىلعى كورسەتكىشتەرمەن سالىستىرعاندا 2 ەسەگە وسكەن. وڭ وندىرىستىك قارجىلىق ناتيجەلەر قورعا دەنساۋلىق ساقتاۋ, سالاماتتى ءومىر سالتى, مەديتسينا, ءبىلىم بەرۋ جانە قايىرىمدىلىق سالالارىندا الەۋمەتتىك باعدارلامالاردى ىسكە اسىرۋدى جالعاستىرۋعا جانە كەڭەيتۋگە جول اشتى.
وتىرىس اياسىندا قوردىڭ قايىرىمدىلىق باعدارلاماسىن ورىنداۋدىڭ 2018 جىلعا ارنالعان جىلدىق ەسەبى قارالدى. قور اتىنان قايىرىمدىلىق شارالارىن ورىندايتىن وپەراتور — Samruk-Kazyna Trust كورپوراتيۆتىك قورى. 2018 جىلى كورپوراتيۆتىك قور 250 000-نان استام ادامدى قامتي وتىرىپ, 5,5 ملرد-تان استام تەڭگەگە 32 قايىرىمدىلىق جوباسىن قولدادى. باعىتتار كەلەسى ساناتتاردى قامتيدى: الەۋمەتتىك جانە مەديتسينالىق سەكتورلاردا ادامدارعا, قوعامداستىقتارعا كومەكتەسۋ, مەديانى, مادەني قاۋىمداستىقتى, ادام الەۋەتىن دامىتۋ, ەڭبەك قاتىناستارىن نىعايتۋ, قوعامنىڭ تۇراقتى دامۋىنا ينۆەستيتسيالار, سونداي-اق, قور توبى بار وڭىرلەردە الەۋمەتتىك ينۆەستيتسيالاردىڭ وڭىرلىك باعدارلامالارىن ىسكە اسىرۋ.
