ايماقتار • 02 ءساۋىر، 2019

سايرامنىڭ جيھازدارى ازيادا ۇلكەن سۇرانىسقا يە

247 رەت كورسەتىلدى

تۇركىستان وبلىسىنىڭ اكىمى ومىرزاق شوكەەۆ جۇمىس ساپارىمەن سايرام اۋدانىندا بولدى. بۇل تۋرالى تۇركىستان وبلىسى اكىمىنىڭ ءباسپاسوز قىزمەتى حابارلادى.

اقسۋ وزەنى بويىن اباتتاندىرۋ جۇمىستارىمەن تانىسقان سوڭ ءوڭىر باسشىسى «سايرام ءسۇت» جشس-نە باردى. 50 ادام جۇمىس ىستەيتىن كاسىپورىن تاۋلىگىنە 20 توننا ءسۇت ونىمدەرىن وندىرەدى. ومىرزاق ەستاي ۇلى اۋدان باسشىسىنا اتالعان كاسىپورىنعا سۋبسيديا الۋ بويىنشا جەڭىلدىكتەردى تالاپقا ساي قاراستىرۋ قاجەتتىگىن تاپسىردى.

سونداي-اق، وبلىس اكىمى سايرام اۋدانى، مانكەنت اۋىلىنداعى  «بالىم-اي» بالاباقشاسىنىڭ جۇمىسىمەن تانىستى. 2019 جىلى ىسكە قوسىلعان بالاباقشادا بۇگىندە 280 بالا تاربيلەنۋدە. وندا 70 ادام جۇمىسپەن قامتىلعان.

سايرام اۋدانى ەت ەكسپورتتاۋدان كوشباسشىلار قاتارىندا ەكەنى جۇرتقا ءمالىم. اۋدانداعى ەت وڭدەۋمەن اينالىساتىن كاسىپورىنداردىڭ ءبىرى –  مانكەنت اۋىلىندا ورنالاسقان «ەت اگرو مانكەنت» ستك-ى. كاسىپورىن – مال بورداقىلاۋ، ەت ءوندىرۋ، مال سويۋ جانە ەت ساقتاۋمەن اينالىسادى. جوبانىڭ قۋاتتىلىعى –  تاۋلىگىنە 20 توننا. ءوندىرىس ورنىنىڭ جۇمىسىمەن تانىسقان وبلىس اكىمى ەت ەكسپورتى بويىنشا تۇركىستان وبلىسى رەسپۋبليكادا كوش باستاپ تۇرعانىن اتاپ ءوتىپ، ءالى دە ەكسپورت كولەمىن ارتتىرۋ كەرەكتىگىن ايتتى.

ودان بولەك، وبلىس اكىمى سايرام اۋدانىنداعى  «Bella Mebel» جيhاز وندىرەتىن فابريكا جۇمىستارىمەن دە تانىستى.  بۇگىنگى تاڭدا فابريكادا 120-عا جۋىق ادام جۇمىس ىستەيدى. جالپى فابريكانىڭ ونىمدەرى تەك قانا قازاقستانعا عانا ەمەس، ءازىربايجان، وزبەكستان مەملەكەتتەرىندە دە ۇلكەن سۇرانىسقا يە. وتكەن جىلى فابريكا 496،4 ملن. تەڭگەنىڭ ءونىمىن وندىرگەن، بيىل ءونىم كولەمىن ارتتىرۋ جوسپارلانىپ وتىر. ومىرزاق ەستاي ۇلى كاسىپورىن يەسىنە تۇركىستان قالاسىنداعى يندۋستريالدى ايماقتان جيhاز فابريكاسىن سالۋدى ۇسىندى. كاسىپكەر اتالعان يدەيانى تەز ارادا قولعا الاتىنىن جەتكىزدى.

جۇمىس ساپارى سوڭىندا اقسۋ اۋىلىنداعى «اسىل لتد» جشس-ءنىڭ جەتىستىكتەرىن كورگەن وبلىس باسشىسى تەك ۇن وندىرۋمەن توقتالىپ قالماي، بيداي ءونىمىن ءارتاراپتاندىرۋ كەرەكتىگىن ايتتى. بۇگىندە تاۋلىگىنە 3000 توننا ۇن شىعارۋعا قابىلەتتى ديىرمەننىڭ ۇنى ەلىمىزبەن قاتار وزبەكستانعا ەكسپورتتالىپ جاتىر.

سوڭعى جاڭالىقتار

ەنەرگەتيكا – ەكونوميكا درايۆەرى

ەكونوميكا • بۇگىن، 21:25

تورعاي تاريحىن تولعاعان

تاريح • بۇگىن، 20:50

جىل ءسوزى

الەم • بۇگىن، 20:36

قۇلدىرامايتىن قۇندىلىق

تانىم • بۇگىن، 20:20

اۋعانستاندا جارىلىس بولدى

الەم • بۇگىن، 12:21

ۇقساس جاڭالىقتار