18 ناۋرىز، 2019

وڭداسىن ورازالين جول-كولىك اپاتىنان قازا بولعانداردىڭ تۋىستارىنا كومەك كورسەتۋدى تاپسىردى

938 رەتكورسەتىلدى

اقتوبە وبلىسىنىڭ اكىمى جول-كولىك اپاتىنان قازا بولعاندار مەن زارداپ شەككەندەردىڭ تۋىستارىنا كومەك كورسەتۋدى تاپسىردى.

18 ناۋرىز تاڭەرتەڭ «جاڭاجول-سەۆەرنايا ترۋۆا» اۆتوتراسساسىندا «ۋرال» سۋ تاسىمالداۋشىسى جانە كۇزەت فيرماسىنىڭ قىزمەتكەرلەرىن الىپ كەلە جاتقان «پاز» اۆتوبۋسى سوقتىعىستى. پوليتسيا دەپارتامەنتىنىڭ حابارلاۋىنشا، وقيعانىڭ سالدارىنان اۆتوبۋستىڭ جۇرگىزۋشىسى مەن ەكى جولاۋشىسى قازا بولدى. اۆتوبۋستىڭ تاعى 9 جولاۋشىسى جانە سۋ تاسۋشى كولىك جۇرگىزۋشىسى اۋرۋحاناعا جاتقىزىلدى. جول-كولىك وقيعاسىنىڭ سەبەپتەرى زەرتتەلۋدە.

وبلىس اكىمىنىڭ تاپسىرماسى بويىنشا مۇعالجار جانە تەمىر اۋدانىنىڭ اكىمدەرى قازا تاپقانداردىڭ، زارداپ شەككەندەردىڭ تۋىستارىنا قاجەتتى كومەك كورسەتۋ جانە تەرگەۋ ءىس-شارالارىن جۇرگىزۋ ءۇشىن وقيعا ورنىنا جولعا شىقتى. 

سوڭعى جاڭالىقتار

ۇقساس جاڭالىقتار