18 ناۋرىز، 2019

وبلىس اكىمى «اقتوبە» اكك جۇمىسىن كۇشەيتۋدى تاپسىردى

786 رەتكورسەتىلدى

سەنبى، 16 ناۋرىز كۇنى اقتوبە وبلىسىنىڭ اكىمى وڭداسىن ورازالين «اقتوبە» يندۋستريالىق ايماعىن ارالاپ، «اقتوبە» اكك-ءنىڭ قىزمەتى تۋرالى ەسەپتى تىڭدادى.   

يندۋستريالدى ايماقتا وڭداسىن ورازالين «فاەتون» A-كلاسس ساۋدا-لوگيستيكالىق ورتالىعىنىڭ، «پوليۆەست» جشس-ءنىڭ پوليەتيلەن ونىمدەرىنىڭ،  «اقتوبە توPSا پلاست» جشس ءانتيفريزدى جانە حيميالىق رەاگەنتتەرىنىڭ، «TALAN Technology» شينالارىن جويۋ تسەحتارىنىڭ جۇمىستارىمەن تانىستى. سونىمەن قاتار، وبلىس اكىمى «FIBC KAZAKHSTAN» جشس-ءنىڭ ءىرى قاپتارىنىڭ شەبەرحاناسىنىڭ جانە «زەردە-كەراميكا اقتوبە» جشس-ءنىڭ كەراموگرانيت جانە كەراميكالىق پليتكالار وندىرەتىن زاۋىتتى ىسكە قوسۋ دايىندىعىن جوعارى باعالادى.   

«پوليۆەست» جشس وبلىس اكىمىنە تەز قۇراستىرىلاتىن امبەباپ رامالىق شاتىر انگارلارىن جابىق سپورت زالدارى رەتىندە شىعارۋ جوسپارلارى تۋرالى حاباردار ەتتى. وسىنداي قۇرىلىمداردىڭ ماڭىزدى ارتىقشىلىقتارى قۇرىلىستىڭ جىلدامدىعى جانە سالىستىرمالى تۇردە شىعىندارى تومەن بولىپ وتىر. وبلىس اكىمى بۇل تەحنولوگيانىڭ اۋىلداعى مادەني-ساۋىقتىرۋ جانە سپورتتىق نىسانداردىڭ جەلىسىن كەڭەيتۋ ءۇشىن بەلسەندى تۇردە قولدانىلۋ كەرەكتىگىن اتاپ ءوتتى.

«بۇل سپورتپەن اينالىسۋعا عانا ەمەس، قاجەت بولسا، كونتسەرت قويىلۋى ءۇشىن كوپقۇرىلىمدى نىسان بولۋى كەرەك. اكىمشىلىك بلوكتى، ءارتۇرلى جاس ساناتتارىنا ارنالعان ۇيىرمەلەر زالدارىن قامتيتىن جاڭا جوبا جاساڭىز. ەگەر شىعىندار قولايلى بولسا، ءبىز ونى وڭىردە ىسكە اسىرامىز»، - دەدى وڭداسىن ورازالين.

سودان كەيىن وبلىس اكىمى «اقتوبە» اكك قىزمەتى تۋرالى باياندامانى تىڭدادى. كورپوراتسيانىڭ باسشىسى انۋاربەك ماحانوۆ 2019 جىلعا ارنالعان جوسپارلارعا توقتالىپ، 23،3 ملرد. تەڭگەنىڭ 8 جوباسىن ەگجەي-تەگجەيلى تالقىلادى، ولار اعىمداعى جىلى ىسكە قوسۋعا جوسپارلانعان.

باياندامانى تىڭداعان وبلىس اكىمى يندۋستريالدى ايماقتىڭ نەگىزگى وپەراتورى رەتىندە جوبالاردى ىسكە اسىرۋدىڭ ايقىن جوسپارلارى مەن مەرزىمىنىڭ جوقتىعى، جوعارى تەحنولوگيالىق وندىرىستەرگە ينۆەستيتسيا سالۋعا دايىن ينۆەستورلاردى تارتۋ بويىنشا ءالسىز جۇمىسى ءۇشىن كورپوراتسيا جۇمىسىن سىنعا الدى.

ەسەپتىڭ قورىتىندىسى بويىنشا وبلىس اكىمى بارلىق باعىتتار بويىنشا جۇمىستى كۇشەيتۋ جونىندە بىرقاتار تاپسىرمالار بەردى، بۇل ينۆەستيتسيالاردى تارتۋ اكك نەگىزگى مىندەتى بولىپ تابىلادى.

«ينۆەستورلار ءۇشىن ەڭ قولايلى جاعداي جاساۋ كەرەك، ولار ءۇشىن مەملەكەتتىك قىزمەتتەردى الۋ مۇمكىندىگىنشە وڭاي بولۋى كەرەك. مەن بيزنەسپەن اينالىساتىن بارلىق مەملەكەتتىك ورگاندارعا ەسكەرتەمىن، ەگەر سىزدەردىڭ تاراپىڭىزدان توسقاۋىلدار جاساۋ تۋرالى كەم دەگەندە ءبىر شاعىم جاسالسا، سۇرانىس قاتال بولادى. كاسىپكەرلىكتى دامىتۋ، ينۆەستيتسيالاردى تارتۋ - بۇل ەلباسىنىڭ ورىندالۋى ءتيىس تاپسىرمالارى»، - دەدى وڭداسىن ورازالين.

جۇمىس ساپارى پوليگون اۋماعىندا ورنالاسقان تۇرمىستىق قاتتى قالدىقتار سۇرىپتايتىن كەشەن جۇمىسىمەن، سونداي-اق وبلىس ورتالىعىنىڭ اعىندى سۋلاردى تازارتۋ قوندىرعىلارىن جاڭعىرتۋ جوباسىن جۇزەگە اسىرۋ بارىسىمەن جالعاستى. «اقبۇلاق» اق پرەزيدەنتى اسان ىبراەۆتىڭ ايتۋىنشا، بۇل جوبانىڭ جالپى جۇمىسىنىڭ قۇنى 16،8 ملرد. تەڭگەنى قۇرايدى. قازىرگى ۋاقىتتا جوبالىق-سمەتالىق قۇجاتتاردى ازىرلەۋ جۇمىستارى جالعاسۋدا. ونى جۇزەگە اسىرۋ بەس جىلعا جوسپارلانعان.

وڭداسىن ورازالين «اقبۇلاق» اق باسشىلىعىنا ەكولوگيالىق قاۋىپسىزدىكتى قامتاماسىز ەتۋ - ءومىر ساپاسىنىڭ ەڭ ماڭىزدى كورسەتكىشى ەكەنىن، سونداي-اق ۋاكىلەتتى مەملەكەتتىك ورگاندارعا قالانىڭ ەكولوگيالىق جاعدايىن جاقسارتۋ جونىندەگى شارالاردى كۇشەيتۋدى، سونىڭ ىشىندە اقتوبەدەگى جاعىمسىز ءيىس كوزدەرىن جويۋدى ەرەكشە تاپسىردى.

سونداي-اق ول اسان ىبىراەۆقا «اقبۇلاق» اق قىزمەتىنە قاتىستى ازاماتتاردىڭ شاعىمدارىن قاناعاتتاندىرۋ بويىنشا جۇمىستى كۇشەيتۋدى تاپسىردى. سوڭعى كۇندەردە الەۋمەتتىك جەلىلەردە قالانىڭ ءتۇرلى اۋداندارىنداعى سۋىق سۋدىڭ جوقتىعى تۋرالى ءۇش شاعىم جاريالانعانىن ەسكەرتتى. ايماق باسشىسى بارلىق كوممۋنالدىق قىزمەتتەر مەن مەملەكەتتىك ورگانداردىڭ وبلىس تۇرعىندارىنىڭ شاعىمداردىنا بارىنشا تەزىرەك جاۋاپ بەرۋگە مىندەتتى ەكەنىن اتاپ ءوتتى.

بۇدان باسقا، وبلىس اكىمى «اقتوبە سترويتەحنولوگيا» اۆتوكلاۆتى گازدالعان زاۋىتىن ارالادى. وندىرىسپەن تانىسقاننان كەيىن وبلىس باسشىسى كاسىپورىننىڭ قىزمەتىنە وڭ باعاسىن بەرىپ، ودان ءارى تابىسقا جەتۋدى تىلەدى.

تەمىر قۇسايىن،

«Egemen Qazaqstan»

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار