قازاقستان • 18 ناۋرىز، 2019

بۇل – الەۋمەتتىك ساياساتتىڭ جاڭا ۇلگىسى

767 رەتكورسەتىلدى

«نۇر وتان» پارتياسىنىڭ كەزەكتى حVIII سەزى سىرتقى جانە ىشكى جاعدايدىڭ جاندانعان تۇسىمەن پارا-پار كەلدى. سىرتقى ەكونوميكالىق احۋالدىڭ كۇردەلەنىپ، كىرىس­تەردىڭ وبەكتيۆتى تومەندەۋى حالىقتىڭ الەۋمەتتىك كۇتىلىمدەرى وسكەن ۋاقىتتا تۇراقتىلىققا كەرى اسەرىن تيگىزبەي قويمادى.

شىنتۋايتىندا، پارتيا سەزى ازاماتتاردى الەۋمەتتىك قول­­­داۋ­دىڭ سوڭعى ۋاقىتتا اۋقى­م­ى جاعىنان تەڭدەسسىز باع­دار­لا­ما­سىن تۋدىرعان قۋاتتى تۇعىر­ناماسى بولا ءبىلدى. 

بۇگىنگى تاڭدا قازاقستان بيۋد­­ج­ەتىنىڭ 45 پايىزى الەۋ­مەت­تىك سالاعا بولىنەتىنىنە قارا­ماس­تان، ەلىمىزدە بۇل سالادا مەم­لەكەتتىڭ ءرولىن ودان ءارى كۇشەي­تە تۇسكەن ناقتى سۇرانىستار قالىپ­تاستى. بۇل، اسىرەسە، كوپ بالا­لى وتباسىلاردى قورعاۋدا ناقتى كورىنىس تاۋىپ وتىر. 

سونىمەن قاتار مەملەكەت ءبىلىم بەرۋ مەن دەنساۋلىق ساق­تاۋ سالالارىنا قوسىمشا قار­جى قاراستىرىپ وتىر. بۇل ءوز كەزەگىندە قازاقستانداعى ادامي كاپيتالدىڭ ساپالى ءوسۋىن قامتاماسىز ەتىپ، ءبىلىم دەڭگەيى مەن ءومىر ءسۇرۋ ۇزاقتىعىنىڭ ارتۋىنا ىقپال ەتۋى ءتيىس. بۇدان بۇرىن ۇكىمەتتەگى الەۋمەتتىك سالا باسشىلىعى، ۆيتسە-مينيستر، ءبىلىم جانە عىلىم مينيستر­لىگى مەن ەڭبەك جانە حالىقتى الەۋمەتتىك قورعاۋ مينيستر­لىگى باسشىلارى تولىعىمەن قاي­تا تاعايىندالدى. اتالمىش كادر­لىق وزگەرىستەر ەسكى قاتە­لىكتەرگە ۇرىنباي، سەر­پىندى جۇمىستاردى جاڭا پاراقتان باستاۋعا مۇمكىندىك بەرەدى. 

ءوز سوزىندە مەملەكەت باسشىسى الەۋمەتتىك سالاعا بولىن­­گەن مەملەكەتتىك قارجىلىق قول­داۋدىڭ ارتۋى ماسىلدىق نيەت­تى تۋعىزباۋى ءتيىس، كەرىسىنشە الەۋ­­­مەتتىك ساياسات مەيلىنشە تەڭ­­­­گەرىمدى بولۋى كەرەك دەدى. بۇ­­دان پرەزيدەنت ۇسىنعان باستا­ما­لار ساياسيلانباعانىن ءارى تەرەڭ ويلاس­تىرىلعانىن تۇسىنۋگە بولادى. وسىلايشا، كەزەكتى سەزد سايلاۋالدى قادام ەمەس، ەلىمىزدىڭ كەشەندى دامۋىنىڭ ۇزاقمەرزىم­دى ناتيجەسىنە قول جەتكىزۋگە باعىت­تالعان شىنايى الەۋمەتتىك ساياسات ەكەنى ءسوزسىز. 

تۇتاستاي العاندا، مەملەكەت باسشىسى «نۇر وتان» پار­تيا­سىنىڭ حVIII سەزىندە سويلەگەن سوزىندە جاڭا ۇكىمەتتىڭ الداعى جۇمىستارىنىڭ باستى ماقسات-مىندەتتەرىن ايقىنداپ بەردى. بۇعان دەيىن پرەزيدەنت جول­داۋىندا كورىنىس تاپقان الەۋ­مەت­تىك باس­ت­امالار مەن «نۇر وتان» سەزىن­دە قابىلدانعان جاڭا مىن­دەتتەر قازاقستان دامۋى­­نىڭ الداعى 5 جىلداعى با­سىم باعىتتارى بولارى كۇمانسىز. 

ەرجان سالتىباەۆ، 

الەمدىك ەكونوميكا جانە ساياسات ينستيتۋتىنىڭ ديرەكتورى

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار