ايماقتار • 18 ناۋرىز، 2019

تۇركىستان: اۋىل شارۋاشىلىعىنا پولشا تەحنولوگياسى ەنگىزىلەدى

831 رەتكورسەتىلدى

تۇركىستان قالاسىندا «تۇركىستان: پولشالىق بيزنەس ءۇشىن جاڭا مۇمكىندىكتەر» اتتى قازاقستان-پولشا حالىقارالىق بيزنەس-فورۋمى ءوتتى. بۇل تۋرالى تۇركىستان وبلىسى اكىمىنىڭ ءباسپاسوز قىزمەتى حابارلادى.

شەتەلدىك دەلەگاتتار قۇرامىندا ەكونوميكا، اۋىل شارۋاشىلىعى، تەلەكوممۋنيكاتسيا جانە ماشينا جاساۋ سالالارىندا قىزمەت ەتەتىن 20-عا جۋىق كاسىپكەرلەر مەن كومپانيا وكىلدەرى بولدى. دەلەگاتسيانى پولشانىڭ قازاقستانداعى توتەنشە جانە وكىلەتتى ەلشىسى سەليم حازبيەۆيچ باستاپ كەلدى. قوناقتار تۇركىستان وبلىسىنىڭ كاسىپ يەلەرىمەن كەزدەستى.

«تۇركىستان» اكك» اق-نىڭ فيليالى «Turkistan Invest» كومپانياسى ۇيىمداستىرعان فورۋم اياسىندا قوس تاراپ بىرىگىپ جۇزەگە اسىراتىن جوبالار، ەكسپورت پەن يمپورتقا قاتىستى ماسەلەلەر جايىندا ءسوز قوزعادى. «ينۆەستيتسيا جانە ساۋدا بويىنشا پولشالىق اگەنتتىك» اق شەتەلدىك ساۋدا ءوفيسىنىڭ باسشىسى يۋليا گورودەتسكايا بۇل بيزنەس-فورۋم ەكى ەلدىڭ نارىقتاعى جاعدايىن جاقسارتۋعا اسەر ەتەتىنىن ايتتى.

«فورۋم پولشا مەن تۇركىستان وبلىسى اراسىنداعى ساۋدا-ەكونوميكالىق دامۋدىڭ جاڭا جولدارىن ايقىنداۋعا ۇلكەن ۇلەسىن قوسادى. ورتالىق ازياعا جول اشاتىن قازاقستان ەۋروپا مەن ازيا ءۇشىن ماڭىزدى رولگە يە. ەۋروپالىق وداق نارىعىنا جەتەلەيتىن پولشا دا سىزدەر ءۇشىن تۋرا سونداي ماڭىزدى ەل بولىپ تابىلادى. قازاقستان مەن پولشا – ينۆەستيتسيالىق بايلانىس بويىنشا دا جاقسى ارىپتەس ەلدەر» دەدى يۋليا گورودەتسكايا.

كەزدەسۋ بارىسىندا تۇركىستان وبلىسى اۋماعىندا اۋىل شارۋاشىلىعى سالاسىنداعى پولشالىق تەحنولوگيالاردى ەندىرۋ تۋرالى ۇسىنىس ايتىلدى. ونىڭ ىشىندە، شەتەلدىك كاسىپكەرلەر سۋ، ءسۇت جانە سۇيىق مايدى قۇيۋ بويىنشا بيزنەستەردىڭ دايىن نۇسقالارىن تانىستىردى. پولشالىق بيزنەس وكىلدەرى قاجەتتى قۇرال-جابدىقتارمەن قامتاماسىز ەتۋمەن قاتار، جۇمىسشىلاردى وقىتىپ، ۇيرەتەتىندىكتەرىن دە جەتكىزدى.

ء«بىز اگرارلىق ولكەمىز، سوندىقتان بىزگە بۇگىنگى تاڭدا اگروونەركاسىپتىك كەشەن بويىنشا كوشباسشى بولىپ تابىلاتىن پولشالىق تەحنولوگيالار قاجەت. وڭىرىمىزدە قايتا وڭدەۋگە بولاتىن اۋىل شارۋاشىلىعى ونىمدەرىنىڭ كولەمى ۇلكەن. ولاردى تەك قىتاي مەن رەسەيگە عانا ەمەس، سونداي-اق، پولشاعا دا تاسىمالداي الامىز» دەدى ناريمان يلياسوۆ.

ءىس-شارا بارىسىندا ەكى تاراپتىڭ كاسىپ يەلەرىنە ارنالعان ۆ2ۆ فورماتىنداعى كەزدەسۋلەر ۇيىمداستىرىلدى. ناتيجەسى رەتىندە ىنتىماقتاستىقتى ارى قاراي دامىتىپ، ونى نىعايتۋعا باعىتتالعان بىرقاتار قۇجاتتارعا قول قويىلدى. فورۋمعا قاتىسۋشىلار بۇل باسقوسۋدىڭ قوس ەلگە دە ءتيىمدى بولاتىندىعىنا سەنىم ءبىلدىردى.

ايتا كەتەرلىك جايت، قازاقستان مەن پولشا اراسىنداعى تاۋار اينالىمى 1 ملرد. اقش دوللارىنان استام سومانى قۇرايدى. قازاقستانعا پولشا فارماتسەۆتيكالىق، كوسمەتيكالىق ونىمدەر مەن قانتتى تاسىمالدايدى. ال قازاقستان مينەرالدىق ونىمدەردى، كومىر مەن بيدايدى ەكسپورتتايدى. بۇگىنگى تاڭدا ەلىمىزدە 200-دەن استام پولشالىق كومپانيالار قىزمەت ەتەدى

سوڭعى جاڭالىقتار

ءۇي جانۋارىنان ۆيرۋس جۇعا ما؟

كوروناۆيرۋس • بۇگىن، 18:39

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

ۇقساس جاڭالىقتار