ايماقتار • 18 ناۋرىز، 2019

ارىستا «وليمپيادا شىڭى» سپورتتىق ەستافەتاسى باستالدى

876 رەت كورسەتىلدى

تۇركىستان وبلىستىق «رۋحاني جاڭعىرۋ» جوبالىق كەڭسەسى جانە ارىس قالاسى اكىمدىگىنىڭ ۇيىمداستىرۋىمەن قالالىق سپورت كەشەنىندە ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا «وليمپيادا شىڭى» ەستافەتاسى باستاۋ الدى. بۇل تۋرالى تۇركىستان وبلىسى اكىمىنىڭ ءباسپاسوز قىزمەتى حابارلادى.

ەستافەتانىڭ ماقساتى – جاستاردىڭ بويىنا «رۋحاني جاڭعىرۋ» باعدارلاماسىنداعى «پراگماتيزم»، «باسەكەگە قابىلەتتىلىك» باسىمدىعىن ءسىڭىرۋ، پايدالى ىستەرمەن اينالىسۋ، ءوزىن-ءوزى جەتىلدىرۋ، ۋاقىتتى ءتيىمدى پايدالانۋعا ۇيرەتۋ جانە باۋلۋ. سونداي-اق، جاستارىمىزدىڭ بولاشاقتا «وليمپيادا شىڭىن» باعىندىرىپ، چەمپيون بولۋعا جول اشۋ.

اتالعان ەستافەتانى قالا اكىمىنىڭ ورىنباسارى ر.ايتباەۆ اشىپ، قۇتتىقتاۋ ءسوز سويلەپ، ەستافەتانىڭ كۋبوگىن شاردارا اۋدانىنان كەلگەن دەلەگاتتارعا سالتاناتتى تۇردە تابىس ەتتى. ەستافەتاعا قوعامدىق سانانى جاڭعىرتۋ باعدارلاماسىن جۇزەگە اسىرۋ جونىندەگى تۇركىستان وبلىسى بويىنشا ايماقتىق جوبالىق كەڭسەسىنىڭ جەتەكشىسى ب.اشىربەكوۆ «وليمپيادا شىڭى» سپورتتىق ەستافەتاسىنا قاتىسقان جاس سپورتشىلارعا ساتتىلىك تىلەدى.

ايتا كەتەيىك، ەستافەتا تۇركىستان وبلىسىنداعى بارلىق قالا جانە اۋدانداردا جالعاسىن تاباتىن بولادى.

سوڭعى جاڭالىقتار

ۇقساس جاڭالىقتار