قازاقستان • 18 ناۋرىز، 2019

تۇركىستان وبلىسىندا بالالار قاۋىپسىزدىگىنە ارنالعان شارالار وتكىزىلىپ جاتىر

833 رەتكورسەتىلدى

تۇركىستان وبلىسىندا توتەنشە جاعدايلار دەپارتامەنتىنىڭ ۇيىمداستىرۋىمەن بالالار قاۋىپسىزدىگىنە ارنالعان ءبىر ايلىق ءىس-شارا وتكىزىلىپ جاتىر. بۇل تۋرالى تۇركىستان وبلىسى وڭىرلىك كوممۋنيكاتسيالار قىزمەتى حابارلادى.

جيىننىڭ ماقساتى - ازاماتتىق قورعاۋ سالاسىنداعى بىلىكتىلىكتى ناسيحاتتاۋ، توتەنشە جاعدايلاردىڭ الدىن الۋدى ىسكە اسىرۋ، وقۋشىلارعا قاۋىپتى جاعدايدا ءوزىن-ءوزى ۇستاۋ ەرەجەلەرىن ۇيرەتۋ. بۇل تۋرالى وڭىرلىك كوممۋنيكاتسيالار قىزمەتىندە وتكەن ءباسپاسوز جيىنىندا توتەنشە جاعدايلار دەپارتامەنتى باستىعىنىڭ ورىنباسارى راۋان ۋسەرباەۆ مالىمدەدى.

ونىڭ سوزىنشە، شارا 30 ناۋرىزعا دەيىن ءوڭىرىمىزدىڭ بارلىق اۋدان، قالالارىندا جالعاساتىن بولادى.

«حالىقارالىق ازاماتتىق قورعانىس ۇيىمىنىڭ قارارىنا سايكەس، كوكتەمنىڭ العاشقى كۇنى 1 ناۋرىز بۇكىلالەمدىك ازاماتتىق قورعانىس كۇنى بولىپ بەكىتىلگەن. بۇل بويىنشا تۇركىستان وبلىسى توتەنشە جاعدايلار دەپارتامەنتى تاراپىنان ارنايى جوسپار ازىرلەگەن. قازىرگى تاڭدا وبلىستاعى بارلىق ءبىلىم ۇيالارىندا جانە مەكتەپكە دەيىنگى ءبىلىم مەكەمەلەرىندە ايلىق ءىس-شارالار وتكىزىلۋدە. ءتۇرلى اپاتتاردان قورعانۋدا بۇل جۇمىستاردىڭ قوعامعا پايداسى مول»، - دەدى راۋان التىنسارى ۇلى.

ازاماتتىق قورعانىستى نىعايتۋعا باعىتتالعان شارا الدىمەن تۇركىستان قالاسىنداعى №2 «حامزا» اتىنداعى جالپى ورتا مەكتەبىندە وتكىزىلگەن. وندا 48 مەكتەپتەن 3 مىڭعا جۋىق وقۋشى قاتىستىرىلدى. جيىن بارىسىندا وقۋشىلار ەستافەتا، ينتەراكتيۆتى ساباقتار جانە سەيسميكالىق جاتتىعۋلارعا قاتىسىپ، تەحنيكالار مەن اۆاريالىق قۇتقارۋ قۇرالدارىنىڭ كورمەسىمەن تانىستى.

ينتەراكتيۆتى ساباقتا بالالار ازاماتتىق قورعانىس، ءورت قاۋىپسىزدىگى جانە جالپى ازاماتتىق قورعاۋ سالاسىنداعى كوپتەگەن جاڭاشىلدىقتاردى ۇيرەندى. ەستافەتا كەزىندە وقۋشىلار ءورت قاۋىپسىزدىگى، رادياتسيالىق، حيميالىق جانە بيولوگيالىق قورعانىس، ازاماتتىق قورعاۋ سالالارىنداعى بىلىمدەرىن، سپورتتىق قابىلەتتەرىن كورسەتە ءبىلدى. ياعني، ءورت سوندىرگىشتى دۇرىس پايدالانۋ، جاراقات العان ادامعا ءبىرىنشى كومەك كورسەتۋ، گازقاعاردى قولدانۋ سياقتى ەستافەتانىڭ سىناقتارىنان ءوتتى.

سونداي-اق، جەر سىلكىنىسى كەزىندەگى ءىس-ارەكەتتى جەتىلدىرۋ ماقساتىندا مەكتەپ مۇعالىمدەرى مەن وقۋشىلارىنا سەيسميكالىق جاتتىعۋلار وتكىزىلدى. وندا اپات كەزىندە مەكتەپ عيماراتىنان ادامداردى كوشىرۋ، زارداپ شەككەندەرگە العاشقى مەديتسينالىق كومەك كورسەتۋ ءىس-ارەكەتتەرىن پىسىقتادى.

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار