قازاقستان • 18 ناۋرىز، 2019

جاستار وكىلدەرىمەن كەزدەستى

793 رەتكورسەتىلدى

قازاقستان رەسپۋبليكاسىنىڭ مەملەكەتتىك حاتشىسى، قازاقستان رەسپۋبليكاسىنىڭ پرەزيدەنتى جانىنداعى جاستار ساياساتى جونىندەگى كەڭەستىڭ توراعاسى باقىتجان ساعىنتاەۆ جاستار وكىلدەرىمەن كەزدەستى، دەپ حابارلادى پرەزيدەنتتىڭ ءباسپاسوز قىزمەتى.

كەزدەسۋ بارىسىندا رەسپۋبليكالىق جاستار ۇيىمدارىنىڭ جەتەكشىلەرى مەملەكەتتىك حاتشىعا جاستار جىلى اياسىندا جۇرگىزىپ جاتقان جۇمىستارى جونىندە مالىمدەدى.

ب.ساعىنتاەۆ مەملەكەت باس­شى­سىنىڭ تاپسىرمالارى بويىنشا قازىرگى تاڭدا جاستاردىڭ ءال-اۋقاتىن جاقسارتۋعا، ولاردىڭ ساپالى ءبىلىم الۋىنا، دەنساۋلىق ساقتاۋ قىزمەتىنە قول جەتكىزۋىنە، باسپانا جاعدايىن تۇزەتۋىنە، بوس ۋاقىتتارىنىڭ دۇرىس ۇيىمداستىرىلىپ، قازاقستان جاس­تارىنىڭ ومىردەن ءوز ورنىن تابۋىنا باعىتتالعان ماڭىزدى الەۋمەتتىك جو­بالاردىڭ جۇزەگە اسىرىلىپ جاتقانىن اتاپ ءوتتى.

مەملەكەتتىك حاتشى ەلباسىنىڭ جاستار ساياساتى سالاسىندا العا قويعان مىندەتتەرىن ءتيىمدى ورىنداۋ ءۇشىن مەم­لەكەتتىك ورگاندار مەن جاستاردىڭ ۇكىمەتتىك ەمەس ۇيىمدارى بىرلەسە جۇ­مىس جۇرگىزۋى قاجەتتىگىن ايتتى.

وسىعان بايلانىستى ب.ساعىنتاەۆ ەلىمىزدىڭ بارلىق جاستارىن جاستار جىلى اياسىندا ىسكە اسىرىلىپ جاتقان جوبالارعا بەلسەنە اتسالىسۋعا، ءوزىن-ءوزى جەتىلدىرۋ، ءبىلىم دەڭگەيىن كوتەرۋ جانە كاسىبي بىلىكتىلىگىن ارتتىرۋ ءۇشىن جاڭادان ەنگىزىلگەن «الەۋمەتتىك ليفت» مۇمكىندىكتەرىن پايدالانۋعا شاقىردى.

كەزدەسۋ سوڭىندا مەملەكەتتىك حات­شى جاستارىمىز ەلىمىزدىڭ الەمدەگى باسەكەگە قابىلەتتىلىگىنىڭ ماڭىزدى فاك­تورىنا اينالۋعا ءتيىس ەكەندىگىن اتاپ ءوتتى.

سوڭعى جاڭالىقتار

ۇقساس جاڭالىقتار