16 ناۋرىز، 2019

قوستانايدا تۇڭعىش رەت حالىقارالىق بي فەستيۆالى ءوتىپ جاتىر

991 رەتكورسەتىلدى

قوستانايدا ءبىرىنشى رەت «ناۋرىز دوستاردى شاقىرادى» اتتى ءى حالىقارالىق بي فەستيۆالى ءوتىپ جاتىر. وعان وزبەكستاننان، قىرعىزستاننان، رەسەيدىڭ سانكت-پەتەربۋرگ جانە چەليابى قالالارىنان، تاتارستاننان جانە استانا قالاسى مەن قوستاناي وبلىسىنىڭ قالالارى مەن اۋداندارىنان بي ۇجىمدارى كەلدى. قازاقستاننىڭ ەڭبەك سىڭىرگەن قايراتكەرى شاميل فاحرۋددينوۆتىڭ باستاماسىمەن، وبلىس اكىمىنىڭ قولداۋىمەن شاقىرىلدى. 

فەستيۆالدىڭ اشىلۋ سالتاناتىندا وبلىستىق مادەنيەت باسقارماسىنىڭ باسشىسى ەرلان قالماقوۆ وبلىس اكىمى ارحيمەد مۇحامبەتوۆتىڭ فەستيۆالگە قاتىسۋشىلاردى قۇتتىقتاۋىن جەتكىزدى.

«بي فەستيۆالىنىڭ ناۋرىز مەرەكەسى قارساڭىندا ءوتىپ وتىرعانى تەگىن ەمەس. ناۋرىز مەرەكەسى حالىقتىق داستۇرلەردى جاڭعىرتۋمەن قاتار، دوستىق پەن بىرلىكتى تۋ ەتەدى. ال ونەر دە ادامگەرشىلىكتى، دوستىقتى، ماحابباتتى جىرلايدى. قوستاناي جەرى تەك كەن مەن نانعا عانا ەمەس، ونەر داستۇرلەرىنە دە باي. قوستانايدا تالانتتاردى قاناتتاندىراتىن حالىقارالىق ءىرى بايقاۋلار ءوتىپ تۇرادى. ونەردە شەكارا جوق» دەپ جازىلعان ارحيمەد بەگەجان ۇلىنىڭ قۇتتىقتاۋىندا.

فەستيۆالگە قاتىسۋشىلار مۇنداي ءىس-شارالاردان ءار ۇجىمنىڭ ۇيرەنەرى كوپ ەكەنىن ايتادى. ەڭ باستىسى، دوستىق سالتانات قۇرادى.

«وسىنداي فەستيۆالدەر ءجيى ءوتۋى ءتيىس. بيشىلەر نەگىزىنەن بالالار، ولار ءبىر-بىرىمەن ارالاسادى، ۇيرەنەدى. فەستيۆالگە قاتىسۋشىلاردىڭ بارلىعى دەرلىك حالىق بيلەرىن اكەلگەن، بي حالىقتىق داستۇرلەردى، سالتىمىزدى، ۇلتتىڭ بارلىق قازىناسىن قيمىلمەن كوز الدىڭا اكەلەدى. رۋحاني جاڭعىرۋ دەگەنىمىز وسى ەمەس پە؟» دەيدى شاميل فاحرۋددينوۆ.

فەستيۆالگە 11 بي ءانسامبلى قاتىسۋدا. شاميل فاحرۋددينوۆتىڭ ايتۋىنشا، فەستيۆال اياسىندا قوستانايلىقتار بەس كونتسەرت تاماشالايتىن بولادى.

ءنازيرا جارىمبەت،

«ەگەمەن قازاقستان»

قوستاناي

سوڭعى جاڭالىقتار

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

الەمدەگى احۋال قانداي؟

كوروناۆيرۋس • بۇگىن، 10:57

قىزىلوردا: تاعى 3 ادام تىركەلدى

ايماقتار • بۇگىن، 09:57

مما: UFC-ءدى سىنعا الدى

سپورت • بۇگىن، 09:20

ۇقساس جاڭالىقتار