16 ناۋرىز، 2019

تيمۋر ق ۇلىباەۆ: جەر تۋرالى اقپاراتتىڭ اشىق بەرىلمەۋى - جەمقورلىقتىڭ كوزى

981 رەتكورسەتىلدى

كاسىپكەرلەردىڭ سىبايلاس جەمقورلىققا قارسى ءىس-قيمىل جونىندەگى ءىىى رەسپۋبليكالىق فورۋمىندا «اتامەكەن» قر ۇكپ تورالقا توراعاسى تيمۋر ق ۇلىباەۆ اكىمدىكتەرگە جەر تەلىمدەرى تۋرالى اقپاراتتى جىلدىڭ سوڭىنا دەيىن تسيفرلاندىرۋدى ۇسىندى.

«اتامەكەن» ۇلتتىق كاسىپكەرلەر پالاتاسىنىڭ باسشىسى بۇگىندە كاسىپكەرلەردىڭ تۇيتكىلدى ماسەلەلەرىن شەشۋگە – ءار وڭىردە قۇرىلعان كاسىپكەرلەردىڭ قۇقىعىن قورعاۋ جونىندەگى كەڭەستەردىڭ جۇمىسى كومەكتەسەتىنىڭ ايتتى. كەڭەستەردىڭ جيىندارى  مەملەكەتتىك قىزمەت ىستەرى جانە سىبايلاس جەمقورلىقا قارسى ءىس-قيمىل جونىندەگى اگەنتتىگى قىزمەتكەرلەرىنىڭ قاتىسۋىمەن  وتەۋدە. قر قارجى مينيسترلىگى جانىنىنان قۇرىلعان اپەللياتسيالىق كوميسسيا دا سالىقتىق داۋلاردى سوتقا جەتكىزبەي شەشۋگە كومەكتەسەتىن ءتيىمدى قۇرالداردىڭ ءبىرى. تيمۋر ق ۇلىباەۆتىڭ پىكىرىنشە، وسى وڭ تاجىريبەنى  ەكولوگيا، سانيتاريالىق-ەپيدەميولوگيالىق قىزمەت، مەملەكەتتىك ساتىپ الۋلار، جەر قاتىناستارى سالالارىندا دا، بارلىق باقىلاۋشى ورگاندار اراسىندا دا قولدانۋ كەرەك. 

 بيزنەستىڭ نەگىزگى پروبلەمالارىن، سونىڭ ىشىندە سىبايلاس جەمقورلىق بەلگىلەرىن انىقتاۋدا وڭىرلەردە جۇرگىزىلەتىن سكرينينگتىك زەرتتەۋدىڭ كومەگى زور.

  «تۇركىستان وبلىسى، اقتوبە جانە اتىراۋدا پيلوتتىق تۇردە سكرينينگ جۇرگىزدىك. جىلدىڭ سوڭىنا دەيىن سكرينينگ بارلىق وڭىرلەردە جۇرگىزىلەتىن بولادى. وسىلايشا، اۋىلدا ينفراقۇرىلىمدى ارى قاراي دامىتۋ ءۇشىن ءار ەلدىمەكەندەگى تۇرعىندار مەن كاسىپكەرلەردىڭ تۇيتكىلدى ماسەلەلەرىنىڭ وزەكتى ءتىزىمى انىقتالاتىن بولادى»، – دەدى تيمۋر ق ۇلىباەۆ. 

تورالقا توراعاسى سوڭعى جىلدارى بيزنەسكە ارنالعان رۇقساتار سانى 70%-عا قىسقارىپ، تالاپتار سانى 60%-عا ازايعانىن اتاپ ءوتتى. بيزنەسكە باقىلاۋشى ورگاندار تاراپىنان قىسىم 20%-عا تومەندەگەن، بيزنەستى تەكسەرۋ مەرزىمى ەكى ەسە قىسقارعان. قىلمىستىق زاڭنامانى ىزگىلەندىرۋ وڭ ناتيجە بەردى. ەكونوميكا سالاسىنداعى تىركەلگەن قىلمىستىق ىستەر 5 ەسەگە قىسقارعان. 

 وسى رەتتە تيمۋر ق ۇلىباەۆ بوس جەر تەلىمدەرى جايلى اقپاراتتىڭ اشىق جاريالانباۋى – سىبايلاس جەمقورلىقتىڭ تاعى ءبىر كوزى ەكەنىن ايتتى. اۋىل شارۋاشىلىعى مينيسترلىگىنىڭ دەرەكتەرى بويىنشا 2،3 ملن گەكتار جەردىڭ پايدالانىلماي جاتقانى انىقتالعان. مونيتورينگ جۇيەسى جەتىلدىرىلمەگەن، وكىلەتتى تۇلعالار جەكە پايدانى كوزدەپ، مالىمەتتەردى وزگەرتىپ، جەر تەلىمدەرىنە يەلىك قۇقىعىن بەرۋدەن نەگىزسىز باس تارتادى. 

«ناتيجەسىندە جەرلەر يگەرىلمەي جاتىر، ەكونوميكالىق پروتسەستەر دامىماي، مەملەكەت بيۋدجەتىنە سالىق پەن تولەمدەر تۇسپەيدى. 2018 جىلى اكىمدىكتەردىڭ مالىمەتتەرىنە سايكەس، 1،1 مىڭ جەر تەلىمى ساتىلىمدار بويىنشا قولدانىسقا بەرىلگەن، بۇل جالپى كولەمنىڭ نەبارى 6%-ى عانا. بيىل اكىمدىكتەردى بوس جەرلەرگە قاتىستى اقپاراتتى تسيفرلاندىرۋ بويىنشا جۇمىستى اياقتاۋدى سۇرايمىز. سونداي-اق بۇل شارا  بيۋدجەتتىڭ كىرىس بولىگىن ارتتىرۋعا مۇمكىندىك بەرەدى. وسىنداي اقپاراتتىق بازانى بىرلەسىپ جاسايىق، بۇل اتقارىلعان جۇمىستىڭ ناقتى ينديكاتورى بولماق»، – دەپ قورىتىندىلادى تيمۋر ق ۇلىباەۆ.

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار