قازاقستان • 15 ناۋرىز، 2019

الماتىدا مەديتسينالىق كوللەدج ديرەكتورى قىزمەتىنەن بوساتىلدى

865 رەتكورسەتىلدى

الماتى اكىمى باۋىرجان بايبەك جۇمىس ساپارى كەزىندە جوعارى مەديتسينالىق كوللەدج عيماراتىن ارالاپ، وقۋ ورنىنىڭ قىزمەتى تۋرالى ەسەپتى تىڭدادى.

قوعامدىق دەنساۋلىق ساقتاۋ باسقارماسىنىڭ باسشىسى قانات توسەكباەۆ ءوزىنىڭ سوزىندە مەملەكەتتىك اۋديت قورىتىندىسى بويىنشا كوللەدجدە بيۋدجەتتىك قارجىنى ورىنسىز جۇساۋ فاكتىلەرىنىڭ جانە بۋحگالتەرلىك ەسەپ پەن سالىقتىق كورسەتكىش اراسىندا سايكەسسىزدىكتىڭ ورىن العاندىعىن ايتتى.

ءتىپتى، كوللەدج ديرەكتورى 2019-2020 جىلدارعى وقۋ جىلىنا جەرگىلىكتى بيۋدجەت ەسەبىنەن قارجىلاندىرىلاتىن مەملەكەتتىك تاپسىرىستى الۋ جونىندەگى كونكۋرسقا قاتىسۋ ءۇشىن ءوتىنىشتى ۋاقتىلى بەرمەگەن، ال بۇل وقۋ ورنى باسشىسىنىڭ كەزەك كۇتتىرمەيتىن باستى مىندەتتەرىنىڭ ءبىرى بولىپ تابىلادى. دەمەك، كوللەدج وقۋشىلاردىڭ جالپى سانىنىڭ 60 پايىزىن قامتيتىن مەملەكەتتىك تاپسىرىستى ورىنداماعان، وسىنىڭ سالدارىنان قالانىڭ مەديتسينالىق ۇيىمدارىندا ورتا بۋىن كادرلار جەتىسپەۋى جانە ابيتۋريەنتتەردىڭ، ونىڭ ىشىندە از قامتىلعاندار اراسىندا الەۋمەتتىك شيەلەنىستىڭ تۋىنداۋى مۇمكىن.

«دەنساۋلىق ساقتاۋ سالاسىنا قوماقتى قارجى بولىنۋدە، الايدا تۇرعىندار تاراپىنان مەديتسينالىق قىزمەت ساپاسىنا جىل سايىن شاعىمدار كوپ تۇسۋدە. بۇل - دارىمەن دۇرىس قامتاماسىز ەتپەۋ، قىزمەتكەرلەردىڭ دورەكىلىك تانىتۋى. ماعان قازىر عانا بايانداعانداي، كەيبىر مەديتسينا ۇيىمدارىنىڭ باسشىلارىنا كىرۋدىڭ ءوزى قيىن ەكەن، ولار وزدەرىن ءدال پاتشالارداي سەزىنەتىن كورىنەدى. ءتىپتى، كەيبىرەۋلەر جەكە ىسىمەن اينالىسىپ، جۇمىس ورىندارىنا كەلمەيدى ەكەن، سونىڭ سالدارىنان ەڭبەك ۇجىمى زارداپ شەگۋدە. جەمقورلىققا قارسى كۇرەستە ءبىز حالىققا جۇگىنەتىن بولامىز. بىردە - ءبىر ارىز، بىردە-ءبىر شاعىم ەسكەرۋسىز قالمايدى»، - دەدى باۋىرجان بايبەك.

مەگاپوليس باسشىسى قالانىڭ بارلىق مەديتسينالىق مەكەمەلەر باسشىلارىنىڭ كەڭسەلەرىنە ۆيدەوكامەرالار ورناتۋدى، ونداعى سۋرەتتەردىڭ تىكەلەي قوعامدىق دەنساۋلىق ساقتاۋ باسقارماسىنا جىبەرىلۋىن تاپسىردى. باسقارما باسشىسىنىڭ كەڭسەسىندەگى ۆيدەوكامەراداعى كورىنىستەر قالا اكىمىنىڭ وسى سالاعا جاۋاپتى ورىنباسارىنا بىردەن بەرىلەدى.

بۇدان وزگە، باسقارما باسشىسىنا تاۋەلسىز قاداعالاۋشىلار كەڭەسىن قۇرۋ جونىندەگى جۇمىستى ودان ءارى جالعاستىرۋ، ازاماتتاردان وتىنىمدەر قابىلدايتىن جەدەل جەلى اشۋ تاپسىرىلدى. جاسالعان KPI ينديكاتورلارىن مەدۇيىمدار باسشىلارىنىڭ ەڭبەك شارتىنا ەنگىزىپ، بارلىق ەمدەۋ-دياگنوستيكالىق پروتسەسستەردىڭ اشىقتىعىن قامتاماسىز ەتەتىن تسيفرلىق جۇيەلەردى پايدالانۋ قاجەت.

«الماتى – ادالدىق الاڭى» جوباسى اياسىندا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىمەن بىرگە سىرقاتتارعا قولداۋ كورسەتۋ ءۇشىن اشىق كەڭىستىك جوباسى قولعا الىنادى، مۇندا مەدمەكەمەلەردەگى قابىلداۋ ءبولىمىنىڭ مەڭگەرۋشىلەرى رەگيستراتۋرالار مەن قابىلداۋ نۇكتەلەرى جانىندا ءوز مىندەتتەرىن اتقارادى.

ء«تىپتى مىنا كوللەدجدەن-اق ءبىز وزدەرىنىڭ تىكەلەي مىندەتتەرىن ورىندامايتىن باسقارۋشى قۇرامنىڭ پروبلەمالارىن كوردىك. بىزگە ىسكە جانى اشيتىن، بىلىكتى، ونەگەلى، ادال باسشىلار قاجەت. ءدال وسىنداي باسشىلار وزدەرىنە قولداۋ كورسەتۋ جونىندە قوڭىراۋلار ۇيىمداستىرمايدى. ويتكەنى، ول وزىنە سەنىمدى، ءبىلىمدى ءارى بىلىكتى، ىسىنە بەرىك، جاۋاپكەرشىلىگى مول. تاعى دا قايتالاپ ايتامىن، كەلەڭسىز فاكتىلەر ورىن السا، وندا بىردەن قىزمەتىنەن بوساتقان ءجون. بارلىق وتىنىشتەر مەن شاعىمدار بويىنشا قۇقىق قورعاۋ ورگاندارىمەن بىرگە بەلسەندى جۇمىس جاساۋ كەرەك. ءبىز بارىنە ۇناۋدان اۋلاقپىز، تىڭ ءارى ناقتىلى شارالاردى قولداناتىن بولامىز»، - دەپ اتاپ ءوتتى قالا اكىمى.

بۇرىن بەرىلگەن تاپسىرمالاردىڭ قالاي جۇزەگە اسىپ جاتقاندىعى تۋرالى بايانداعان قوعامدىق دەنسۋالىق ساقتاۋ باسقارماسىنىڭ باسشىسى ساتىپ الۋ ترانسپارەنتىن جانە سىرقاتتاردى دارىمەن قامتاماسىز ەتۋ ءۇشىن بيىلعى جىلدىڭ ساۋىرىنەن باستاپ بارلىق دارىلەردى ساتىپ الۋ ەلەكتروندى پلاتفورماعا كوشەتىنىن حابارلادى. تەكسەرۋ بارىسىندا قىمبات دارىلەردى العان 304 ناۋقاستىڭ قالا تۇرعىندارى ەمەس ەكەندىگى جانە قايتىس بولعاندىعى انىقتالدى. وسىعان وراي ءدارى دارمەكتى «اپتەكا روبوتى» ارقىلى بەرۋ قولعا الىنادى.

سونىمەن بىرگە، ساتىپ الىناتىن بارلىق مەديتسينالىق تەحنيكانىڭ قۇنى ەكونوميكالىق ساراپتامادان وتەدى. قازىرگى كەزدە مەديتسينا ۇيىمدارى جانىندا جالعان جۇمىس ىستەگەن 46 قاداعالاۋشى كەڭەس تاراتىلدى. دەنساۋلىق ساقتاۋ جۇيەسىنىڭ ساپالى باسشىلىق قۇرامىن قالىپتاستىرۋ ماقساتىندا ءاربىر مەديتسينا ۇيىمىنىڭ باسشىسى ءۇشىن كرى-ءدىڭ 70 ينديكاتورى جاسالدى. بۇلاردان وزگە، بيىلعى جىلى 28 مەديتسينا مەكەمەسىن قايتا قۇرۋ جوسپارلانعان، قازىرگى كەزدە ولاردىڭ سەگىزى قايتا جاساقتالدى.

سوڭعى جاڭالىقتار

ۇقساس جاڭالىقتار