ايماقتار • 15 ناۋرىز، 2019

ەگىستىك كولەمى ۇلعايتىلماسا، سۋ قورى جەتەدى

782 رەتكورسەتىلدى

بىلتىرعى سۋ تاپشىلىعى قايتالانباس ءۇشىن ەگىس كولەمىن جوسپاردان تىس ارتتىرماۋ كەرەك. بۇل  - مامانداردىڭ پىكىرى.

وتكەن جىلى شاردارا سۋ قويماسىنا جوسپارداعى سۋ تۇسپەگەن. سونىڭ سالدارى ەگىن كەزىندە قاتتى ءبىلىندى. بيىلعى ءۇمىت جوعارى.

«1 ساۋىرگە دەيىن شاردارا سۋ قويماسىنا 5،2 ملرد، كوكسارايعا 2،2 ملرد تەكشە مەتر سۋ جيناۋ مەجەلەنۋدە. سونىمەن قاتار سۋ پايدالانۋ مايسىمىندا شاردارا سۋ قويماسىنا ورتاشا ەسەپپەن 3 ملرد-تاي سۋ تۇسەدى دەپ ەسەپتەلىپ وتىر. وسى سۋ كولەمى ءساۋىر ايىنىڭ ءبىرىنشى 10 كۇندىگىندە تاشكەنت قالاسىندا وتەتىن مەملەكەتارالىق سۋ شاراسىن ۇيلەستىرۋ كوميسسياسىنىڭ 76 وتىرىسىندا ناقتىلاناتىن بولادى» دەيدى ارال-سىرداريا باسسەيىندىك سۋ شارۋاشىلىعى ينسپەكتسياسى باسشىسىنىڭ مىندەتىن اتقارۋشى سەيىتقاسىم ءابۋوۆ.

وسى شارۋانىڭ باس قاسىندا جۇرگەن مامانداردىڭ ۋاجىنە سەنسەك، ەگىستىك كولەمى ۇلعايتىلماسا، سۋ قورى جەتەدى. سونىمەن قاتار شارۋالارعا سۋ جەتپەيتىن بيىك جەرلەرگە ەگىستىك ەكپەۋ جاعى دا ايتىلدى.

باقتيار تايجان،

«Egemen Qazaqstan»

قىزىلوردا وبلىسى

سوڭعى جاڭالىقتار

ۇقساس جاڭالىقتار