ەلىمىزدىڭ اسكەري قىزمەتشىلەرى «مينا ىزدەپ» جارىسادى

قازاقستان • 15 ناۋرىز، 2019

ەلىمىزدىڭ اسكەري قىزمەتشىلەرى «مينا ىزدەپ» جارىسادى

831 رەت كورسەتىلدى

تەوريالىق جانە پراكتيكالىق داعدىلاردى جەتىلدىرۋ ماقساتىندا باس باسقارمانىڭ باسشىلىعىمەن قازاقستان قارۋلى كۇشتەرىنىڭ ميناسىزداندىرۋ توپتارىنىڭ كومانديرلەرى وقۋ-ادىستەمەلىك جيىن وتكىزەدى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.

ءبىر اپتا ىشىندە 65476 اسكەري ءبولىمىنىڭ (قاپشاعاي قالاسى) ميناسىزداندىرۋ ورتالىعىنىڭ بازاسىندا اسكەري قىزمەتشىلەر جارىلىس قاۋپى بار زاتتاردى ىزدەۋ، تابۋ جانە زالالسىزداندىرۋ بويىنشا مىندەتتەردى ۇيىمداستىرۋ جانە ورىنداۋ ماسەلەلەرىن زەرتتەيدى. جارىلىس قاۋپى بار زاتتارعا قارسى ءىس-قيمىل جونىندەگى ەرەجەلەردى بىرىڭعاي تۇسىنۋگە قول جەتكىزۋ ماقساتىندا تىڭداۋشىلارمەن جەردى تازارتۋدى ۇيىمداستىرۋ جانە جۇرگىزۋ، ينجەنەرلىك، اۆياتسيالىق جانە ارتيللەريالىق وق-دارىلەردىڭ ءىس-قيمىل قاعيداتتارى مەن ولاردى زالالسىزداندىرۋ قاعيدالارى بويىنشا تەوريالىق جانە پراكتيكالىق ساباقتار جۇرگىزىلەتىن بولادى.

وقۋ بارىسىندا كەڭ تارالعان وق-دارىلەردى ەگجەي-تەگجەيلى جانە ساپالى زەردەلەۋ ءۇشىن اۆياتسيالىق زاقىمداۋ قۇرالدارىنىڭ جانە زىمىراندىق-ارتيللەريالىق قارۋ-جاراقتىڭ ماماندارى شاقىرىلاتىن بولادى. «بەرەگ» وقۋ پوليگونىنىڭ ارنايى جابدىقتالعان قالاشىعىندا مينيرلەۋ توپتارىنىڭ كومانديرلەرى العان بىلىمدەرىن تاجىريبەدە قولدانا الادى، سونداي-اق ينجەنەرلىك بارلاۋدىڭ، زالالسىزداندىرۋدىڭ جانە جويۋدىڭ جاڭا قۇرالدارىن قولدانا وتىرىپ، جەرگىلىكتى جەردى اسكەري ۇلگىدەگى جارىلۋ قاۋپى بار زاتتاردان تازارتۋدى جوسپارلاۋ جانە پراكتيكالىق جۇرگىزۋ ماسەلەلەرىن پىسىقتايدى. ايتا كەتەرلىك جايت، وقۋ ورىندارى مەن وبەكتىلەردى جارىلىس قاۋپى بار زاتتاردان ساپالى جوسپارلى تازارتۋ ماقساتىندا، سونداي-اق الىنعان ءبىلىمدى پراكتيكالىق تۇرعىدا ءبولىسىپ، ءار ءتۇرلى وق-دارىلەردى ىزدەستىرۋ، تابۋ جانە زالالسىزداندىرۋ بويىنشا مىندەتتەردى ورىنداۋ كەزىندە مينيرلەۋ توبىنىڭ تيىمدىلىگىن ارتتىرۋ ماقساتىندا وتەدى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز