قازاقستان • 15 ناۋرىز، 2019

اسقار مامين 2019 جىلعى ءىجو ءوسىمىن 5%-عا جەتكىزۋدى تاپسىردى

854 رەتكورسەتىلدى

پرەمەر مامين مىرزا  2019 جىلعى ىشكى جالپى ءونىم ءوسىمىن 5%-عا جەتكىزۋدى تاپسىردى. ۇلتتىق ەكونوميكا ءمينيسترى دالەنوۆ ماكسيمۋم 3،8%-عا جەتكىزە الاتىنىن ايتادى. ال S&P ساراپشىلارى كورسەتكىشتىڭ 1،8% عانا بولاتىنىن بولجاپ وتىر.

تاراتىپ ايتساق، «بىرقاتار وڭىر ونەركاسىپ، قۇرىلىس سالالارى مەن نەگىزگى كاپيتالعا ينۆەستيتسيا كورسەتكىشىندە قالىپ كەلە جاتىر. وسى ورايدا جاۋاپتى مەملەكەتتىك ورگاندار مەن اكىمدىكتەر شارالاردى قولعا الىپ، جىلدىڭ I توقسانىندا وڭ كورسەتكىش كورسەتۋى كەرەك» دەپ تاپسىردى مينيسترلەر كابينەتىنىڭ باسشىسى.

پرەمەر-ءمينيستردىڭ بۇل تاپسىرماسى ءبىرىنشى كەزەكتە ۇلتتىق ەكونوميكا مينيسترىنە قاراتا ايتىلعانى انىق. ال قارجى مينيسترى دالەنوۆ بۇل كورسەتكىشكە جەتۋ مۇمكىن ەمەستىگىن قازىردەن ەسكەرتىپ، ارى كەتسە بيىل 3،8%-دىق ءوسىم عانا كورسەتە الاتىنىن ايتىپ وتىر. ء«تۇرلى فاكتورلاردى ەسكەرە وتىرىپ، نومينالدى ءىجو 2019 جىلى 64،3 ترلن تەڭگە بولماق. بۇل الدىڭعى ەسەپتەۋدەن 323،5 ملرد تەڭگەگە كوپ. جان باسىنا شاققانداعى ءىجو كولەمى 9،4 مىڭ اقش دوللارى بولادى» دەدى قارجى مينيسترى دالەنوۆ.

راسىمەن دە، قولدا بار مالىمەتتەرگە سۇيەنسەك، 5%-دىق ءوسىم ءبىزدىڭ شەكپەنىمىزگە سىيمايتىنداي بولىپ كورىنەدى.

وسى پىكىردى قولدايتىندار ءوسىمنىڭ بۇل كورسەتكىشكە جەتە الماۋ مۇمكىندىگىنە ەكى نەگىزگى دالەلدى العا تارتادى.

بىرىنشىدەن، بىلتىر برەنت مۇنايىنىڭ ورتاشا باعاسى 72-73 دوللار شاماسىندا بولعاندا ءىجو ءوسىمى 4،1% بولعانى ەسىمىزدە. ال 2019 جىلعى قارا التىننىڭ بولجامدى باعاسى 63-67 دوللار ارالىعىندا. ناقتىراق ايتساق، اقش ەنەرگەتيكالىق مالىمەت اگەنتتىگى بيىل برەنت ماركاسىنىڭ ورتاشا قۇنى 63 دوللار بولادى دەپ بولجاسا، Goldman Sachs ورتاشا باعانى 65 دوللار دەپ جورامالداپ وتىر. ال دۇنيەجۇزىلىك بانك 67 دوللار بولادى دەپ بولجايدى. ياعني، ەڭ وپتيميستىك بولجامداردىڭ ءوزى مۇناي باعاسىنىڭ بيىل بىلتىرعىدان 7-8 پايىزعا تومەن بولاتىنىن كورسەتىپ وتىر. ەكىنشىدەن، قازاقستاندا مۇناي ءوندىرىسىنىڭ تومەندەۋى. ەستەرىڭىزدە بولسا، بىلتىر قازاقستان مۇناي وندىرۋدەن ابسوليۋتتى رەكورد ورناتىپ، ءبىر جىلدا 90،4 ملن توننا قارا التىن شىعارعان.

ال بيىل كورسەتكىش 89 ملن توننا بولاتىنىن تاياۋدا ەنەرگەتيكا ءمينيسترى قانات بوزىمباەۆ مالىمدەگەن ەدى. وعان دالەنوۆ تا قوسىلىپ وتىر.

«مۇناي ءوندىرىسى بىلتىرعىمەن سالىستىرعاندا 1،4 ملن تونناعا، ياعني 1،5% ازايادى. بۇل ونەركاسىپتەگى ءوسىمنىڭ تومەندەۋىنە اسەر ەتەدى. دەگەنمەن، قىزمەت كورسەتۋ سالاسى 4،8%، اۋىل شارۋاشىلىعى 6،2%، قۇرىلىس 3،7%، ساۋدا 4،3%، كولىك جانە قويمالاۋ 3،8%، ونەركاسىپ 1،6% وسەدى دەگەن بولجام بار. ال وڭدەۋشى ونەركاسىپ ءوسىمى تاۋ-كەن ونەركاسىبىنىڭ وسىمىنەن ارتىق بولماق» دەدى مينيستر.

سونىمەن قاتار، بولجام بويىنشا بيىل ەكسپورت $3 ملن-عا ارتىپ، $54،4 ملرد-قا جەتسە، يمپورت  $32،9 ملرد بولادى دەپ كۇتىلۋدە.

EXANTE ينۆەستيتسيالىق كومپانيانىڭ ساراپشىسى  ۆالەري داۆىدوۆتىڭ پايىمداۋىنشا، جالپى ىشكى ءونىمنىڭ 5 پايىزعا ءوسۋى، ءبىر جاعىنان، از.

 ويتكەنى ابسوليۋتتىك سانداردا ءبىزدىڭ ەلىمىزدىڭ بارلىق نومينالدى ءجىو ($59،4 ملرد) شامامەن ايداحو شتاتىنىڭ ءجىو تەڭ جانە كاليفورنيادان بەس ەسە از. «بىراق ءبىر جىل ىشىندە وزگەرىسكە ۇشىرايتىن ابسوليۋتتىك ساندار جايلى ايتپاي، پايىز تۋرالى ايتاتىن بولساق، وندا 5% كورسەتكىشكە قول جەتكىزۋ مۇمكىن ەمەستەي كورىنۋى مۇمكىن» دەيدى ول بىزبەن اڭگىمەسىندە.

بۇل تۇستا «نەلىكتەن؟» دەگەن ساۋال الدىمىزدان شىعادى.

سەبەبى تۇركيانىڭ ءجىو وتكەن جىلى 2،2%-عا عانا، قىتاي 6،6%-عا ءوستى جانە بۇل ۇزاق جىلدارداعى العاشقى باياۋلادى.

 گەرمانيانىڭ ءجىو بولجامى 1،8%-دان 1%-عا دەيىن تومەندەدى. ۇلىبريتانيانىڭ ءجىو جىلدىق ماندە 2%-دان اسىپ ءتۇسۋ مۇمكىندىگى تۋرالى مالىمدەدى. ال قازاقستاننىڭ ءىجو قاڭتار ايىندا جىلدىق ەسەپپەن 3،5% ءوسىمدى كورسەتتى، بۇل - وتە جاقسى كورسەتكىش. ويتكەنى، ۇلتتىق بانك 2019-2020 جىلدارى قازاقستاننىڭ ءجىو-ءنىڭ ناقتى ءوسىمى 4%-دان تومەن، ال بۇعان دەيىنگى بولجام ءتىپتى پەسسيميستىك، تەك 2،7% بولعان ەدى.

«ەۋرازيالىق دامۋ بانكى بىزگە 3،3%، دۇنيەجۇزىلىك بانك — 3،5%، ال ۇلتتىق ەكونوميكا مينيسترلىگى 3،8% بەردى. اعىمداعى جاعدايدا ەگەر ينفلياتسيانى ەمەس، ءجىو ءوسىمىن تارگەتتەۋدى باستاسا 5%-دىق سەرپىلىس جاساۋعا بولادى. ۇلتتىق قوردىڭ تەكشەسىن اشۋعا، ارزان نەسيەلەر بەرۋگە جانە ناتيجەسىندە باقىلانبايتىن ينفلياتسياعا ۇشىراۋعا بولادى. ال الەمدەگى رەتسەسسيالىق كوڭىل-كۇيدى جانە الەمدىك داعدارىستىڭ قازىردىڭ وزىندە-اق بارلىعىنا، اسىرەسە، دامىپ كەلە جاتقان ەكونوميكالارعا اسەر ەتۋ مۇمكىندىگى تۋرالى اشىق مالىمدەمەنى ەسكەرە وتىرىپ، مۇنداي ءىس-ارەكەتتەر ايتارلىقتاي ينفلياتسياعا اكەلۋى مۇمكىن، بۇدان باسقا ەكونوميكالىق مودەلدى، مونەتارلىق ساياساتتى وزگەرتۋدى جانە ونداعان جىل بۇرىن جوسپارلى ەكونوميكاعا قايتا ورالۋدى تالاپ ەتەدى. 2019 جىلى ءجىو ءوسىمىنىڭ 5%-ىن جاساۋعا بولا ما – ءيا، بولادى. بۇل قازاقستان مەن قازاقستاندىقتارعا قاجەت پە؟ جوق. 3،8% ءوسۋ بىزگە تمد-داعى جەتەكشى پوزيتسيانى قامتاماسىز ەتەدى، ال ەڭ باستىسى ءبىزدىڭ ەكونوميكامىزدىڭ ناقتى دامۋىنىڭ سەنىمدى جانە تۇراقتى كورسەتكىشى بولادى» دەيدى ۆالەري داۆىدوۆ.

گۇلبارشىن ساباەۆا،

 «ەqemen Qazaqstan»

الماتى

سوڭعى جاڭالىقتار

ءۇي جانۋارىنان ۆيرۋس جۇعا ما؟

كوروناۆيرۋس • بۇگىن، 18:39

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

ۇقساس جاڭالىقتار