ايماقتار • 15 ناۋرىز، 2019

كونەنى جاڭعىرتقان «كوزايىم»

786 رەتكورسەتىلدى

تۇركىستانداعى ق.ا.ياساۋي اتىن­داعى حقتۋ ستۋدەنت­تەرى وقۋ ورنى جانىنان ءتۇرلى كلۋبتار اشىپ، قوعام ومىرىندە بەلسەندىلىك تانىتۋدا. جۋىردا جاس جۋرنا­ليستەر كلۋبى قۇرىل­عانىن حابارلاعان بولاتىنبىز. ال ۋنيۆەرسيتەت جانىنان قۇرىلعان «كوزايىم» قىزدار كلۋبى بۇگىندە قاتارىن تولىق­تىرىپ، جاس­تارمەن جۇمىس اۋقىمىن كەڭەيتە تۇسكەن.

جاس جۋرناليستەردىڭ حابارلاۋىنشا، «كوزايىمعا» مۇشە ءاربىر بويجەتكەن كۇندەلىكتى ۇلتتىق اشەكەيلەر – سىرعا، شولپى، القا تاعىنىپ، تەك ۇزىن بەلدەمشە نەمەسە كويلەك كيىپ ءجۇرۋى ءتيىس. وسىلايشا قىز­دار بۇگىندە ۇمىتىلا باستاعان شولپىنىڭ سىڭعىرىن، قازاقتىڭ اشەكەيلەرىن قايتا جاڭعىرتپاق. بويجەت­كەندەردىڭ بويىنا ۇلت­تىق سالت-ءداستۇردى ءسىڭىرۋدى ماق­سات ەتكەن كلۋب العاشقىدا ءوزىن ءوزى دامىتۋ مەكتەبى بولىپ قۇرىلعان. قۇرامىنا 600-دەن استام قىزدار ەنگەن كلۋب مۇشەلەرى ساباقتان تىس ۋاقىت­تا ءتۇرلى باعىتتاعى ارنا­يى توپتارعا قاتىسۋ ارقىلى تۇرمىسقا قاجەتتى نارسەلەردى ۇيرەنۋدە. ءدامدى تاعام ءپىسىرىپ ۇيرەنگىسى كەلەتىندەر ء«تاپ-ءتاتتىم» توبىنا، قان قىسىمىن ولشەۋدەن باستاپ، بالا كۇتىمى، قىز­دار گيگيەناسى مەن دەنساۋ­لىق­قا قاتىستى ساباق العىسى كەلەتىندەر «مارجان» توبىنا، اراب ءتىلىن ۇيرەنەمىن دەۋشىلەر «ياساۋي جاستارى» ۇيىمىنا تىركەلگەن. سونداي-اق «شەبەر»، «قاراكوز»، «سۇلۋشاش» توبىنان دا قىزداردىڭ ۇيرەنەرى كوپ. كوركەم مىنەزدى، رۋحاني باي بولۋ كەرەك دەپ ەسەپتەيتىن قىزدار ءوزىن ءوزى جەتىلدىرۋ ماقساتىندا اپتا­سىنا ءبىر كىتاپ وقىپ شىعۋ­دى مىندەت ەتىپ قويعان. جاس جۋرناليستەردىڭ حابارلاۋىنشا، م.جۇماباەۆتىڭ «شولپاننىڭ كۇناسىن» وقىپ شىققان الپىس قىز باس قوسىپ، كەيىپكەرلەردىڭ مىنەزىنە پسيحولوگيالىق تالداۋ­لار جاساپتى.

قىزدار كلۋبىنىڭ جۇمى­سى­نا وبلىستىق جاستار رەسۋرس­تىق ورتالىعى ارنايى فوتوسەسسيا ءتۇسىرىلىمىن، كەزدەسۋ­لەر ۇيىمداستىرىپ، قولداۋ كورسەتۋدە. الەۋمەتتىك جەلى­لەر­دە اش­قان پاراقشالارىنا تاپسىر­ما­لاردى جۇكتەپ، تارا­­تىپ، ناسيحاتتاپ وتىراتىن «كوزايىم» كلۋبىنىڭ ساباق­تا­رىنا كەز كەلگەن ارۋ قاتىسا الادى. 

عالىمجان ەلشىباي،

«Egemen Qazaqstan»

تۇركىستان وبلىسى

سوڭعى جاڭالىقتار

ءۇي جانۋارىنان ۆيرۋس جۇعا ما؟

كوروناۆيرۋس • بۇگىن، 18:39

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

ۇقساس جاڭالىقتار