قازاقستان • 14 ناۋرىز، 2019

ءدارى-دارمەك اينالىمى ماسەلەسى تالقىلاندى

608 رەتكورسەتىلدى

ورتالىق كوممۋنيكاتسيالار قىزمەتىندە دارىلىك زاتتاردىڭ اينالىمى جانە دارىلەرمەن قامتاماسىز ەتۋ وتىنىمدەرى تۋرالى ءباسپاسوز كونفەرەنتسياسى ءوتتى.

ءىس-شاراعا قازاقستان رەسپۋبليكاسى دەنساۋلىق ساقتاۋ مينيسترلىگى فارماتسيا كوميتەتىنىڭ ءتورايىمى ليۋدميلا بيۋرابەكوۆا، قر دسم فارماتسيا كوميتەتىنىڭ ءتورايىمى ورىنباسارى ەرجان ءجۋنىسوۆ، شاريا يسمۋحانوۆا قاتىستى.

اعىمداعى جىلدىڭ ءساۋىر ايىندا قازاقستاندا دارىلىك زاتتاردىڭ باعاسىنا مەملەكەتتىك رەتتەۋ ەنگىزىلەدى. 12 ناۋرىزدا «اشىق نقا» پورتالىندا دەنساۋلىق ساقتاۋ ءمينيسترى بۇيرىعىنىڭ جوباسى جاريالاندى، وندا دارىلەردىڭ شەكتى باعاسىن قالىپتاستىرۋ ءۇشىن ۇستەمە باعانىڭ مولشەرىن تالقىلاۋ ءۇشىن ۇسىنىلعان.

قر دسم فارماتسيا كوميتەتىنىڭ توراعاسى ليۋدميلا بيۋرابەكوۆانىڭ ايتۋىنشا، بۇگىنگى تاڭدا بولشەك باعالاردىڭ يكەمدى رەگرەسسيۆتى جۇيەسى ازىرلەندى. ء«دارى-دارمەكتەردى بولشەك ساۋدادا وتكىزۋگە ارنالعان ۇستەمە باعا قۇنى 500 تەڭگەدەن از ءدارى-دارمەك ءۇشىن 68% - دان باستاپ، باعاسى 100 000 تەڭگەدەن اساتىن ءدارى-دارمەك ءۇشىن 10% - عا دەيىن وزگەرەدى. كوتەرمە ساۋدادا ساتۋ ءۇشىن ۇستەمە باعا كولەمى 21-دەن 10 پايىزعا دەيىن وزگەرەدى»، - دەپ ءتۇسىندىردى وكق ءباسپاسوز ءماسليحاتىندا ليۋدميلا بيۋرابەكوۆا.

«باعانى رەتتەۋ ەرەجەلەرىن بۇزعانى ءۇشىن ايىپپۇل نەمەسە فارماتسەۆتيكالىق قىزمەتكە ليتسەنزيانىڭ قولدانىلۋىن توقتاتا تۇرۋ تۇرىندە اكىمشىلىك جاۋاپكەرشىلىك قاراستىرىلعان»، - دەدى كوميتەت باسشىسى. ەرەجە جوباسى اشىق دەرەكتەر پورتالىندا 19 ناۋرىزعا دەيىن تالقىلانادى.

سونداي-اق شارا بارىسىندا ليۋدميلا بيۋرابەكوۆا جاقىندا قازاقستان رەسپۋبليكاسى ەاەو ەلدەرىنىڭ اۋماعىندا العاشقى مەديتسينالىق قولدانۋعا ارنالعان دارىلىك پرەپاراتتىڭ تىركەۋ كۋالىگىن بەرگەنىن ايتتى. بۇدان باسقا ەاەو اياسىندا قازاقستان 2018 جىلى رەفەرەنتتىك مەملەكەت رەتىندە دز ساراپتاماسىن جۇرگىزۋگە شەتەلدىك جانە وتاندىق فارموندىرۋشىلەردەن 23 ءوتىنىم قابىلدادى.

«2018 جىلى بارلىعى 6،5 مىڭنان استام دارىلىك زاتتار مەن مەديتسينالىق بۇيىمداردىڭ ساراپتاماسى جۇرگىزىلدى. بۇل 2017 جىلمەن سالىستىرعاندا 18% - عا ارتىق. جۇرگىزىلگەن ساراپتامالاردىڭ جالپى سانىنان 3% (176) – تىركەۋدەن باس تارتتى، ياعني ساپاسىز ءدارى-دارمەكتەر مەن مەديتسينالىق بۇيىمدار قازاقستان نارىعىنا جىبەرىلمەدى»، - دەدى ليۋدميلا بيۋرابەكوۆا.

ونىڭ ايتۋىنشا، جىل سايىن دارىلىك زاتتاردى ساراپتاۋ ۇلتتىق ورتالىعى قازاقستانعا اكەلىنەتىن جانە شىعارىلاتىن دارىلىك پرەپاراتتاردىڭ قاۋىپسىزدىگى مەن ساپاسىنا شامامەن 63 مىڭعا جۋىق قورىتىندى بەرەدى. «2018 جىلى بۇل سانات بويىنشا باس تارتۋ سانى 1% - دى نەمەسە 863 پرەپاراتتى قۇرادى»، - دەدى فارماتسيا كوميتەتىنىڭ توراعاسى.

سونىمەن قاتار ول ءدارى-دارمەكتەردىڭ جاناما اسەرلەرىن مونيتورينگىلەۋ بويىنشا جۇرگىزىلىپ جاتقان جۇمىستار تۋرالى دا ايتىپ بەردى. 2018 جىلى قازاقستاندا دارىلىك زاتتاردىڭ جاناما اسەرى تۋرالى 3200 حابارلاما، ال 2019 جىلدىڭ العاشقى ەكى ايىندا 398 ءوتىنىش تىركەلدى. ولاردىڭ ىشىنەن كەيبىر مەديتسينالىق پرەپاراتتار ۋاقىتشا نەمەسە تولىق اينالىمنان الىندى.

سونداي-اق ليۋدميلا بيۋرابەكوۆا وتاندىق فارماتسەۆتيكالىق ءونىم وندىرۋشىلەرگە مەملەكەت تاراپىنان كورسەتىلەتىن ينۆەستيتسيالىق قولداۋ تۋرالى ايتتى. «جاقىندا بىرىڭعاي ديستريبيۋتور مەن وتاندىق تاۋار وندىرۋشىلەر اراسىندا 10 جىلعا دەيىنگى مەرزىمگە كەلىسىم-شارت جاساۋعا ارنالعان كەزەكتى كونكۋرستىڭ قورىتىندىسى شىعارىلدى. كونكۋرسقا 24 الەۋەتتى ءونىم بەرۋشى قاتىستى، كونكۋرس قورىتىندىسى بويىنشا 15 وتاندىق تاۋار وندىرۋشىلەر 2668 مەديتسينالىق بۇيىم ءتۇرى بويىنشا ۇزاق مەرزىمدى جەتكىزۋ شارتتارى تۇرىندە ماڭىزدى ينۆەستيتسيالىق ارتىقشىلىقتارعا يە بولدى»، - دەدى ول.

قر دسم فارماتسيا كوميتەتى توراعاسىنىڭ ورىنباسارى ەرجان ءجۇنىسوۆ وكق بريفينگىندە قازاقستاندا ديسپانسەرلىك ەسەپتە تۇرعان پاتسيەنتتەردى قامتاماسىز ەتۋ ءۇشىن تەگىن ءدارى-دارمەك جەتكىزۋ قالاي ءجۇرىپ جاتقانىن ايتتى. «ديسپانسەرلىك ەسەپتە تۇرعان پاتسيەنتتەردى قامتاماسىز ەتۋ ءۇشىن ءدارى-دارمەكتەردى جونەلتۋ قاڭتار ايىنان باستاپ جۇرگىزىلۋدە. قازىرگى ۋاقىتتا 25،4 ملرد تەڭگەگە ءدارى-دارمەكتەر جونەلتىلدى. جىلدىڭ العاشقى ەكى ايىندا 4،9 ملرد تەڭگە سوماعا 1،1 ملن رەتسەپت جازىپ بەرىلگەن. ولاردىڭ ىشىندە قازىرگى ۋاقىتتا 4،5 ملرد تەڭگەگە رەتسەپتىلەر قامتاماسىز ەتىلدى»، - دەدى ەرجان ءجۇنىسوۆ.

ونىڭ ايتۋىنشا، بىرىڭعاي ديستريبۋتسيا جۇيەسى ارقىلى 45 نوزولوگيا بويىنشا ەمدەلۋشىلەر تەگىن قامتاماسىز ەتىلەدى. مەديتسينالىق ۇيىمدار 499 ءدارى-دارمەككە قاجەتتىلىك تۋرالى مالىمدەگەن. ولارعا 105،1 ملرد تەڭگە سوماعا ءدارى-دارمەكتەر ساتىپ الىنادى. ال 2019 جىلعا بىرىڭعاي ديستريبۋتسيا جۇيەسى ارقىلى ساتىپ الۋ كەزىندەگى ۇنەمدەۋ 19،6 ملرد تەڭگەنى قۇرادى. «الداعى ۋاقىتتا ۇنەمدەلگەن قاراجات دەنساۋلىق ساقتاۋ مينيسترلىگىنىڭ بيۋدجەتتىك كوميسسياسىنىڭ قاراۋىنا شىعارىلاتىن بولادى، بۇل قاراجاتتى تاپشىلىق انىقتالعان جاعدايدا ءدارى - دارمەكتەردى قوسىمشا ساتىپ الۋعا نەمەسە مەديتسينالىق ۇيىمداردىڭ باسقا دا مۇقتاجدىقتارىنا ءبولۋ تۋرالى ماسەلە قارالادى»، - دەپ ءتۇسىندىردى ەرجان ءجۇنىسوۆ.

سونداي-اق ول پاتسيەنتتەردى تەگىن ءدارى-دارمەكپەن قامتاماسىز ەتۋدى تۇراقتى مونيتورينگىلەۋ ءۇشىن دەنساۋلىق ساقتاۋ مينيسترلىگى حالىقپەن كەرى بايلانىستى قامتاماسىز ەتۋ بويىنشا جوبالارعا باستاماشىلىق جاسادى. پاتسيەنتتەردى تەگىن ءدارى-دارمەكپەن قامتاماسىز ەتۋ تۋرالى ونى العاندىعىن راستايتىن سمس-حابارلاما جۇيەسى، سونداي-اق 1439 ءنومىرى بويىنشا حالىقتى تەگىن ءدارى-دارمەكپەن قامتاماسىز ەتۋ ماسەلەلەرى بويىنشا بىرىڭعاي ديستريبيۋتوردىڭ بايلانىس ورتالىعى ىسكە قوسىلدى.

سوڭعى جاڭالىقتار

تويدىڭ سوڭى توپىرلاعان اۋرۋ

ايماقتار • بۇگىن، 10:22

ۇعىنا بىلگەنگە – ۇلت تاعدىرى

ساياسات • بۇگىن، 06:57

كوڭىلگە مەدەت بولعان ماقالا

رۋحانيات • بۇگىن، 06:56

54 ادام جازىلىپ شىقتى

كوروناۆيرۋس • بۇگىن، 06:39

ەل بولىپ ەڭسەرەمىز

ساياسات • بۇگىن، 06:20

بۋمەرانگ

رۋحانيات • بۇگىن، 05:54

قورعاۋشىلارعا دا قولداۋ قاجەت

ايماقتار • بۇگىن، 05:46

تويدىڭ سوڭى توپىرلاعان سىرقات

ايماقتار • بۇگىن، 05:43

اقيرەكتە – ارىستان باب...

تانىم • بۇگىن، 05:33

تەاتردىڭ ونلاين تارتۋى

رۋحانيات • كەشە

ۇقساس جاڭالىقتار