ونەر • 14 ناۋرىز، 2019

اڭىزعا اينالعان انسامبل

1018 رەتكورسەتىلدى

بىرنەشە بۋىننىڭ جاستىق شاعىن كوز الدىڭا اكەلەتىن ايگىلى «ايگۇل» ءانسامبلىنىڭ قۇرىلعانىنا دا جارتى عاسىر ءوتىپتى. وزبەكالى جانىبەكوۆتىڭ ءوزى «ايداي جارقىراپ، گۇلدەي جايناسا، نۇر ۇستىنە نۇر بولماس پا؟» دەپ، «ايگۇل» اتاۋىن بەرگەن ونەر ۇجىمىنىڭ كەشەگى بويجەتكەندەرى بۇگىندە اياۋ­لى اجە، ەل انالارىنا اينالعان. 

وسىلايشا، 50 جىلدا ەل جا­ڭارىپ جاتسا دا، قازاق ۇلت­تىق قىزدار پەداگوگيكالىق ۋنيۆەر­سيتەتى دە سول ءۇردىستى بۇزباي، كە­شەگى «جەنپي»-ءدىڭ اتى اڭىزعا اي­نالعان ءانسامبلىنىڭ ونەرىن جالعاستىرىپ كەلەدى. ال وسى اپتادا الماتىنىڭ ايشىقتى وقيعاسى – «ايگۇل» ۆوكالدى-اسپاپتار ءان­سام­بلىنىڭ 50 جىلدىعىنا ارنال­عان «اڭىزعا اينالعان «ايگۇل» ات­تى شىعارماشىلىق كەش بول­دى. اباي اتىنداعى قازاق مەم­لەكەتتىك اكادەميالىق وپەرا جا­نە بالەت تەاترىندا وتكەن كون­­تسەرتتە ءانسامبلدىڭ بىرنەشە بۋى­نى قاتار ونەر كورسەتىپ، اكە-شە­شەلەرىمىزدى جاستىق شاعىنا ساياحات جاساتتى.

كەش شىمىلدىعى «اڭىزعا اينالعان «ايگۇل» اتتى تەاتر­لان­دىرىلعان قويىلىممەن اشىل­دى. وندا جارتى عاسىرلىق تاريحى بار ونەر ۇجىمىنىڭ قۇ­رىلۋ تاريحى، دامۋ كەزەڭدەرى جا­نە شىعارماشىلىعى سالتانات قۇردى. قويىلىم رەجيسسەرى مەدەت اعابىلوۆتىڭ ايتۋىن­شا، قويىلىم بارىسىندا وتان­دىق ەسترادادا تەك قانا قىز­دار­دان قۇرالعان العاشقى ءان­سام­بلدىڭ ەرەكشەلىگى مەن ورنە­گىنە باسىمدىق بەرىلدى. ال مە­رەيتويلىق كەشتىڭ رەسمي بو­لى­­مىندە مادەنيەت جانە سپورت ءمي­­نيسترى ارىستانبەك مۇحا­مە­دي ۇلى مەن الماتى قالاسىنىڭ اكىمى باۋىرجان بايبەكتىڭ ونەر ۇجىمىنىڭ مەرەيتويىنا جول­داعان قۇتتىقتاۋلارى وقىلدى.

«وقۋ ورنىنىڭ ستۋدەنتتەرىنەن قۇرالعان «ايگۇل» ۆوكالدى-اس­پاپتار ءانسامبلىنىڭ قۇرىلۋى قا­زاق ونەرىنىڭ تاريحىنداعى ايتۋلى وقيعا بولعاندىعى بەلگىلى. انسامبل الەمنىڭ كوپتەگەن مەم­لەكەتىندە ونەر كورسەتىپ، ەلىمىزدىڭ مادەنيەتىنىڭ تانىلۋىنا جانە دامۋىنا ەلەۋلى ۇلەس قوستى. قازاق ەستراداسىندا تەك قىزداردان قۇ­رالعان العاشقى ۇجىمعا ءار جىلدارى مادەنيەت سالاسىنىڭ مايتالماندارى جەتەكشىلىك جاساپ، ونىڭ شىعارماشىلىعىنىڭ ورىستەۋىنە ۇيىتقى بولدى»  دەي­دى قىزدار ۇلتتىق ۋنيۆەرسيتەتىنىڭ رەك­تورى گاۋھار الدامبەرگەنوۆا.

وسى ارادا ايتا كەتەتىن بول­ساق «ايگۇل» كۆارتەتىندە العا­شىندا اعايشا يساعۇلوۆا، قۇر­­ماناي وماروۆا، مارفۋعا ءجۇنىسوۆا، گۇلنار بەگاليەۆا، دي­نا ەرعاليەۆا، جىبەك وسپا­نوۆا ونەر كورسەتسە، ۆوكالدى-اس­پاپتىق انسامبلىندە ساقىپ­جا­مال ۇزاقباەۆا، مەڭسۇلۋ جەك­سەمبەكوۆا، اقمارال ارتى­قوۆا، زاۋرەش الىبەكوۆا، گۇل­زادا بەح­تەولوۆا، ايگەرىم دايىر­باە­ۆا، قارلىعاش نۇرتازينا، رو­زا ەرنازاروۆا-اليسوۆا، گا­لينا قارامولداەۆا، ۇلجان اي­ناقۇلوۆا، تامارا اسار جانە كامشات جولدىباەۆا سىندى دا­رىندار بولعانىن اتاۋ پارىز.

قازىرگى كۇندە «ايگۇل» ۆوكالدى-اسپاپتار ءانسامبلىنىڭ قۇرامى قايتا جاڭارتىلىپ، رەپەرتۋارى جاڭا اندەرمەن تولىقتىرىلعان. ۇلتتىق سارىندى ساقتاي وتىرىپ، زامانعا لايىق+ دۇنيە جاساۋ – بۇگىنگى ايگۇلدىكتەردىڭ باستى ماقساتى. جاڭا قۇرام ەكى جىل ىشىندە قازاق، تۇرىك، اعىلشىن تىلدەرىندەگى جاڭا اندەردى رەپەرتۋارىنا ەنگىزدى. ءانسامبلدىڭ قازىرگى كوركەمدىك جەتەكشىسى تال­عات تەمىرعاليەۆ ەكەنىن دا ايتا كەتەيىك.

اسەم اۋەن، ساحناداعى نازىك­تىگىمەن تانىلعان «ايگۇل» ءان­سامبلى جاستاردى ونەرگە، جان-جاقتىلىققا، سۇلۋلىققا، مۋزىكانى سۇيۋگە تاربيەلەيتىنى ءسوزسىز. 

ايناش ەسالي،

«Egemen Qazaqstan»

الماتى

سوڭعى جاڭالىقتار

ارمەنيامەن ىنتىماقتاستىق داميدى

پارلامەنت • بۇگىن، 07:37

جاستار سىيلىعى تاپسىرىلدى

قوعام • بۇگىن، 07:33

ءالديباستاۋ اۋليەسى

رۋحانيات • بۇگىن، 07:23

ءتاۋ ەتەر جالعىز كيەمىز

قوعام • بۇگىن، 07:18

كوزىن تاپقانعا كاسىپ كوپ

قوعام • بۇگىن، 07:13

بىرقاتار كەزدەسۋ وتكىزدى

پرەزيدەنت • بۇگىن، 07:04

كۇلكى كەرۋەنى № 21

رۋحانيات • كەشە

شاعامان باتىر

تاريح • كەشە

361 ليفت اۋىستىرىلادى

ايماقتار • كەشە

«ءتسۋناميدى» سۇلاتىپ سالدى

كاسىپقوي بوكس • كەشە

استىڭ ءدامىن كەلتىرگەن

ايماقتار • كەشە

سايرايدى بۇلبۇل...

رۋحانيات • كەشە

ۇقساس جاڭالىقتار