13 ناۋرىز، 2019

ماسكەۋدە قازاق سۋرەتشىلەرىنىڭ كورمەسى اشىلدى

835 رەتكورسەتىلدى

ماسكەۋدەگى زۋراب تسەرەتەليدىڭ ونەر گالەرەياسىندا ءا. قاستەەۆ اتىنداعى ونەر مۋزەيىنىڭ «الپىسىنشى-جىلعىلار. تۇركى ء رومانتيزمى» اتتى كورمەسى اشىلدى. كورمەدە قازاق بەينەلەۋ ونەرىندە «الپىسىنشى جىلعىلار» دەگەن اتپەن تانىمال بولعان  ساليحيتدين ايتباەۆ، ماقىم قيسامەدينوۆ، شايماردان ساريەۆ، توقبولات توعىسباەۆ، باحتيار تابيەۆ، ءابدىراشيت سىدىحانوۆ، ەركىن مەرگەنوۆ، تولەگەن دوسماعامبەتوۆ، ۆاگيف راحمانوۆ، يساتاي يساباەۆ، ورالبەك نۇرجۇماەۆ سىندى تۋىندىگەرلەردىڭ ىرگەلى شىعارمالارى قويىلعان.

كورمە اياسىندا قازاقستان مەن رەسەيدىڭ مادەنيەت سالاسىنداعى قارىم-قاتىناستارىنا ارنالعان دوڭگەلەك ۇستەل ءوتتى. باسقوسۋدا شىعارماشىلىق پەن سۋرەت ونەرىنە قاتىستى  بىرقاتار ماڭىزدى ماسەلەلەر تالقىلاندى. وتاندىق ونەرتانۋشىلار رەسەي كوركەمسۋرەت اكادەمياسىنىڭ عىلىمي قىزمەتكەرلەرىمەن بولاشاقتاعى بىرلەسكەن جوبالاردىڭ كەلەشەگى   تۇرعىسىندا پىكىر الماستى. ءا. قاستەەۆ اتىنداعى قر ءموم ءباسپاسوز قىزمەتىنىڭ جەتەكشىسى كلارا يساباەۆا قاتىسۋشىلارعا ەلباسى نۇرسۇلتان نازارباەۆتىڭ « ۇلى دالانىڭ جەتى قىرى» باعدارلامالىق ماقالاسىندا ايتىلعان ورامدى ويلاردى مىسالعا كەلتىرە وتىرىپ، مۋزەيدىڭ قىسقاشا تاريحى تۋرالى بايانداپ بەردى. رەسەيدەگى قر ەلشىلىگىنىڭ كەڭەسشىسى داۋرەن دياروۆ ءار قيلى مادەني وقيعالار مەن ەكى ەل اراسىنداعى ءوزارا بايلانىستار تۋرالى اتاپ ءوتتى. دوڭگەلەك ۇستەلدە ءسوز العان رەسەي كوركەمسۋرەت اكادەمياسىنىڭ ۆيتسە-پرەزيدەنتى ۆيكتور كالينين، ركا عىلىم جونىندەگى ورىنباسارى تاتيانا كوچەماسوۆا، ونەرتانۋ كانديداتى ولگا يۋشكوۆا، ءا. قاستەەۆ اتىنداعى ونەر مۋزەيىنىڭ ديرەكتورى، گۇلميرا شالاباەۆا جانە مۋزەيدىڭ جەتەكشى عىلىمي قىزمەتكەرى كۇلجازيرا مۇقاجانوۆا ورتاق مادەني قۇندىلىقتاردى بولاشاققا جەتكىزۋ تۋراسىنداعى بىرقاتار پىكىرلەرىن ورتاعا سالدى.  

پروفەسسور گۇلميرا شالاباەۆا، مۋزەيلەر مەن ونەرتانۋشىلار اراسىنداعى بايلانىستىڭ وتە ماڭىزدى ەكەنىن، بۇل ايىرماشىلىقتاردى جويۋعا ەمەس، كەرىسىنشە قارىم-قاتىناستاردى ودان ارى نىعايتىپ، ءبىزدى بايىتۋشى مادەنيەتتىڭ وسىنداي بايلانىستاردى تالاپ ەتەتىنىن اتاپ ءوتتى.

«مادەنيەتتەر ديالوگى، قازاقستان مەن رەسەي اراسىنداعى ءوزارا مادەني بايلانىستاردى نىعايتۋ ونەردىڭ تولىق قىزمەت ەتۋى، سۋرەتشىلەردىڭ شىعارماشىلىق ءوسۋى، مادەني ينستيتۋتسيالار بولىپ تابىلاتىن مۋزەيلەر مەن اكادەميالار اراسىندا تاجىريبە الماسۋ ءۇشىن وتە ماڭىزدى. بۇل جەمىستى جۇمىس، ءوزارا بايىتۋ جانە ودان ءارى دامۋ جولدارىن تۇسىنۋگە جاڭا كۇش بەرەدى»، – دەدى ول.

ارمان وكتيابر،

«ەگەمەن قازاقستان»

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار