حوككەي • 13 ناۋرىز، 2019

ەرتەڭ «بارىس» شيرەك فينالدىق سايىستى باستايدى

847 رەتكورسەتىلدى

قۇرلىقتىق حوككەي ليگاسىنىڭ (قحل) گاگارين كۋبوگى جولىنداعى جارىسىنىڭ شيرەك فينالدىق مەجەدەگى العاشقى باسەكەدە «بارىس» ەرتەڭ استانادا ومبىنىڭ «اۆانگاردىن» قابىلدايدى.

«اۆانگارد» قحل-داعى بەدەلى زور كلۋبتاردىڭ ءبىرى. ولار كوپتەگەن ەلىشىلىك جانە بىرقاتار حالىقارالىق دودالاردا جۇلدە الىپ، ءوز كورەرمەندەرىنىڭ ىقىلىسىنا بولەندى. ءار جىلدارى ايتۋلى كوماندا ساپىندا تالاي جۇلدىزدار ونەر كورسەتتى. بيىلعى ماۋسىمدا 87 ۇپاي جيعان ومبىلىقتار تۇراقتى بىرىنشىلىكتى جەتىنشى ورىنمەن قورىتىندىلادى. شايبا ايىرماشىلىعى – 177-133. پلەي-وفف سايىسىنىڭ العاشقى كەزدەسۋىندە «اۆانگارد» قازاننىڭ «اق بارسىن» ءتورت كەزدەسۋدە دە ۇتتى. ءوز مۇز ايدىنىنداعى ماتچتاردى ولار 6:0، 6:3 جانە سىرتتاعى كەزدەسۋلەردى 4:1، 3:2 ەسەپتەرىمەن اياقتادى.

ال «بارىس» جارىس كەستەسىندە بەسىنشى ورىنعا تۇراقتادى. جيعان ۇپايى – 86. شايبا ايىرماشىلىعى – 190-149. گاگارين كۋبوگى جارىسىنىڭ العاشقى كەزەڭىندە جەرلەستەرىمىز تومەنگى نوۆگورودتىڭ «تورپەدو» كلۋبىنان 4:3 ەسەبىمەن باسىم ءتۇستى. 

عالىم سۇلەيمەن،

«Egemen Qazaqstan»

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار