قازاقستان • 13 ناۋرىز، 2019

ەرلان قوشانوۆ قالالىق قىزمەتتىڭ جۇمىسىن سىنعا الدى

834 رەتكورسەتىلدى

وبلىس اكىمى بىرقاتار قالالىق الەۋمەتتىك نىسانداردىڭ باسشىلارىن سىنعا الدى. ايماق باسشىسى جوسپارسىز قالا ءىشىن ارالاۋعا شىقتى. ونىڭ نازارىنا بىردەن جولداردىڭ جاعدايى، قار تازالاۋ، جانە جۇمىسپەن قامتۋ ماسەلەلەرى ىلىكتى.

ەرلان قوشانوۆ كوشەلەردى قاردان تازالاۋ جۇمىستارىنا كوڭىلى تولمادى. مەكتەپتەر مەن بالاباقشالار، الەۋمەتتىك نىساندار الاڭدارى تازارتىلماعان. جەكە اۋماقتاردان دا، كەڭسەلەر، مەيرامحانالار، دۇكەندەر مەن بانكتەر ماڭىندا قار شىعارىلماعان. 

- قاردى تازالاپ، شىعارماي جاتقانداردان قاتاڭ سۇراۋ كەرەك قوي. پوليتسيانى قوسىپ، ۋچاستكەلىك ينسپەكتورلاردى شاقىرىپ، ۋاقىتىلى قار شىعارماعاندارى ءۇشىن ايىپپۇل سالۋ كەرەك ەمەس پە؟! قالا اكىمىنە ءبىر اپتا ۋاقىت بەرەمىن. ءبىر اپتادان كەيىن مەن وسى جانە باسقا دا باعىتتار بويىنشا تەكسەرىپ وتەمىن. جەكە سەكتورلاردى دا تازالاڭدار قاردان. بىردە-ءبىر ءۇي سۋ استىندا قالماۋ كەرەك، - دەدى ەرلان قوشانوۆ. 

بۇدان بولەك، ايماق باسشىسى قالالىق جۇمىسپەن قامتۋ ورتالىعى قالاي جۇمىس ىستەپ جاتقانىن نازارعا الدى. ساۋىردەن باستاپ، كوپبالالى، از قامتىلعان وتباسىلارىنا جاڭا ەسەپتەۋ بويىنشا اتاۋلى تالەۋمەتتىك كومەك كورسەتىلە باستايدى. كەلۋشىلەر كۇرت كوبەيەدى دەپ كۇتىلۋدە، سوندىقتان ءبىرىنشى كەزەكتە، ايماق جەتەكشىسى ماماندار ازاماتتارعا جەدەل قىزمەت كورسەتە الا ما، ولار ءۇشىن بارلىق جاعداي جاسالعان با، دەگەن سۇراقتارعا جاۋاپ الىپ، كوز جەتكىزۋ ءۇشىن ارنايى كەلدى. بۇل جەردە دە ولقىلىقتار بار بولىپ شىقتى. 

- التى ۇستەل، جارتى ساعاتتان، ەگەر حالىق كوپ كەلسە قالاي ۇلگەرمەكشىسىڭدەر؟ بىزدە قالادا اەك الۋعا 9 مىڭ ادام ءۇمىتتى، ەگەر كۇنىنە مىڭ ادام كەلسە دە سىزدەر ۇلگەرمەيسىزدەر. قوسىمشا مامانداردى جىبەرىڭىزدەر مىندا. بۇدان بولەك وتىراتىن ورىندار دا از. بار بولعانى 12! مەن تاعى قايتالاپ ايتامىن، بىزدە 9 مىڭ ادام! ولار قايدا وتىرادى؟! قوسىمشا ورىندىقتار قوسىڭىزدار، بارلىق جۇمىسپەن قامتۋ ورتالىقتارىندا ەلەكتروندى كەزەك ورناتىڭىزدار، جۇمىس ۋاقىتى كورسەتىلگەن تاقتايشالار ىلىڭىزدەر، بۇل جەرگە كوپبالالى انالار كەلەدى، بالالارى ۇيلەرىندە ولاردىڭ. ساعاتتاپ كەزەك كۇتتىرمەۋ كەرەك ولارعا، - دەپ تاپسىردى وبلىس اكىمى.

ەرلان قوشانوۆتىڭ كەلەسى باعىتى قازىبەك بي اۋدانىنىڭ ۇيگە الەۋمەتتىك كومەك كورسەتۋ بولىمشەسى بولدى. وندا مۇگەدەكتەرگە، پسيحونەۆرولوگيالىق اۋرۋى بار ادامدارعا كومەكتەسەدى. اكىم نىسانعا كەلەتىن جولدىڭ تازالانباعانىن بىردەن سىنعا الدى. مۇگەدەكتەر كىرەتىن جەر تىم بيىك، ال، پاندۋستىڭ ۇستىنە جىپ-جىلتىر مۇز قاتقان. عيماراتتىڭ ءىشى الاكولەڭكە، ءدالىز تار.

- بۇل اتاۋلى الەۋمەتتىك كومەككە قۇجاتتار قابىلداي باستاعاندا 334 ادام كەلەدى. ولار قاي جەردە وتىرىپ، كۇتەدى. بارلىق ولقىلىقتى جويۋ ءۇشىن ءۇش كۇن بەرەمىن. باسپالداقتاردىڭ مۇزىن تازالاڭىزدار، جول سالىپ، ءىشىن رەتكە كەلتىرىڭىزدەر، - دەدى ايماق باسشىسى. 

بۇل جۇمىستاردى باقىلاۋدى ءوزىنىڭ ورىنباسارى اسحات ايماعامبەتوۆكە جۇكتەدى.

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار