ايماقتار • 12 ناۋرىز، 2019

تارازدا بىرقاتار مەكتەپ باسشىلارى كەڭ كابينەتتەرىن بوساتۋدا

615 رەتكورسەتىلدى

بۇگىندە مەملەكەت باسشىسىنىڭ شىعىنداردى وڭتايلاندىرۋ جونىندەگى تاپسىرماسى جامبىل وڭىرىندە جۇيەلى جۇزەگە اسۋدا. 

قازىرگى كەزدە رەسپۋبليكادان باستاۋ العان جوباعا وڭىردەگى مەكتەپ ديرەكتورلارى دا قولداۋ كورسەتىپ كەلەدى. ولار كولەمى ۇلكەن كابينەتتەرىن وقۋشىلارعا وڭتايلاندىرىپ، بوساتىپ بەرۋدى باستادى. ماسەلەن، كەڭ كابينەتتەرىن شاعىن بولمەگە اۋىستىرعان وڭىردەگى 11 مەكتەپ ديرەكتورىنىڭ ارقايسىسىنىڭ جۇمىس كابينەتتەرى 40 جانە 50 شارشى مەتر اۋماقتى قۇرايتىنى انىقتالعان. ناتيجەسىندە بىرقاتار ءبىلىم وشاعىنىڭ باسشىلارى شاعىن كابينەتتەرگە كوشتى.

ماسەلەن، تاراز قالاسىنداعى تولە بي اتىنداعى №8 مەكتەپ-گيمنازيا ديرەكتورىنىڭ  اۋماعى 40 شارشى مەتر بولاتىن كەڭ كابينەتى قازىر اعىلشىن ءتىلى جانە ورىس ءتىلى كابينەتىنە اينالعان. بۇگىندە 2079 وقۋشى وقيتىن بۇل ءبىلىم وشاعىندا سىنىپ تاپشىلىعى كوپتەن بەرى وزەكتى ماسەلە بولعاندىقتان، ءبىلىم وشاعىنىڭ باسشىلىعى وسىنداي وڭ قادامعا بارىپ وتىر.

«قازىرگى كەزدە قالامىزدا الپىستان استام مەكتەپ بار. ەلباسىنىڭ شىعىنداردى وڭتايلاندىرۋ تۋرالى تاپسىرماسىنا وراي اتقارىلىپ وتىرعان بۇل شارۋالار ءالى دە جالعاسىن تابادى. تەك جاڭادان سالىنعان مەكتەپتەردەگى ديرەكتورلاردىڭ كابينەتتەرى باسىندا جوسپاردا سولاي بەكىتىلگەندىكتەن وزگەرىسسىز قالادى» دەيدى تاراز قالالىق ءبىلىم ءبولىمىنىڭ باسشىسى مۇباراك جيناقباەۆا.

مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ جامبىل وبلىستىق دەپارتامەنتى وڭىردەگى بىرقاتار مەكەمەگە مونيتورينگ جۇرگىزگەن.

«وڭىردە بارلىعى 446 مەكتەپ بار بولسا، بۇگىنگە دەيىن دەپارتامەنت 61 ءبىلىم مەكەمەسىنە مونيتورينگ جۇرگىزدى. قازىرگى تاڭدا وبلىس اۋماعىنداعى اۋدانداردا جالعاسىپ جاتىر. الداعى ۋاقىتتا بارلىق مەكتەپتى قامتيتىن بولامىز» دەدى دەپارتامەنتتىڭ سىبايلاس جەمقورلىق پروفيلاكتيكاسى باسقارماسىنىڭ باسشىسى داۋرەن وماروۆ.  

حاميت ەسامان،

«Egemen Qazagstan»

جامبىل وبلىسى

سوڭعى جاڭالىقتار

ءۇي جانۋارىنان ۆيرۋس جۇعا ما؟

كوروناۆيرۋس • بۇگىن، 18:39

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

ۇقساس جاڭالىقتار