ايماقتار • 12 ناۋرىز، 2019

ارمان مىرزاعاليەۆ «استانا وپەرادا» «پورترەتتەر» اتتى كونتسەرتىن ۇسىنباق

721 رەتكورسەتىلدى

الەمگە تانىمال سكريپكاشى ارمان مىرزاعاليەۆ ەلوردا تۇرعىندارى مەن قوناقتارىنىڭ نازارىنا 15 ناۋرىزدا «استانا وپەرانىڭ» كامەرالىق زالىندا وتەتىن «پورترەتتەر» اتتى مۋزىكالىق كەشىن ۇسىنادى، دەپ حابارلايدى ەلوردا اكىمدىگىنىڭ رەسمي سايتى.

تەاتردىڭ ءباسپاسوز قىزمەتىنىڭ حابارلاۋىنشا، كەش باعدارلاماسىنا ۆالەنتين سيلۆەستروۆتىڭ رost Scriptum سكريپكا مەن فورتەپيانوعا ارنالعان سوناتاسى، انتونين دۆورجاكتىڭ ىشەكتى اسپاپتارعا ارنالعان سەكستەتى، ليا ماجور، ور.48،  ەدۆارد گريگتىڭ ەكى نورۆەگ اۋەنى، ور.63، سونىمەن قاتار گيا كانچەليدىڭ سكريپكا مەن فورتەپيانوعا ارنالعان Time… and Again شىعارماسى ەنگەن.

«مەن ءۇشىن مۋزىكا قانداي دا ءبىر ىڭعايلى، تابىستى دا تانىمال تۋىندىعا قاراعاندا، كەڭ ءارى تەرەڭ ەكەندىگى ءسوزسىز. ۇسىنىلعان باعدارلامانىڭ دا وزگەشەلىگى وسى. جاقسى، ناعىز مۋزىكاعا قۇشتارلىق – مەنىڭ كونتسەرتتەرىمدەگى باعدارلامالاردىڭ ءبارى وسى ءبىر نەگىزگى قاعيدا بويىنشا قۇراستىرىلادى»، - دەيدى ارمان مىرزاعاليەۆ.

كونتسەرتتىڭ باستالۋ ۋاقىتى: ساعات 19:00-دە.

سوڭعى جاڭالىقتار

ۇقساس جاڭالىقتار