ايماقتار • 12 ناۋرىز، 2019

استاناداعى ناۋرىز مەرەكەسىنە 300 مىڭنان استام ادام قاتىسادى

889 رەتكورسەتىلدى

حالىقتىق سەرۋەن، كونتسەرتتەر، سپەكتاكلدەر، كورمەلەر، بايقاۋلار، جارىستار مەن تاعامدار. ناۋرىز باعدارلاماسى اعىمداعى جىلى ەرەكشە مازمۇندى بولماق، دەپ حابارلايدى ەلوردا اكىمدىگىنىڭ رەسمي سايتى.

استانا قالاسى اكىمدىگىنىڭ وتىرىسىندا قالا اكىمىنىڭ ورىنباسارى نۇرلان نۇركەنوۆ ناۋرىز مەيرامىنا دايىندىق بارىسى تۋرالى اڭگىمەلەدى. مەرەكە تۇجىرىمداماسى ازىرلەندى،ساحنالىق الاڭداردى، ىشكى ورىن-جايلاردى، ىرگەلەس اۋماقتى بەزەندىرۋ ەسكيزدەرى دايىندالدى.

«مەرەكە اياسىندا ءتۇرلى فورماتتاعى 40-تان استام ءىس-شارا وتەدى دەپ جوسپارلانعان. باعدارلامادا حالىقتىق سەرۋەن، كونتسەرتتەر، سپەكتاكلدەر، كورمەلەر، كونكۋرستار بار. استانادا سپورتتىق ءىس-شارالار جارىستار، جاۋىنگەرلىك سپورت تۇرلەرى، قازاق كۇرەسى بويىنشا چەمپيوناتتار وتەدى»، – دەدى ن.نۇركەنوۆ.

قالا اۋماعىندا ناۋرىزدى مەرەكەلەۋدىڭ 23 نۇكتەسى انىقتالدى،وندا مەرەكە كۇندەرى حالىقتىق سەرۋەن فورماتىنداعى ءىس-شارالار ۇيىمداستىرىلادى. مەرەكەلىك شارالار وتەتىن نەگىزگى ورىندار: ەكسپو اۋماعى، قالالىق الاڭ، «قازاق ەلى» مونۋمەنتى، «جاستار» سارايى، سونداي-اق «جەتىسۋ» ساياباعى. بۇدان باسقا، ون تۇرعىن ءۇي الابىندا («قازقالاشىق»، ء«وندىرىس»، «جەلەزنودوروجنىي»، «ميچۋرينو»، «ينتەرناتسيونالنىي»، «پرومىشلەننىي»، «پريگورودنىي»، «ۇركەر»، «كوكتال-1»، «كوكتال-2») فوندىق الاڭدار ۇيىمداستىرىلادى. جەتى تۇرعىن ءۇي كەشەنى («7-يا»، «اقبۇلاق تاۋن»، «قاينار»، «اپاتو»، «دوستار»، «سالامات»، «زەردە»)، سونداي-اق، «جاستار» تەاترىنىڭ الاڭى دا بار. بارلىق الاڭداردا كونتسەرتتىك باعدارلامالار ۇيىمداستىرىلىپ، كيىز ۇيلەر، التىباقاندار ورناتىلادى. مەرەكە كۇندەرى ءىس-شارالار وتكىزىلەتىن ورىنداردا ساۋدا، ۇلتتىق سپورت تۇرلەرى بويىنشا سپورتتىق جارىستار ۇيىمداستىرىلادى.

باستى ەتنواۋىل 21-22 ناۋرىزدا ەكسپو اۋدانىندا قازاقستان رەسپۋبليكاسى تاۋەلسىزدىگىنىڭ 25 جىلدىعى مونۋمەنتىنىڭ جانىندا ۇيىمداستىرىلادى. ءىس-شارا اياسىندا قازاقستاندىق جۇلدىزداردىڭ قاتىسۋىمەن مەرەكەلىك كونتسەرت، ساندىك-قولدانبالى ونەر بۇيىمدارىنىڭ مۋزەيلىك كورمەسى ۇيىمداستىرىلادى.

ءاربىر كيىز ءۇيدىڭ جانىندا استانا قالاسى تەاترلارىنىڭ ارتىستەرى مەن ەتنومادەني بىرلەستىكتەر وكىلدەرىنىڭ ورىنداۋىندا ۇلتتىق سالت-داستۇرلەردى كورسەتۋ جوسپارلانعان. جەكە ايماق فۋد-كورتقا بولىنەدى. ەتنواۋىل اۋماعىندا پالاۋ، ناۋرىز كوجە جانە باۋىرساق دايىنداۋ ءۇشىن قازاندار ورناتىلادى. «مەرەكە كۇندەرى ءىس-شارالارعا 300 مىڭنان استام ەلوردا تۇرعىندارى مەن قوناقتارى قاتىسادى دەپ كۇتىلۋدە»، – دەپ اتاپ ءوتتى ن.نۇركەنوۆ.

سوڭعى جاڭالىقتار

ءۇي جانۋارىنان ۆيرۋس جۇعا ما؟

كوروناۆيرۋس • بۇگىن، 18:39

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

ۇقساس جاڭالىقتار