قازاقستان • 12 ناۋرىز، 2019

ەرلان قوشانوۆ ەلدى مەكەندەردەگى قارلاردى شىعارۋدى تاپسىردى

829 رەتكورسەتىلدى

قاراعاندى وبلىسىندا كوكتەمگى سۋ تاسقىنى كەزەڭى 20 ناۋرىزدان باستالادى دەپ كۇتىلۋدە. قازىردىڭ وزىندە بارلىق كۇش ساقاداي ساي. گيدرو نىساندار مەن قاۋىپتى ايماقتاردا تاۋلىك بويى كەزەكشىلىك ۇيىمداستىرىلادى. بۇل تۋرالى قاراعاندى وبلىسى اكىمدىگىنىڭ ءباسپاسوز قىزمەتى حابارلادى.

- سوڭعى جىلدارى وبلىستا 180 شاقىرىم قورعانىس بوگەتتەرى سالىنىپ، ورناتىلعان. جاعالاۋلاردى بەكىتۋ ماقساتىندا وزەن ارنالارىنىڭ 46 شاقىرىمىندا جۇمىس جۇرگىزىلگەن. قازىرگى تاڭدا سۋ جىبەرۋ قۇبىرلارى مەن اۆتوموبيل جولدارى بويىنداعى شەڭبەرلەردى تازالاۋ جۇمىستارى ءجۇرىپ جاتىر. تەمىر جول اۋماقتارىندا دا كوپىرلەر، سۋ اعار ارىقتار قار مەن مۇزدان، قوقىستان تازارتىلۋدا، - دەدى اپپاراتتىق جيىندا وبلىستىق تجد باسشىسى يبراگيم كۇلشىمباەۆ.

ول وبلىس بويىنشا 830 مىڭ كۋب قار شىعارىلعانىن اتاپ ءوتتى. 

ۇلكەن سۋدىڭ قاۋپىنەن قورعاۋ ءۇشىن ەلدى مەكەندەردە الدىن الۋ جۇمىستارى جالعاسىپ جاتقانىن تىلگە تيەك ەتتى. سۋ تاسقىنىنا مونيتورينگ عارىشتان جۇرگىزىلەدى. 

وبلىستىڭ ءىرى سۋ ساقتاۋ قويمالارىندا سۋ لاقتىرۋ جۇمىستارى جۇرۋدە. 13 ناۋرىزدان باستاپ وزەندەردى جارۋ جوسپارلانعان.

- بارلىق سۋ تاسقىنى قاۋپى بار جەرلەر ەرەكشە باقىلاۋعا الىنسىن. سۋ ءوتۋ قۇبىرلارىن ۋاقىتىلى تازالاپ وتىرۋ كەرەك. ءبىرىنشى كەزەكتە، ەلدىمەكەندەردەن قار شىعارۋ جۇمىستارى ۇيىمداستىرىلۋى ءتيىس. بۇل اكىمدەردىڭ مىندەتى. سۋ تاسقىندارىنا دايىندالۋ تاجىريبەسى بىزدە بار. تەحنيكا مەن قۇرالدار دا دايىن. تەك جاعدايدى ۇنەمى نازاردا ۇستاۋ كەرەك. ءبىز توتەنشە جاعدايلارعا جول بەرمەۋىمىز كەرەك. ءبىزدىڭ باستى ماقساتىمىز – ادامداردى قورعاۋ، - دەدى وبلىس اكىمى ەرلان قوشانوۆ.

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار