ايماقتار • 12 ناۋرىز، 2019

شىمكەنتتە دارىگەرلەر ناۋقاستىڭ جۇرەگىنە جاماۋ جاسادى

786 رەتكورسەتىلدى

شىمكەنتتىك دارىگەرلەر تاعى ءبىر قاتەرلى وتانى ءساتتى جاسادى. كۇنى كەشە شاھارداعى  كارديولوگيالىق ورتالىقتا كارديوحيرۋرگتار 38 جاستاعى ناۋقاستىڭ جۇرەگىندەگى تەسىكتى بىتەۋ ءۇشىن اعزاسىنداعى قاپشىقتان جاماۋ جاساپ بەردى.

تۋماسىنان جۇرەك اقاۋىنا شالدىققان ازاماتقا اق حالاتتىلار كۇردەلى وتانى ءۇش ساعات بويى جاساعان. ءومىر مەن ءولىم سىنعا تۇسكەن ءۇش ساعات ىشىندە ماماندار ەر كىسىنىڭ جۇرەگىندە پايدا بولعان ساڭلاۋدى بەكىتۋ ءۇشىن، جۇرەگىنىڭ سىرتىنداعى قورعانىش قاباتتان جاماۋ جاساعان. كەيىن پاتسيەنتتىڭ اعزاسىنداعى قاپشىقتان جاسالعان جاماۋدى جۇرەگىندەگى تەسىككە بىتەگەن.

«بۇل رەتكى كۇردەلى وتانىڭ ەرەكشەلىگى ادام دەنەسىنە كوپ تىرتىق قالمايدى. سەبەبى، قابىرعا اراسىنان 4-5 ءشى قابىرعا ارالىقتا كىشكەنتاي عانا كەسىممەن 3-4 سم ەندوۆيدەوتوراكوسكوپيالىق قۇرىلىمنىڭ كومەگىمەن ىسكە اسادى. جاڭاشا ءادىستىڭ باسقا وپەراتسيالارعا قاراعاندا ارتىقشىلىعى وتا جاسالعان ناۋقاستار 4-كۇنى ۇيىنە شىعارىلادى. ءبىر سوزبەن رەابيليتاتسيا مەرزىمى وتە قىسقا بولادى. تاعى ءبىر ايتا كەتەتىن جايت، كوسمەتيكالىق تۇرعىدان اسىرەسە جاس ايەلدەرگە جانە بالدارعا ىڭعايلى، وپەراتسيادان كەيىنگى ەشقانداي پىشاق ءىزى كورىنبەيدى»،  دەيدى شىمكەنت قالالىق كارديولوگيالىق ورتالىقتىڭ باسشىسى ەرگاعانبەت قۋاتباەۆ.

كۇردەلى وپەراتسيانى جاساۋ ءۇشىن مەگاپوليس دارىگەرلەرى شەت ەلدەن نەمەسە وزگە قالادان بىلىكتى مامان شاقىرتپاي-اق ءوز بىلىكتىلىكتەرى ارقاسىندا ءساتتى جۇزەگە اسىرعان. العاش رەت جاسالىنعان وتا ساتىمەن اياقتالىپ، جاقسى ناتيجەگە قول جەتكىزگەن.

وپەراتسيانىڭ باسىم بولىگى  زاماناۋي ەندوۆيدەوتوراكوسكوپيالىق قۇرىلىعىنىڭ كومەگىمەن ىسكە اسقان.  قازىرگى تاڭدا الەمدىك كارديوحيرۋرگيالىق تەندەنتسيا وسى ادىسكە كوشكەن.

نۇرشات توكەن،

«Egemen Qazaqstan»

شىمكەنت

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار