قازاقستان • 12 ناۋرىز، 2019

ارىستانبەك مۇحامەدي ۇلى: قازاقستان ساياحات ءۇشىن تارتىمدى 50 ەلدىڭ قاتارىنا كىرەدى

828 رەتكورسەتىلدى

مادەنيەت جانە سپورت ءمينيسترى ارىستانبەك مۇحامەدي ۇلى مەملەكەت باسشىسىنىڭ تاپسىرماسىنا سايكەس مينيسترلىكتەرمەن جانە ۆەدومستۆولارمەن، «اتامەكەن» ۇكپ بىرلەسىپ، تۋريستىك قاۋىمداستىقتاردىڭ قاتىسۋىمەن قازاقستان رەسپۋبليكاسىنىڭ تۋريستىك سالاسىن دامىتۋدىڭ 2019-2025 جىلدارعا ارنالعان مەملەكەتتىك باعدارلاماسى جانە وعان ىلەسپە زاڭ جوباسى ازىرلەنگەنىن ايتتى.

ول ەكى قۇجات اقش، كانادا، فرانتسيا، يسپانيا، تۇركيا، اراب امىرلىكتەرى، 10 تۋريستىك دەرجاۆاعا كىرۋگە مۇمكىندىك بەرەتىن 10 ستراتەگيالىق شارانى قامتيتىنىن اتاپ ءوتتى. ءمينيستردىڭ ايتۋىنشا، ولاردىڭ تولىق جۇزەگە اسىرىلۋى وراسان زور الەۋمەتتىك-ەكونوميكالىق ناتيجە بەرەدى. جۇمىسپەن قامتىلعاندار سانى 427-دەن 650 مىڭ ادامعا دەيىن ارتادى، ونىڭ شامامەن 72 مىڭى - شالعايداعى اۋىلدىق جەرلەردە تۇراقتى جۇمىس ورىندارى.

«بۇل مەملەكەت باسشىسىنىڭ «نۇر وتان» پارتياسىنىڭ XVIII سەزىندە بەرگەن تاپسىرماسىنا تولىق سايكەس كەلەدى. مۇندا قازاقستاننىڭ بارلىق حالقىنىڭ شامامەن 40% - ى (7،5 ملن.) تۇرادى»، دەدى ول.

سونداي-اق ەل ەكونوميكاسىنا 2 مىڭ دوللار قالدىرا وتىرىپ شەتەلدىك تۋريستەردىڭ سانى 3 ميلليون، ال ىشكى تۋريستەردىڭ سانى 9 ميلليوندى قۇرايتىنىن ايتتى.

ارىستانبەك مۇحامەدي ۇلىنىڭ ايتۋىنشا، تارتىلعان 2 ترلن تەڭگەنىڭ 70% جەكە ينۆەستيتسيالار قۇرايدى. سونىمەن قاتار ەلدىڭ ءىجو قۇرىلىمىنداعى ءتۋريزمنىڭ ۇلەسى 9،6 ملرد اقش دوللارىنان 16 ملرد اقش دوللارىنا دەيىن وسەتىنىن جەتكىزدى.

«مەملەكەتتىك باعدارلاما ەلدىڭ تۋريستىك سالاسىنا مەملەكەتتىك بيۋدجەتتەن تاۋەلدىلىكتىڭ تولىق اۋىتقۋىن قامتاماسىز ەتەدى جانە بيزنەس پەن ينۆەستورلاردىڭ بەلسەندى قاتىسۋى ەسەبىنەن سالانى ءوزىن-ءوزى اقتايتىن رەلستەرگە شىعارادى. ناتيجەسىندە قازاقستان ساياحات ءۇشىن تارتىمدى 50 ەلدىڭ قاتارىنا كىرەدى»، دەدى ول.

 

 

 

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار