قازاقستان • 12 ناۋرىز، 2019

رۋسلان دالەنوۆ ونەركاسىپتە ارتتا قالعان وڭىرلەردى اتادى

881 رەتكورسەتىلدى

ونەركاسىپتە ارتتا قالعان وڭىرلەردىڭ سانى 6-دان 4-كە دەيىن قىسقاردى. بۇل تۋرالى ۇكىمەت وتىرىسىندا ۇلتتىق ەكونوميكا ءمينيسترى رۋسلان دالەنوۆ ايتتى.

«تەرىس سەرپىندى قاراعاندى، قىزىلوردا، باتىس قازاقستان جانە مانعىستاۋ وبلىستارى كورسەتتى. بۇل وڭىرلەردە سەرپىننىڭ السىرەۋى مۇناي، گاز كوندەنساتىن ءوندىرۋ، جالپاق يلەم جانە قوسپاسىز بولات ءوندىرۋ بويىنشا بولدى. سونىمەن قاتار ونەركاسىپتە جوعارى ءوسۋ شىعىس قازاقستان، اتىراۋ، قوستاناي وبلىستارىندا، استانا قالاسىندا بايقالادى» دەدى ول.

ءمينيستردىڭ ايتۋىنشا، اۋىل شارۋاشىلىعىندا بارلىق وڭىردە ءوسىم بايقالادى. ايتارلىقتاي ءوسىمدى اقمولا وبلىسى كورسەتۋدە.

«قۇرىلىس بويىنشا اقمولا وبلىسى، استانا قالاسى، پاۆلودار، شىعىس قازاقستان، قىزىلوردا وبلىستارى، شىمكەنت، سولتۇستىك قازاقستان جانە ماڭعىستاۋ وبلىستارى ارتتا قالىپ وتىر. ال تۇركىستان وبلىسى اتالعان سالا بويىنشا كوشباسشى بولدى. نەگىزگى كاپيتالعا ينۆەستيتسيالار بويىنشا سەرپىننىڭ ەداۋىر السىرەۋى شىمكەنت جانە استانا قالالارىندا بايقالادى. شىمكەنت قالاسىندا مۇناي وڭدەۋ زاۋىتىن جاڭعىرتۋ بويىنشا جۇمىستار اياقتالدى. استانا قالاسىندا وتكەن جىلعى ماشينالار مەن جابدىقتاردى ساتىپ الۋعا بايلانىستى جوعارى بازا اسەر ەتتى» دەدى ر.دالەنوۆ.

بەلگىلى بولعانداي، ينۆەستيتسيالاردى تارتۋ بويىنشا قىزىلوردا وبلىسى الدا. بۇدان بولەك قاراعاندى، تۇركىستان جانە قوستاناي وبلىستارىندا دا ينۆەستيتسيا تارتۋ بويىنشا ايتارلىقتاي ءوسىم بايقالادى.

«ەلباسىنىڭ تاپسىرماسى بويىنشا ءبولىنىپ جاتقان بيۋدجەت قاراجاتى ەكونوميكاعا، حالىقتىڭ تابىستارىنا، سونداي-اق ينۆەستيتسيالىق بەلسەندىلىككە قولداۋ كورسەتەدى. وسىعان بايلانىستى ورتالىق مەملەكەتتىك ورگاندار مەن اكىمدەر قاراجاتتى ەكونوميكاعا تەز ءارى ماقساتتى جەتكىزۋدى قامتاماسىز ەتۋى قاجەت» دەدى مينيستر.

سوڭعى جاڭالىقتار

ءۇي جانۋارىنان ۆيرۋس جۇعا ما؟

كوروناۆيرۋس • بۇگىن، 18:39

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

ۇقساس جاڭالىقتار