قازاقستان • 11 ناۋرىز، 2019

جايىق جاعالاۋىنان ەرىكتىلەر 1،3 توننا بالىق جيناۋعا كومەكتەستى

807 رەت كورسەتىلدى

بارلىق جينالعان بالىق ەسەپكە الىندى جانە جويىلدى. ونىڭ سالماعى قوزعالعان قىلمىستىق ىسكە قوسىلادى. بۇل تۋرالى اتىراۋ وبلىسىنىڭ وڭىرلىك كوممۋنيكاتسيالار قىزمەتى حابارلادى.

بالىق شارۋاشىلىعى باسقارماسىنىڭ باسشىسى ارتۋر سادىبەك ۇلىنىڭ ايتۋىنشا، جينالعان بالىقتىڭ سالماعى كەلتىرىلگەن زياندى ەسەپتەۋ ءۇشىن قىلمىستىق ءىس ماتەريالدارىنا قوسىلادى.

- ءبىز بالىقتى جيناۋعا كومەكتەسكەن ەرىكتىلەرگە العىسىمىزدى بىلدىرەمىز، ءبىز ءوز تاراپىمىزدان قاۋىپسىزدىكپەن قامتاماسىز ەتتىك. وزەن ءبىزدىڭ ورتاق بايلىعىمىز، وسىنداي بەلسەندى ازاماتتار بارى قۋانتادى،- دەيدى سادىبەك ۇلى. - جاقىن كۇندەرى وزەن مۇزى ەرىگەن سوڭ ارنايى تەحنيكانىڭ كومەگىمەن وزەندى تازالاۋمەن بالىق اۋلاۋ كووپەراتيۆتەرى ماماندارى اينالىسادى. 

ارتۋر سادىبەك ۇلى ايتقانداي، بارلىق جينالعان بالىق جەلتوقسان ايىندا ولگەن، جاڭا بالىق قاڭقاسى تابىلعان جوق. 

جايىق وزەنىندەگى سۋ سىنامالارى اپتاسىنا ەكى رەت قوعامدىق دەنساۋلىق ساقتاۋ دەپارتامەنتىمەن، ەكولوگيا دەپارتامەنتىمەن جانە «قازگيدرومەت» رمك-مەن قابىلدانادى. سۋ كورسەتكىشتەرى قالىپتى جانە تۇرعىندار مەن جانۋارلارعا قاۋىپ توندىرمەيدى.

بالىق ولگەننەن كەيىن ەكى قىلمىستىق ءىس قوزعالدى. قازىرگى ۋاقىتتا كىنالىلەردى انىقتاۋ ءۇشىن تەرگەۋ امالدارى جۇرگىزىلۋدە.پوليتسيا قىزمەتكەرلەرى مەن ۆەتەرينارلار بالىق ونىمدەرىن وتكىزۋ نۇكتەلەرىن باقىلايدى. حالىق اراسىندا بالىق نەمەسە سۋ ارقىلى ۋلانۋ جاعدايلارى تىركەلمەگەن.

سوڭعى جاڭالىقتار

ەرلىككە تولى سۋرەتتەر

رۋحانيات • بۇگىن، 13:05

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

«بارىستىڭ» العاشقى ترانسفەرى

حوككەي • بۇگىن، 08:50

«ءان» بە، «ءۇن» بە؟

رۋحانيات • بۇگىن، 08:36

جۋرناليست قاسىم

رۋحانيات • بۇگىن، 08:34

ءسوز سويىل: ءازىل-وسپاق

رۋحانيات • بۇگىن، 08:32

دالالىق وركەنيەت تاعىلىمى

تاريح • بۇگىن، 08:23

بالاباقشانىڭ جوعىنان بارى جاقسى

ايماقتار • بۇگىن، 08:18

كاسىپكە باۋلۋ – قاسيەتتى بورىش

ايماقتار • بۇگىن، 08:16

اتى-جونىمىزگە اباي بولايىق

قوعام • بۇگىن، 08:14

ۇقساس جاڭالىقتار