قازاقستان • 11 ناۋرىز، 2019

بالامالى ەنەرگەتيكا سالاسىنداعى قازاقستان-فرانتسۋز ىسكەرلىك قارىم-قاتىناسى نىعايا تۇسپەك

799 رەتكورسەتىلدى

8 ناۋرىزدا فرانتسيانىڭ كانن قالاسىندا قازاقستان كۇن ەنەرگەتيكاسى قاۋىمداستىعى مەن فرانتسيا ءىرى ەلەكتر ەنەرگەتيكالىق «Urbosolar SAS» كومپانياسى اراسىندا ءوزارا ىنتىماقتاستىق تۋرالى مەموراندۋمعا قول قويىلدى. بۇل تۋرالى ەنەرگەتيكا مينيسترلىگىنىڭ ءباسپاسوز قىزمەتى حابارلادى. 

قازاقستان رەسپۋبليكاسىنىڭ رەسمي مەملەكەتتىك دەلەگاتسياسى قۇرامىنداعى قازاقستان رەسپۋبليكاسىنىڭ «قازاقستان كۇن ەنەرگەتيكاسى قاۋىمداستىعى» فرانتسياداعى قر-نىڭ ەلشىلىگى، «Kazakh Invest» اق، فرانتسيانىڭ وڭتۇستىگىندەگى قر-نىڭ قۇرمەتتى كونسۋلدىعى جانە «MEDEF International» فرانتسۋز كاسىپكەرلەرىنىڭ قاۋىمداستىعى ۇيىمداستىرعان تسيفرلاندىرۋ جانە بالامالى ەنەرگەتيكا جونىندەگى قازاقستان-فرانتسۋز فورۋمىنىڭ جۇمىسىنا قاتىستى.

مەملەكەتتىك ۆەدومستۆولاردىڭ، ۇلتتىق كومپانيالاردىڭ جانە ىسكەرلىك سالالىق بيزنەس-قاۋىمداستىقتىڭ وكىلدەرىنەن تۇراتىن قازاقستان دەلەگاتسياسىن قر-نىڭ تسيفرلىق دامۋ، قورعانىس جانە اەروعارىش ونەركاسىبىنىڭ ۆيتسە-ءمينيسترى دارىن تۇياقوۆ باستاپ باردى.

«قازاقستان كۇن ەنەرگەتيكاسىنىڭ قاۋىمداستىعى» فرانتسۋزدىق كاسىبي سالالىق اۋديتورياسىن كۇن ەلەكتر ستانتسيالارىن تۇرعىزۋ مەن پايدالانۋعا بەرۋدىڭ تابىستى تاجىريبەسىنىڭ ءبىرى بولىپ تابىلاتىن BURNOE SOLAR-مەن تانىستىردى. قر-نىڭ پرەزيدەنتى نۇرسۇلتان نازارباەۆ وسى ەلەكتر ستانساسىنىڭ جۇمىسىن 2018 جىلدىڭ جەلتوقسان ايىندا باستاپ بەردى، ال EMEA Finance بەدەلدى الەمدىك قارجى باسىلىمى ەۋروپالىق قايتا قۇرۋ جانە دامۋ بانكىنە ءوز ماراپاتىن تاپسىردى جانە قازاقستان رەسپۋبليكاسىندا وسى جوبانى ىسكە اسىرۋدا بانكتىڭ ەلەۋلى قارجىلىق قولداۋىن باعالاي وتىرىپ، وسى ينۆەستيتسيالىق جوبانى «كۇن ەنەرگەتيكاسى سالاسىنداعى شىعىس ەۋروپاداعى ەڭ ۇزدىك مامىلە – 2018» دەپ مويىندادى.

30-دان استام مۇددەلى قازاقستاندىق ساراپشىدان تۇراتىن قازاقستان تاراپى ءوز ەلىنىڭ ينۆەستيتسيالىق مۇمكىندىكتەرىن («KAZAKH INVEST» اق)، سونداي-اق تسيفرلىق تەحنولوگيالار مەن بالامالى ەنەرگەتيكا سالاسىن دامىتۋدى مەملەكەتتىك قولداۋ جانە ىنتالاندىرۋ جۇيەسىمەن تانىستىردى (قر-نىڭ ەنەرگەتيكا مينيسترلىگى، «احقو» اق، «زەردە» ۇلتتىق ينفوكوممۋنيكاتسيالىق حولدينگى» اق).

فورۋمنىڭ جۇمىسى اياقتالعان سوڭ، «قازاقستان كۇن ەنەرگەتيكاسى قاۋىمداستىعى» مەن «جاسىل» ەكونوميكا سالاسىندا جۇمىس ىستەيتىن ون ۇزدىك ەۋروپالىق ەلەكتر ەنەرگەتيكالىق كومپانيالاردىڭ ءبىرى «Urbosolar SAS» كومپانياسى اراسىندا ءوزارا ىنتىماقتاستىق تۋرالى مەموراندۋمعا قول قويىلدى.

قازاقستان قاۋىمداستىعىنىڭ باسشىسى نۇرلان قاپەنوۆ مىرزا مەن فرانتسۋز كومپانياسىنىڭ ۆيتسە-پرەزيدەنتى پول كەرينك مىرزا وسى فورۋم مەن قول قويىلعان كەلىسىم ەكىجاقتى جەمىستى ەكونوميكالىق ىنتىماقتاستىقتپەن بىرگە بالامالى ەنەرگەتيكا سالاسىنداعى وزىق تەحنولوگيالارمەن الماسۋدىڭ كەزەكتى كەزەڭى بولاتىنىنا سەنىم ءبىلدىردى.

قازاقستاننىڭ فرانتسياداعى توتەنشە جانە وكىلەتتى ەلشىسى جان عاليەۆ مىرزا تسيفرلاندىرۋ مەن بالامالى ەنەرگەتيكا جونىندەگى وتكەن قازاقستان-فرانتسۋز فورۋمىن ەكونوميكالىق ارىپتەستىكتى تابىستى جانە ءتيىمدى دامىتۋعا قاجەتتى وقيعا رەتىندە سيپاتتادى.

ەلشى مىرزا 2019 جىلدىڭ ەكىنشى جارتىسىنا فرانتسيا پرەزيدەنتى ەممانيۋەل ماكروننىڭ جوسپارلاعان قازاقستانعا ساپارى قارساڭىندا ەكونوميكانىڭ ءتۇرلى سالالارىنداعى ساراپشىلاردىڭ ەكىجاقتى كەزدەسۋلەرى ساۋدا جانە ينۆەستيتسيالىق قاتىناستاردىڭ قوسىمشا سەرپىنى رەتىندە ماڭىزدى ەكەندىگىن اتاپ ءوتتى.

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار