قازاقستان • 11 ناۋرىز، 2019

تۇركىستان: ماروككو شەگىرتكەسىنە قارسى كۇرەس جوعارى دەڭگەيدە

772 رەتكورسەتىلدى

بيىل وبلىستا ماروككو شەگىرتكەسىنە قارسى حيميالىق كۇرەس شارالارى جالپى 83 مىڭنان  استام گەكتارعا جۇرگىزىلەدى دەپ جوسپارلانىپ وتىر. بۇل تۋرالى تۇركىستان وبلىسى وڭىرلىك كوممۋنيكاتسيالار قىزمەتىندە وتكەن بريفينگتە  قر اۋىل شارۋاشىلىعى مينيسترلىگىنىڭ اگروونەركاسىپتىك مەملەكەتتىك ينسپەكتسيا كوميتەتىنىڭ تۇركىستان وبلىستىق اۋماقتىق ينسپەكتسيا باسشىسى نۇرجان قۇتتىبەك ۇلى مالىمدەدى. بۇل تۋرالى تۇركىستان وبلىسى اكىمىنىڭ ءباسپاسوز قىزمەتى حابارلادى. 


«وبلىستىق اۋماقتىق ينسپەكتسيا تاراپىنان ماروككو شەگىرتكەسىنە قارسى وڭدەۋ جۇمىستارىنىڭ ساپالى جۇرگىزىلۋىن باقىلاۋعا جانە ۇيىمداستىرۋ جۇمىستارىن جۇرگىزۋگە اۋداندار بويىنشا حيميالىق وڭدەۋ جۇرگىزۋگە 15 توپ قۇرىلىپ، 33 ينسپەكتور جانە 17 اۆتوكولىك ءبولىندى. سونىمەن قاتار، 83 مىڭنان استام گەكتارعا حيميالىق وڭدەۋ جۇمىستارىن جۇرگىزۋ ءۇشىن 1189،8 مىڭ گەكتار القاپتا انىقتاۋ-زەرتتەۋ جۇمىستارىن جۇرگىزۋ جوسپارلانىپ وتىر.  وعان «رەسپۋبليكالىق فيتوسانيتارلىق دياگنوستيكا جانە بولجامدار ادىستەمەلىك ورتالىعى» رمم تۇركىستان وبلىستىق فيليالىنان 90 شتاتتىق ماماندار مەن انىقتاۋشى جانە 44 قىزمەتتىك اۆتوكولىك ءبولىندى. اۋدان اكىمدىكتەرى تاراپىنان قوسىمشا 185 انىقتاۋشىلار جۇمىلدىرىلىپ، 47 جۇمىس توبى قۇرىلدى. سونداي-اق   28 سۋ تاسۋشى تەحنيكا جانە پەستيتسيدتەردى ەرىتۋگە قاجەتتى 73 سۋ كوزدەرى دايىندالادى»، – دەدى نۇرجان كاشكەنوۆ.

بۇگىنگى تاڭدا، وبلىس اكىمىنىڭ تاپسىرماسى بويىنشا اسا قاۋىپتى زياندى ورگانيزمدەرمەن كۇرەسۋ ءۇشىن ۇيىمداستىرۋ، ۇيلەستىرۋ جۇمىستارىن جۇرگىزەتىن شتاب قۇرىلىپ، ءۇيىرلى شەگىرتكە تارالعان اۋدانداردا جۇمىس اتقارىلىپ جاتىر.  ايتا كەتەيىك، جەرگىلىكتى اتقارۋشى ورگاندارمەن بىرلەسكەن جۇمىس جوسپارى جاسالىپ، ناقتى ىستەر قولعا الىنعان. وسىعان بايلانىستى بيىل وبلىس ديقاندارى شەگىرتكەدەن زارداپ شەكپەيدى دەگەن سەنىم بار.

سوڭعى جاڭالىقتار

ءۇي جانۋارىنان ۆيرۋس جۇعا ما؟

كوروناۆيرۋس • بۇگىن، 18:39

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

ۇقساس جاڭالىقتار