قازاقستان • 11 ناۋرىز، 2019

باتىرلىعى ءۇشىن – ءبىلىم گرانتى

784 رەتكورسەتىلدى

ەرلىك كورسەتىپ، تالدىقورعاندا ءورت شىققان ۇيدەن ەكى كىشكەنتاي بالانى قۇتقارعان 19 جاسار ستۋدەنت ارمان باقىتباي ۇلىنا ءبىلىم گرانتى بەرىلەدى. بۇل تۋرالى بۇگىن ارماندى قابىلداعان الماتى وبلىسىنىڭ اكىمى اماندىق باتالوۆ ايتتى. الماتى وبلىسى اكىمدىگىنىڭ ءباسپاسوز قىزمەتى حابارلادى.


ەسكە سالساق، تالدىقورعان قالاسىنىڭ تۇرعىنى، ءى. جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ 1 كۋرس ستۋدەنتى ارمان باقىتباي ۇلى كەشە، 6 ناۋرىزدا كوشەدەن ءوتىپ بارا جاتىپ كوپ پاتەرلى ءۇيدىڭ ەكىنشى قاباتىنان كومەككە شاقىرعان داۋىستى ەستيدى، تەرەزەدەن ءتۇتىن شىعىپ جاتقانىن كورەدى. ارمان گاز قۇبىرىمەن ورمەلەپ، ەسىگى جابىق پاتەردىڭ ىشىنەن تەرەزەدەن ەكى كىشكەنتاي قىزدى الىپ شىققان. كىشكەنە بالالاردىڭ اتا-اناسى بالالاردى سىرتىنان جاۋىپ، جۇمىسقا كەتكەن ەكەن. وقيعا ورنىنا ءورت سوندىرۋشىلەر دەر كەزىندە جەتىپ، قاجەتتى كومەكتى كورسەتكەن.

ارماننىڭ ەرلىك ارەكەتىن ەستىگەن وبلىس اكىمى ا. باتالوۆ ستۋدەنتتى قابىلداپ، ونىڭ وزىنەن وقۋ بارىسى، وتباسىلىق جاعدايى، ومىردەگى قىزىعۋشىلىعى تۋرالى سۇراپ ءبىلدى. اڭگىمە بارىسىندا بەلگىلى بولعانداي، جاس باتىر ۋنيۆەرسيتەتتە دەنە شىنىقتىرۋ جانە سپورت ماماندىعى بويىنشا اقىلى بولىمدە وقيدى، قارىنداسى ەكەۋىن اكەسى تاربيەلەپ وتىر، سپورتقا جانى جاقىن، فۋتبولدى جاقسى كورەدى، بۇرىن ەركىن كۇرەسپەن دە اينالىسقان. ۋنيۆەرسيتەت رەكتورى قۋات بايمىرزاەۆتىڭ ايتۋىنشا، ارمان جاقسى وقيتىن ستۋدەنتتەر قاتارىندا، سەسسيانى جاقسى كورسەتكىشتەرمەن اياقتاعان. رەكتور ارماننىڭ ەرجۇرەكتىگىنە ريزاشىلىعى رەتىندە جانە وتباسىلىق جاعدايىن ەسكەرىپ، وقۋ اقىسىن ءوزىنىڭ جەكە ەسەبىنەن كوتەرۋگە دايىن ەكەنىن جەتكىزدى. وبلىس اكىمى بۇل ۇسىنىستى قولدادى، دەگەنمەن كەلەسى جاڭا وقۋ جىلىنان باستاپ ارمانعا وبلىس اكىمىنىڭ گرانتى بەرىلەتىنىن ايتتى. سول سياقتى مەكتەپتى اياقتاعان سوڭ ا. باقىتباي ۇلىنىڭ قارىنداسىنا دا قولداۋ كورسەتىلمەك.

- ەرلىكتىڭ ۇلكەن-كىشىسى بولمايدى. بىرەۋدىڭ قايعىسىنا بەيجاي قاراماي، كومەك قولىن سوزعانىڭ سەنىڭ ۇلكەن جۇرەكتى ازامات ەكەنىڭدى كورسەتتى. ءوزىڭ سپورتپەن اينالىساسىڭ، سالاماتتى ءومىر سالتىن ۇستانادى ەكەنسىڭ. سەن سياقتى جاستاردان قاتارلاستارىڭ ۇلگى الۋى ءتيىس. ارقاشان وسىنداي قاراپايىم، بايسالدى، مەيىرىمدى قالپىڭنان تانباي، ارمان-ماقساتىڭا جەتە بەر! ساعان ءاردايىم جاقسىلىق تىلەيمىن! – دەي كەلە، وبلىس اكىمى ا. باتالوۆ ارمانعا نوۋتبۋك سىيعا تارتتى.

وسى سايتتان ماتەريالداردى كوشىرگەن، رەترانسلياتسيالاعان نەمەسە ءۇزىندى العان جاعدايدا ەشقانداي وزگەرىسسىز تومەندەگىدەي جازبانى پايدالانا وتىرىپ (تىرناقشاسىز) دەرەككوزدى كورسەتۋ مىندەتتى شارت بولىپ تابىلادى:

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار