ايماقتار • 08 ناۋرىز، 2019

پاۆلوداردا كوپ بالالى 19 اناعا «التىن القا» مەن «كۇمىس القا» تابىستالدى

826 رەتكورسەتىلدى

وبلىس  ورتالىعىنداعى  ەستاي اتىنداعى مادەنيەت سارايىندا وتكەن مەرەكەلىك كەشكە جينالعان انالاردى، ايەلدەر قاۋىمىن وبلىس اكىمى بولات باقاۋوۆ قۇتتىقتادى.

سونىمەن قاتار، بارلىق سالادا اۋىر ونەركاسىپتە، دەنساۋلىق ساقتاۋ مەن ءبىلىم بەرۋ سالاسىندا، مەملەكەتتىك قىزمەت جانە وزگە دە سالالاردا ەڭبەك ەتىپ  جۇرگەن ايەلدەرگە العىس حاتتار مەن قۇرمەت گراموتالارىن تابىستادى.

مىسالى، كوپ بالالى انالار  شارباقتى اۋدانىندا تۇراتىن گالينا موتورنايا،  جۇلدىز مۇحامەدجانوۆا، اقسۋ قالاسىنان شىلدەحان ساۋلەتحان، اينۇر ورازالينوۆالار ماراپاتتالدى.

جەرگىلىكتى جۇمىسپەن قامتۋ جانە الەۋمەتتىك باعدارلامالار باسقارماسىنىڭ مالىمەتىنشە، وڭىردە 8625 وتباسى تۇرادى. ونىڭ ىشىندە 3839-ءسى 4 جانە ودان دا كوپ بالا تاربيەلەۋدە.

  جىل باسىنان بەرى 1000 وتباسىنا 4،2 ميلليون تەڭگەگە كومەك كورسەتىلگەن.

وبلىس ورتالىعىندا 1 435 كوپبالالى وتباسى تۇرادى. بالالارى  كامەلەتتىك جاسقا تولماعان انالار سانى – 1229.

بۇدان بولەك، 206 انا «التىن القا» جانە «كۇمىس القا» بەلگىسىنىڭ يەگەرلەرى تۇرادى.

كەشتى «اناشىم» ءانىن ورىندايتىن مارات وماروۆ، بەيبىت كۇشقاليەۆ جانە «مەلومەن» توبى سىندى قازاقستاندىق تانىمال مۋزىكانتتار ونەر كورسەتتى. ايەلدەردىڭ ۇلتتىق اشەكەيلەرى جانە پاۆلودارلىق سۋرەتشىلەر سالعان ايەلدەردىڭ پورترەتتەرى قويىلعان كورمە اشىلدى.

فاريدا بىقاي،

«ەگەمەن قازاقستان»

پاۆلودار

سوڭعى جاڭالىقتار

ۇقساس جاڭالىقتار