قازاقستان • 08 ناۋرىز، 2019

بالانىڭ دا، ارانىڭ دا بابىن تاپقان انا

1123 رەتكورسەتىلدى

جالقاۋلاردى جاقتىرمايتىن بال اراسى ادامدى ەڭبەك­قورلىققا ۇندەيدى، تازالىقتى تالاپ ەتەدى. ومارتاشىدان جاعىمسىز يىستەر شىعىپ تۇرسا، ارالار ونى شاعادى ەكەن. جالپى بال اراسىنىڭ ادام بالاسىنا ۇلگى ەتەرلىكتەي قاسيەتى كوپ، سونىڭ كەيبىرىن كوپ بالالى گۇلشاد انانىڭ بويىنان دا تاپقانداي بولدىق. ەڭبەكقور انا ۇل-قىزدارىنىڭ دا جالقاۋ بولعانىن قالامايدى، قيىندىققا مويىماي العا ۇمتىلادى، تاباندىلىق پەن ادالدىق، جۇكتەلگەن جۇمىس قالتقىسىز، ۋاقىتىندا ورىندالادى...

 

سەگىز ۇل-قىزى بار گۇلشاد انا وتاعاسى تالعات ەكەۋى بال اراسىن وسىرۋمەن اينالىسىپ كەلەدى. بالالاردىڭ التاۋى مەكتەپتە، ەكەۋى بالاباقشادا. انانىڭ ايتۋىنشا، بالالارعا تاۋلىك بويى كوڭىل ءبولۋ كەرەك، قامقورلىققا الۋ، زامان تالابىنا ساي تاربيەلەۋ سىن­دى اتا-انالىق مىندەت تە ءۇزى­لىس­سىز جۇرگىزىلۋى ءتيىس. «ال ەندى بال اراسى دا بالاعا قاراعانداي عوي، تازالىعى، دارىلەنۋى، قورەك­تەن­دىرۋ، دەر مەزگىلىندە جاسالۋى ءتيىس كۇتىمى بار. ۇلگەرىپ جا­تىر­­مىز. ارينە سەگىز ۇل-قىز­دىڭ تار­بيەسى ءبىرىنشى كەزەكتە، ولار مەك­تەپتە، بالاباقشادا بول­عان ۋاقىتتى بال اراسىنا ار­ناي­مىز. بالالار وقۋدان تىس ۋا­قى­­تىندا كومەكتەسىپ، ەڭبەك الىپ­پەسىن ۇيرەنۋدە. كوپ بالالى انا­مىن دەپ، تەك مەملەكەتتىڭ كومە­گىنە سە­نىپ، بوس وتىرعىم جوق. بالا­لار­عا بەرىلىپ جاتقان جار­دەم­اقى­لار­دىڭ كومەگى بار، ارينە. بىراق ۇل-قىزدارىمنىڭ ەر­تە­ڭىنە سەنىمدى بولۋى، قاتارى­ن­ان قال­ماۋى ءۇشىن قاراپ وتىرماي بار مۇم­كىندىكتى پايدا­لانۋى­­مىز قاجەت»، دەدى گۇلشاد انا بىزبەن اڭگىمەسىندە.

كوپ بالالى انانىڭ كوپ­­شى­­لىككە ايتا بەرمەيتىن، جاريا ەت­كەندى قالامايتىن ءبىر قۇ­پيا­­سى بار. ىلگەرىدە جاسال­عان وپە­را­­تسيادان كەيىن جۇرە الماي، مۇگە­دەك بولىپ قال­عان. دەگەنمەن بالا­­لارىنىڭ بولاشاعىنا الاڭ­داعان انا تاعدىردىڭ بۇل سىنىنا سىن­باعان، توزىمدىلىك پەن ومىرگە قۇش­تارلىق دەمەۋ بولىپ العا جەتە­لەگەن. وتاعاسى تالعات تا ءۇي شارۋاسىنا كومەكتەسىپ، انا­نىڭ اياققا تۇرۋى ءۇشىن بارلىق جاعدايدى جاساپ باقتى. بۇگىندە گۇلشاد انا بالداققا سۇيەنىپ، بار كۇش-جىگەرىن بالالارىنىڭ دا، بال اراسىنىڭ دا كۇتىمىنە ارناپ، جاعدايلارىن جاساپ ءجۇر. 

كەيىپكەرىمىز ءومىر ءسۇرىپ جات­قان قازىعۇرت اۋدانى قاق­پاق اۋىل­­­دىق وكرۋگىنە قاراس­تى سىرلىساي اۋىلىنىڭ تابي­عا­تى تاماشا، ادامدارى ەڭبەك­قور. اۋىلدىڭ وڭ جاق تۇسى باۋ-باقشا، سول جاق بولىگىن بيىك قىراتتار قورشاپ تۇر. بۇگىن­دە اۋىل تۇرعىندارى باۋ-باق­شامەن قاتار بال اراسىن ءوسىرۋدىڭ دە قىر-سىرىن مەڭ­گەرە باستاپتى. ءيا، گۇلشاد انا دا بۇرىن قازاقتىڭ ەبى جوق سياق­تى كورىنەتىن كادىمگى ومارتا­شىلىقتى قولعا العان. بۇل ورايدا وعان «اتامەكەن» كاسىپكەرلىك پالا­تاسىنىڭ جەرگىلىكتى وكىل­دەرى قولداۋ كورسەتىپتى. نەسيە الۋ، كاسىپ اشۋ جولدارى بويىن­شا كەڭەس بەرگەن. ءسويتىپ، سىر­لى­سايدىڭ تۇرعىنى گۇلشاد ۆافاەۆا «اۋىل شارۋاشى­لى­عىن قار­جى­لاي قولداۋ قورى» جەڭىل­دىكپەن بەرگەن 3 ملن تەڭگە نەسيە­گە 100 ۇيالى بال اراسىن ساتىپ الا­دى. وعان ەكى وتباسىلىق 50 ومار­تانى (جاشىك) تاعى قوسادى. «نە­سيەنى بىلتىر تامىزدىڭ باسىن­دا الدىق. ارالار ءالى بال بەرە قويعان جوق. وسى كوكتەمدە كوك­كە، تاۋدىڭ گۇل بوكتەرىنە جايى­لا باستادى. بيىل بۇيىرعان نەسى­بەمىزدى العا­لى وتىرمىز»، دەيدى گۇلشاد فارحادقىزى.

گۇلشاد پەن جۇبايى تالعات راسۋلوۆ سىرلىسايعا وزبەك­ستان­نان 2008 جىلى كوشىپ كەلگەن ەكەن. بال اراسىن ءوسىرۋدىڭ قىر-سى­­رىن كورشى ەلدە مەڭگەرگەن. ال­­دى­­مەن بىرنەشە ۇيالى ومارتا ال­­عان وتباسى بىرتىندەپ ونىڭ سانىن 10، 20-عا دەيىن كوبەيتكەن. ال اتا­جۇرتقا قونىس اۋدارعاندا بال ارا­سىن ەكى ەل اراسىنداعى كە­­دەن­­نەن الىپ وتۋدە كوپتەگەن كە­دەر­­گىلەرگە تاپ بولعان گۇلشاد پەن تالعات وتباسىلىق بيزنەستى ءبى­راز ۋاقىتقا توقتاتتى. «وزبەك­ستان­­­مەن شەكارادا ورنالاسقان سىر­­لى­ساي اۋىلى – جاڭادان قۇ­رىل­­عان ەلدى مەكەن. مۇندا كوشىپ كەل­­گەن سوڭ ءۇي سالىپ، بالالاردى اياق­تان تۇرعىزىپ الۋ كەرەك بول­دى. ءبىراز ۋاقىتتى وسىنداي تۇر­مىس­­تىق ماسەلەلەردى شەشۋگە جۇم­­سا­­دىق. ەندى مىنە، قايتادان وزى­مىز­گە ىڭ­عايلى كاسىپتى قولعا الىپ جاتىرمىز. 

بال اراسىن ءوسىرۋ وڭاي ەمەس. نەگىزىنەن ءوزىم اينالىسامىن، سونداي-اق ۇلكەن ۇلىم اسىل­بەك كومەكتەسەدى. ۇلدان كەيىن­گى ءتورت قىزىم ءۇي شارۋا­سىنا قول­­عابىس جاسايدى. قىزداردان كەيىن­­گى ءۇش ۇل ءالى كىشكەنتاي. بار­لى­عى ءۇي شارۋا­سىنا ارالاسىپ، قول­دارىنان كەلگەنىنشە كومەك­تەسەدى»، دەيدى كوپ بالالى انا.

ەمدىك قاسيەتى مول بالعا، اسى­رە­سە ونىڭ تازا تابيعي تۇرىنە سۇ­رانىستىڭ ارتىپ وتىرعانىن ەسكەر­گەن گۇلشاد انا­نىڭ ەرتەڭگى كۇننەن كۇتەرى كوپ، جوسپار-جوبالارى دا جەتەر­لىك. ساپالى بال ىزدەپ، سىر­لى­سايعا ارنا­يى اتباسىن بۇرا­تىنداردىڭ كو­بە­يە تۇسەتىنىنەن دە ءۇمىتتى. 

عالىمجان ەلشىباي، 

«Egemen Qazaqstan»

تۇركىستان وبلىسى

سوڭعى جاڭالىقتار

ۇقساس جاڭالىقتار