قازاقستان • 08 ناۋرىز، 2019

وتكىزۋ پۋنكتەرىنىڭ جۇمىسى جەتىلدىرىلەدى

489 رەتكورسەتىلدى

قىتاي مەن وزبەكستان شەكاراسى ارقىلى ەلىمىزگە كەلەتىن كولىكتەردىڭ كەدەندىك باقىلاۋدان ءوتۋ جىلدامدىعى بىرنەشە ەسەگە ارتپاق. بۇل تۋرالى مەملەكەتتىك كىرىستەر كوميتەتىنىڭ توراعاسى مارات سۇلتانعازيەۆ مالىمدەدى. 

مەملەكەتتىك كىرىستەر كوميتەتىنىڭ مالىمەتىنە سۇيەنسەك، كەدەندىك بەكەتتەن كولىكتىڭ ءوتۋ قارقىنىنىڭ ارتۋىنا قارجى مينيسترلىگى ازىرلەگەن «ەتالوندىق وتكىزۋ پۋنكتى» تۇجىرىمداماسى نەگىز بولعان. اتالعان قۇجات قازاقستاندىق وتكىزۋ پۋنكتەرىنىڭ جۇمىسىن جەتىلدىرۋگە باعىتتالعان.

ماسەلەن، سوڭعى جىلداردى قىتايدان كولىك اعىمىنىڭ ءوتۋى 1،5-عا، ال وزبەكستاننان ەكى ەسەگە ارتتى. تيىسىنشە وسى ەلدەرمەن تاۋار اينالىمى دا وسكەن.

كولىك اعىمىنىڭ ارتۋى شەكارادا ءتيىستى جاعدايلاردىڭ جاسالۋىمەن تىكەلەي بايلانىستى. «ەتالوندىق وتكىزۋ پۋنكتى» تۇجىرىمداماسى نەگىزىنەن اۆتوكولىك قۇرالدارىنىڭ شەكارا ارقىلى تەز وتۋىنە باعىتتالعان.

ايتسە دە، مەملەكەتتىك كىرىستەر كوميتەتىنىڭ دەرەكتەرىنە سۇيەنسەك، شەكاراداعى ينفراقۇرىلىم كولىكتەردىڭ وسپەلى اعىنىن ءبىر قالىپتى جانە جىلدام وتۋىنە قيىندىق كەلتىرەدى. اسىرەسە، كەدەندىك باقىلاۋدىڭ تەحنيكالىق قۇرالدارىنىڭ 60 پايىزدان استامى ەسكىرگەن.

سوندىقتان شەكاراداعى وتكىزۋ پۋنكتەرىنىڭ جۇمىستارىن جاقسارتۋ ماقساتىندا 2018 جىلعى ماۋسىمدا بەيجىڭ قالاسىندا نەگىزدەمەلىك كەلىسىمگە قول قويىلعان. سوعان سايكەس، قىتاي تاراپى 2 062 ميلليون يۋان سوماسىنا جەڭىلدەتىلگەن نەسيە بەرەدى.

اتالعان قاراجات 9 اۆتوموبيلدىك جانە 1 تەمىرجول وتكىزۋ پۋنكتتەرىن جاڭعىرتۋعا جانە تەحنيكالىق قايتا جابدىقتاۋعا جۇمسالادى. سونداي-اق باس ديسپەتچەرلىك باسقارماسىن تەحنيكالىق قايتا جابدىقتاۋ جوسپارلانىپ وتىر. كولىك قۇرالدارىنىڭ توقتاۋسىز قوزعالىسى ءۇشىن تەحنيكالىق باقىلاۋدىڭ اۆتوماتتاندىرىلعان بىرىڭعاي توتە دالىزدەرى ورناتىلماق. جوبا 2019 جىلدىڭ اياعىندا باستالىپ، 2022 جىلى اياقتالادى.

ەاەو سىرتقى شەكاراسىنىڭ بارلىق پەريمەترى بويىنشا وتكىزۋ پۋنكتتەرىن جاڭعىرتۋ، سونداي-اق تاۋارلاردى وتكىزۋدىڭ بارلىق كەزەندەرىن اۆتوماتتاندىرۋ كەدەندىك اكىمشىلەندىرۋ دەڭگەيىن جوعارلاتۋعا، وتكىزۋ پۋنكتتەرىنىڭ ينفراقۇرىلىمىن جاقسارتۋعا، سىبايلاس جەمقورلىق تاۋەكەلدەرىن ازايتۋعا مۇمكىندىك بەرەدى. بۇل جالپى العاندا سەق قاتىسۋشىلاردىڭ قارجىلىق شىعىندارىنا وڭ اسەر تيگىزەدى جانە ەلدىڭ ترانزيتتىك الەۋەتىن ارتتىرادى.

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار