ايماقتار • 07 ناۋرىز، 2019

اتىراۋعا «ANKAI» ماركالى پاندۋستارى بار 30 اۆتوبۋس كەلدى

705 رەتكورسەتىلدى

اعىمداعى جىلدىڭ سوڭىنا دەيىن مۇمكىندىگى شەكتەۋلى جاندارعا ارنالعان تاعى 100 بىرلىك قوعامدىق كولىك اكەلۋ جوسپارلانۋدا. بۇل تۋرالى اتىراۋ قالاسى اكىمىنىڭ ءباسپاسوز قىزمەتى حابارلادى.

«اnkai» كومپانياسى وندىرگەن 30 جاڭا اۆتوبۋس اتىراۋعا جاقىن كۇندەرى كەلدى، ولار «تشو» جشس دەمەۋشىلىك قولداۋىمەن الىندى. جاڭا اۆتوبۋستىڭ سىيىمدىلىعى 24 وتىراتىن جانە 75 تۇرىپ تۇرۋعا ارنالعان ورىندى قۇرايدى، ودان بولەك ولار كونديتسيونەر جانە بەينە كامەرالارمەن جابدىقتالعان. ءبىر اۆتوبۋستىڭ جالپى ۇزىندىعى - 10،5 م.

جوسپارلانعان قوعامدىق كولىك «اقجايىق - اۆتوتۇراق» جاڭا اۆتوبۋس پاركىن تولىقتىرادى.

- قوعامدىق كولىك سالاسىندا باسەكەلەستىك ورتانى قۇرۋ ءۇشىن قازىرگى ۋاقىتتا ەكىنشى تۇراق قۇرىلۋدا. ول ءبىرىنشى تالاپتارمەن بىردەي اشىق بولادى: 45%-ى «اتىراۋ» اكك-نا، 55%-ى -جەكە ينۆەستورعا،- دەيدى «سمارت-اتىراۋ» جشس ديرەكتورى ادىلبەك تانكيەۆ.

وتكەن جىلى قۇرىلعان «اتىراۋ-اۆتوتۇراق» 26 قالالىق باعىتتىڭ 8-ءىن قامتيدى. جاڭا اۆتوتۇراق تا وسىنداي باعىتتى قامتاماسىز ەتەدى. ءوز كەزەگىندە، جوبا باستاماشىلارى باسقا تۇراقتى قۇرۋ ۇسىنىلاتىن قىزمەتتەردىڭ ساپاسىن جاقسارتاتىنىنا سەنىمدى.

ايتا كەتەيىك، 30 اۆتوبۋس مۇگەدەكتەر ءۇشىن پاندۋستارمەن جابدىقتالعان. جىل سوڭىنا دەيىن تاعى 100 جاڭا «Ankai» اۆتوبۋستارىن ساتىپ الۋ جوسپارلانىپ وتىر.

سوڭعى جاڭالىقتار

ۇقساس جاڭالىقتار