پارلامەنت • 07 ناۋرىز، 2019

سەناتور شەمونايحا اۋدانىن ارالادى

786 رەتكورسەتىلدى

سەنات دەپۋتاتى سەرگەي پلوتنيكوۆتىڭ شىعىس قازاقستان وبلىسىنداعى جۇمىس بابىنداعى ساپارى شەمونايحا اۋدانىندا جالعاستى. 

سەناتور پەرۆوماي كەنتىندەگى ەرتىس حيميا-مەتاللۋرگيا زاۋىتىنىڭ باسشىلىعىمەن كەزدەسىپ، «Hۇp وتان» پارتياسىنىڭ XVIII سەزىندە مەملەكەت باسشىسى جاريا ەتكەن الەۋمەتتىك باستامالاردى تالقىلادى.

قازىرگى كەزدە ساقتاۋعا قويىلعان كاسىپورىن جابدىقتارى جاڭعىرتۋ مەن جاڭارتۋدى قاجەت ەتەدى. زاۋىت باسشىلىعى سيرەك كەزدەسەتىن نيوبي، تانتال، موليبدەن، ۆولفرام، تسيركوني سەكىلدى مەتالدار ءوندىرىسىن جەتىلدىرۋدى جانە تەرەڭ وڭدەۋدى جولعا قويۋدى كوزدەپ وتىر. بۇل سالا ەلىمىزدىڭ ەكونوميكاسىن دامىتۋعا اۋقىمدى ۇلەس قوسىپ، ەكسپورتتىق الەۋەتتى ارتتىرا تۇسەدى.

سەناتور كەزدەسۋ بارىسىندا پارلامەنت جوعارعى پالاتاسىنىڭ زاڭ شىعارۋ قىزمەتى جانە كەيىنگى كەزدەگى قابىلدانعان زاڭدار تۋرالى حاباردار ەتتى. سونداي-اق الدا تۇرعان مىندەتتەر تۋرالى ايتا كەلىپ، الەۋمەتتىك باستامالاردىڭ ماڭىزى، كوپ بالالى تابىسى از وتباسىلاردى قولداۋ، زەينەتاقى جانە جاردەماقىعا قاتىستى جاڭالىقتار جايىندا اڭگىمە ورىستەدى. تۇرعىن ۇيمەن قامتاماسىز ەتۋ، الەۋمەتتىك ينفراقۇرىلىمداردى جاڭعىرتۋ ماسەلەلەرى تۋرالى ايتىلدى.

سوڭعى جاڭالىقتار

ۇقساس جاڭالىقتار