الەم • 07 ناۋرىز، 2019

قازاقستان مەن ليتۆا ساۋدا-ەكونوميكالىق ىنتىماقتاستىقتى نىعايتۋدا

821 رەتكورسەتىلدى

 

ۆيلنيۋس قالاسىندا 2019 جىلى ساۋدا-ەكونوميكالىق ىنتىماقتاستىق جونىندەگى قازاقستاندىق-ليتۆالىق ۇكىمەتارالىق كوميسسيانىڭ 12-ءشى وتىرىسى ءوتتى.

قازاقستاندىق دەلەگاتسيانى، كوميسسيانىڭ تەڭ توراعاسى قر قارجى ۆيتسە-ءمينيسترى قانات باەدىلوۆ باسقارسا، ليتۆالىقتاردان – لر ەكونوميكا جانە يننوۆاتسيا ءمينيسترى ۆيرگينيۋس سينكياۆيچيۋس توراعالىق ەتتى.

ەكى كۇندىك وتىرىس شەڭبەرىندە ەكى ەلدىڭ نەگىزگى مينيسترلىكتەرىنىڭ وكىلدەرى كولىك، اقپاراتتىق-كوممۋنيكاتسيالىق تەحنولوگيالار، ەنەرگەتيكا، تۋريزم، اۋىل شارۋاشىلىعى، دەنساۋلىق ساقتاۋ، سالىق ماسەلەلەرى، مەملەكەتتىك قىزمەتكەرلەردىڭ بىلىكتىلىگىن ارتتىرۋ، ءبىلىم بەرۋ، كاسىپكەرلىك قىزمەتتى رەتتەۋ، قۇقىقتىق-شارتتىق بازانى كەڭەيتۋ سالالارىنىڭ پەرسپەكتيۆالارى مەن جاڭا باعىتتارىن، وزەكتى ماسەلەلەرىن تالقىلادى.

اتقارىلعان جۇمىستىڭ ناتيجەسى بويىنشا، 12-ءشى قازاقستاندىق-ليتۆالىق ۇاك-ءتىڭ حاتتاماسىنا قول قويىلدى. حاتتاما الداعى جىلدارى استانا مەن ءۆيلنيۋستىڭ ءوزارا ىسقيمىلىنىڭ «جول كارتاسى» بولىپ، ونىڭ كەيبىر پۋنكتتەرى قازاقستاندىق-ليتۆالىق ەكونوميكالىق سەرىكتەستىكتىڭ جاڭا باعىتتارىن بەلگىلەدى.

اتاپ ايتقاندا، قازاقستاندىق جانە ليتۆالىق ساراپشىلار كولىك سالاسىندا ەلىمىزدىڭ دامىعان كاسپيدەگى ايلاقتارىنىڭ الەۋەتىن قولدانا وتىرىپ، بىرىكتىرىلگەن جۇك تاسىمالداۋدى دامىتۋ مۇمكىندىگىن قاراستىرۋعا قول جەتكىزدى.

بالتىق ەلدەرىندەگى ەڭ الىپ كلايپەدا ايلاعى ەۋروپا باعىتىنداعى قازاقستاندىق جۇكتەردى، ونىڭ ىشىندە بيداي، ۇن جانە كومىر تاسىمالىن وزىنە تارتۋعا ايتارلىقتاي قىزىعۋشىلىق تانىتتى.

بۇدان باسقا، ليتۆالىق تاراپ ءوزىنىڭ باي تاجىريبەسى بار ايلاقتىق ينفراقۇرىلىمدارىن قولدانۋدى جانە «تەڭىزدىك» كادرلاردى دايىنداۋدى ۇسىنادى. وسى اتالعان بارلىق جوبالاردى اقتاۋ مەن كلايپەدا اراسىنداعى باۋىرلاستىق بايلانىستار جونىندەگى مەموراندۋمعا ەنگىزۋ قاجەتتىگى العا تارتىلدى.

مازمۇنى بويىنشا جاڭا ۇستانىم رەتىندە كەلەسى ۇسىنىستى اتاپ وتۋگە بولادى. ليتۆانىڭ لوگيستيكالىق قاۋىمداستىعى جۇك كولىكتەرىنىڭ قازاقستاندىق جۇرگىزۋشىلەرىنىڭ بىلىكتىلىگىن ارتتىرۋ، ودان كەيىنگىدە قازاقستاندا جۇرگىزۋشىلەردى دايىنداۋ ورتالىعىن قۇرۋ مۇمكىندىگى تۋرالى ۇسىنىس ەنگىزدى.

سونىمەن قاتار ەكى ەلدىڭ ساراپشىلارى قازاقستاندىق-ليتۆالىق ديالوگتاعى گۋمانيتارلىق ىنتىماقتاستىقتىڭ ارتقانىنا وڭدى باعا بەردى. كوميسسيا كۇن ءتارتىبىنىڭ ەڭ باستى پۋنكتتەرىنىڭ ءبىرى دەنساۋلىق سالاسىنداعى ىنتىماقتاستىق اياسىن كەڭەيتۋ ماسەلەسى بولدى.

ليتۆالىق تاراپ، قازاقستاننىڭ العاشقى مەديكو-سانيتارلىق كومەك جونىندەگى ۋنيۆەرسالدى قۇجاتتى (استانا دەكلاراتسياسى) دارىپتەۋ جولىمەن جاھاندىق دەنساۋلىق ساقتاۋ جۇيەسىن دامىتۋعا قوسقان ۇلەسىن اتاپ ءوتتى.

بۇدان باسقا، كوميسسيا وتىرىسى بارىسىندا تاراپتار مەديتسينا سالاسىندا بىرلەسكەن عىلىمي جانە تالدامالى زەرتتەۋلەر دايىنداۋ بويىنشا جۇمىستاردى جانداندىرۋعا كەلىستى. وسىعان قوسىمشا رەتىندە، تاجىريبە جۇزىندەگى دەنساۋلىق ساقتاۋمەن مەديتسينالىق ءبىلىم بەرۋدى بىرىكتىرۋ سالاسىندا قول جەتكىزىلگەن ۋاعدالاستىق پەرسپەكتيۆالىق سيپاتقا يە. وسىلايشا، قازاقستاندىق دارىگەرلەردىڭ ليتۆا ءبىلىم ورىندارىنداعى كوپجىلدىق تاجىريبەلىك بىلىكتىلىك ارتتىرۋى جاڭا دا تەرەڭ مازمۇنعا يە بولدى.

ءبىلىم بەرۋ باعدارلامالارى اياسىن ودان ءارى كەڭەيتۋ بويىنشا قازاقستاندىق جانە ليتۆالىق ساراپشىلار ءوز نيەتتەرىن تاعى دا قۇپتاپ ءوتتى. ايتا كەتەرى، جىل سايىن بەس ليتۆا جوعارى وقۋ ورنى قازاقستاندىق ستۋدەنتتەر ءۇشىن 200 گرانت بولەدى. تاراپتار ەراسمۋس+ باعدارلاماسى ۇسىناتىن مۇمكىندىكتەردى بارىنشا قولدانا وتىرىپ، ونىڭ شەڭبەرىندە ءوزارا ستۋدەنتتەر الماسۋ بويىنشا ىنتىماقتاستىقتى جانداندىرۋعا قول جەتكىزدى.

ليتۆالىق تاراپ ۇسىنعان، تۋريزم جونىندەگى جۇمىس توبىنىڭ قىزمەتىن قايتا جانداندىرۋ گۋمانيتارلىق بايلانىستاردىڭ دامۋىنا بەلگىلى ءبىر سەرپىن بەرەدى دەگەن سەنىمدەمىز.

ەكى ەلدىڭ ساراپشىلارى ليتۆا تاراپى ۇسىنعان جانە استانادا وتكەن «ەكسپو-2017» حالىقارالىق ارنايى كورمەسىندە تۇساۋى كەسىلگەن اقپاراتتىق-كوممۋنيكاتسيالىق جانە «جاسىل» تەحنولوگيالار سالاسىن قامتيتىن ساپالى ۇسىنىستاردى حاتتاماعا ەنگىزدى.

ليتۆالىق تاراپ قازاقستاننىڭ قالالارىندا بارلىق كولىك تۇرلەرىنىڭ ءجۇرۋ كەستەسىن جاساۋ مەن ۇيلەستىرۋگە ارنالعان تەحنولوگيالىق شەشىم ەنگىزۋدى ۇسىندى. تاراپتار سونداي-اق قازاقستاندىق ەلەكتروندىق ۇكىمەتتى ودان ءارى جەتىلدىرۋ بويىنشا ءوزارا قىزىعۋشىلىق ءبىلدىردى.

جاڭعىرتىلاتىن ەنەرگيا كوزدەرى، اتاپ ايتقاندا كۇن ەنەرگياسى تەحنولوگياسى سالاسىنداعى ليتۆالىق ازىرلەمەلەردى قولدانۋ دا ۇسىنىلدى. فوتوەلەمەنتتەر ءوندىرۋشى ليتۆالىق كلاستەردىڭ ەۋروپالىق وداقتا جەتەكشى بولىپ كەلەتىنىن دە اتاپ وتكەن ءجون.  

تاراپتار اۋىل شارۋاشىلىق سالاسىندا ايتۋلى مۇمكىندىكتەردىڭ بار ەكەندىگىنە دە توقتالىپ ءوتتى. ليتۆالىق تاراپ قر-دىڭ اۋىل شارۋاشىلىق سالاسىنداعى الەۋەتى، مەملەكەتتىك كومەك شارالارى (ينۆەستيتسيالىق پرەفەرەنتسيالار، جەڭىلدەتىلگەن نەسيە، سۋبسيديالار، سالىقتىق جانە كەدەندىك جەڭىلدىكتەر)، سونداي-اق قازاقستاننىڭ اوك سالاسىنداعى ينۆەستيتسيالىق مۇمكىندىكتەرى تۋرالى اقپاراتتاندىرىلدى.

ليتۆا الەم ەلدەرى اراسىنداعى قازاقستاننىڭ ەڭ الىپ جيىرما ساۋدا سەرىكتەسىنىڭ ءبىرى. قازاقستان مەن ليتۆا اراسىنداعى تاۋار اينالىمىنىڭ كولەمى بالتىق جانە سولتۇستىك ەۋروپا ەلدەرىمەن اراداعى قر-ءدىڭ ساۋدا كورسەتكىشتەرىمەن سالىستىرعاندا ەڭ جوعارى ساتىدا.

سوڭعى جاڭالىقتار

When will Employment Roadmap start working?

قوعام • بۇگىن، 15:47

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

الەمدەگى احۋال قانداي؟

كوروناۆيرۋس • بۇگىن، 10:57

قىزىلوردا: تاعى 3 ادام تىركەلدى

ايماقتار • بۇگىن، 09:57

مما: UFC-ءدى سىنعا الدى

سپورت • بۇگىن، 09:20

ۇقساس جاڭالىقتار