حوككەي • 07 ناۋرىز، 2019

قحل: «بارىس» «تورپەدودان» باسىم ءتۇستى

756 رەتكورسەتىلدى

ەلوردالىق «بارىس» پلەي-وفف كەزەڭىندەگى بەسىنشى كەزدەسۋىندە «تورپەدونى» جەڭدى.

ەكى كوماندا پلەي-وفف كەزەڭىندە ءتورت كەزدەسۋ وتكىزىپ ۇلگەردى. ونىڭ ەكەۋىندە «بارىس» جەڭىسكە جەتسە، ەكەۋىندە «تورپەدو» مىقتىلىعىن دالەلدەدى. ەرەجەگە سايكەس پلەي-وفف ويىندارى ءبىر كوماندانىڭ ءتورت جەڭىسىنە دەيىن جالعاسادى. سوندىقتان ەندىگى كەزدەسۋدە «بارىس» جەڭىسكە جەتكەن جاعدايدا ءبىزدىڭ كوماندا جارىستىڭ كەلەسى ساتىسىنا بەرىلەتىن جولداماعا قول جەتكىزەدى.

وسىنىڭ الدىنداعى نيجني نوۆگورودتا وتكەن ەكى كەزدەسۋدە ءبىزدىڭ كلۋب جەڭىلىپ قالدى. ناتيجەسىندە ويىندار سەرياسىندا تارازى باسى تەڭەستى. سول سەبەپتى بۇگىنگى كەزدەسۋدە «بارىس» قارسىلاسىنان باسىم ءتۇسۋى ءتيىس ەدى. ولاي بولماعان جاعدايدا «تورپەدو» شيرەك فينالدىق ويىنعا شىعۋى ابدەن مۇمكىن.

بۇگىنگى كەزدەسۋدە «بارىس» سەنىمدى ويىن كورسەتتى. شابۋىلعا ءجيى شىعىپ تۇردى. ناتيجەسىندە ءبىزدىڭ حوككەيشىلەر ءبىرىنشى كەزەڭنىڭ وزىندە قارسىلاس كوماندا قاقپاسىنا ەكى شايبا سوعىپ ۇلگەردى. الدىمەن 6-مينۋتتا مەتتيۋ فرەتتين مەرگەندىگىمەن كوزگە ءتۇستى. ال 11-مينۋتتا برەندون بوچەنسكي ەسەپتى ۇلعايتتى. ەسەپ - 2:0. «بارىس» العا شىقتى.

ەكىنشى كەزەڭدە قوس كوماندا دا شايبا سوعۋعا تىرىستى. دەگەنمەن كەيبىر ساتتەردە دالدىك جەتىسپەي جاتتى. «بارىس» ساپىنان اندرە پەتەرسون ءۇش دوپ ايىرماسىمەن العا شىعۋعا مۇمكىندىك جاسادى.

ءۇشىنشى كەزەڭدە «تورپەدو» كومانداسى ءبىر گول سوققانىمەن، ودان كەيىن ءبىزدىڭ قاقپادان ساڭىلاۋ تابا العان جوق. ولاردىڭ قاتارىنان دورەكە قيمىلىمەن ايدىننان قۋىلعان حوككەيشىلار از بولعان جوق. ويىننىڭ بىتۋىنە ءۇش مينۋتتاي قالعاندا «تورپەدو» قاقپاشىنى التىنشى حوككەيشىگە اۋىستىردى. دەگەنمەن ودان ەشبىر پايدا كەلە قويعان جوق. بۇگىنگى كەزدەسۋ 3:1 ەسەبىمەن «بارىستىڭ» پايداسىنا جازىلدى.

ەندىگى كەزدەسۋ 8 ناۋرىزدا نيجني نوۆگورودتا وتەدى. بۇل ويىندا جەڭىمپاز انىقتالماعان جاعدايدا ەكى كوماندانىڭ سوڭعى ويىنى 10 ناۋرىزدا استانا قالاسىندا بولادى.

ەستەرىڭىزگە سالا كەتەلىك، 4 ناۋرىزدا «بارىس» نيجني نوۆگورودتا «تورپەدودان» 5:4 ەسەبىمەن ەسەبىمەن جەڭىلىپ قالعان ەدى.

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار