قازاقستان • 06 ناۋرىز، 2019

« ۇلى دالا التىنى» - ماسكەۋ تورىندە

829 رەتكورسەتىلدى

ماسكەۋدەگى رەسەيدىڭ قازىرگى زامانعى تاريح مۋزەيىندە « ۇلى دالا التىنى» اتتى كورمە اشىلدى.

وبلىس اكىمدىگى مەن رەسەيدەگى قازاقستان ەلشىلىگى بىرلەسە ۇيىمداستىرعان كورمەگە قازاقستاندىق ارحەولوگتار زەينوللا ساماشەۆ پەن ابدەش تولەۋباەۆتىڭ شىعىس قازاقستان اۋماعىندا جۇرگىزگەن قازبا جۇمىستارى كەزىندە بەرەل، شىلىكتى، ەلەكە سازى قورعاندارىنان تابىلعان 25 مىڭنان استام جادىگەرلەر قويىلعان.

«الدىمەن شىعىس قازاقستاننىڭ اكىمى دانيال احمەتوۆكە، ءبىزدىڭ ايتۋلى عالىمدارىمىزعا، سونداي-اق رەسەيدىڭ قازىرگى زامانعى تاريح مۋزەيى باسشىلىعىنا بايىرعى كوشپەندىلەردىڭ زور تاريحي جانە مادەني قۇندىلىققا يە بىرەگەي مۇراسىمەن تانىسۋ مۇمكىندىگىن ۇسىنعاندارى ءۇشىن ريزاشىلىعىمدى بىلدىرگىم كەلەدى. بەرەل، شىلىكتى، ەلەكە سازى ەسكەرتكىشتەرىنىڭ وتاندىق ارحەولوگيا الار ورنى ەرەكشە. ەلباسىنىڭ «رۋحاني جاڭعىرۋ» باعدارلاماسىن جۇزەگە اسىرۋ اياسىندا قازاقستاننىڭ رەسەي سەكىلدى جاقىن كورشىسىنە سالتاتتىلىق داۋىرىندەگى وركەنيەتتىڭ جوعارى دەڭگەيىن، مەتالل وڭدەۋدىڭ، زەرگەرلىك ونەردىڭ، قارۋ-جاراقتىڭ تاماشا ءارى جاقسى ساقتالعان ۇلگىلەرىن كورسەتۋ مۇمكىندىگىنىڭ تۋعانى ءبىزدى قۋانتادى»، - دەدى قازاقستاننىڭ رەسەيدەگى توتەنشە جانە وكىلەتتى ەلشىسى يمانعالي تاسماعامبەتوۆ كورمەنىڭ اشىلۋ سالتاناتىندا سويلەگەن سوزىندە.

كورمەدە كەلۋشىلەر نازارىنا 2003 جىلى ابدەش تولەۋباەۆتىڭ زايسان اۋدانىنان تاپقان «التىن ادامنىڭ» قالپىنا كەلتىرىلگەن ەكسپوزيتسياسى، زەينوللا ساماشەۆتىڭ بەرەل قورعانىنان تاپقان جادىگەرلەرى، بەرەل جىلقىسىنىڭ (ب.د.د. IV-III ع.) رەكونسترۋكتسياسى مەن بىلتىر عانا تارباعاتايدىڭ ەلەكە سازىنان شىققان «التىن ادامعا» تيەسىلى قۇندى دۇنيەلەر ۇسىنىلدى.

ماسكەۋگە شىعىسقازاقستاندىق دەلەگاتسيانى باستاپ بارعان وبلىس اكىمىنىڭ ورىنباسارى اسەم ءنۇسىپوۆانىڭ ايتۋىنشا، كورمە 24 ناۋرىزعا دەيىن جالعاسادى. ء«بىزدىڭ وبلىس اۋماعىنان تابىلعان قۇندى جادىگەرلەر – ۇلى دالا توسىندەگى كوشپەندىلەردەن قالعان مادەني مۇرالار ەلىمىزدىڭ ارىدەگى تاريحىن قالپىنا كەلتىرۋگە مۇمكىندىك بەرەدى. پرەزيدەنت تاپسىرماسى نەگىزىندە وبلىس اكىمىنىڭ جەتەكشىلىگىمەن جۇزەگە اسىرىلىپ جاتقان ارحەولوگيانى دامىتۋ جونىندەگى وڭىرلىك باعدارلاما الداعى ۋاقىتتا جالعاسىن تابادى جانە بۇل ماقساتقا الداعى ءۇش جىل كولەمىندە وبلىستىق بيۋجەتتەن 500 ميلليون تەڭگە كولەمىندە قارجى بولىنەدى»، - دەيدى وبلىس اكىمىنىڭ ورىنباسارى.

ازامات قاسىم،

«Egemen Qazaqstan»

شىعىس قازاقستان وبلىسى

سوڭعى جاڭالىقتار

تويدىڭ سوڭى توپىرلاعان اۋرۋ

ايماقتار • بۇگىن، 10:22

ۇعىنا بىلگەنگە – ۇلت تاعدىرى

ساياسات • بۇگىن، 06:57

كوڭىلگە مەدەت بولعان ماقالا

رۋحانيات • بۇگىن، 06:56

54 ادام جازىلىپ شىقتى

كوروناۆيرۋس • بۇگىن، 06:39

ەل بولىپ ەڭسەرەمىز

ساياسات • بۇگىن، 06:20

بۋمەرانگ

رۋحانيات • بۇگىن، 05:54

قورعاۋشىلارعا دا قولداۋ قاجەت

ايماقتار • بۇگىن، 05:46

تويدىڭ سوڭى توپىرلاعان سىرقات

ايماقتار • بۇگىن، 05:43

اقيرەكتە – ارىستان باب...

تانىم • بۇگىن، 05:33

تەاتردىڭ ونلاين تارتۋى

رۋحانيات • كەشە

ۇقساس جاڭالىقتار