ايماقتار • 06 ناۋرىز، 2019

8 ناۋرىزدا استانادا اۋا رايى قانداي بولادى

644 رەتكورسەتىلدى

مەرەكە كۇندەرى بۇلتتى اۋا رايى ساقتالىپ، ازداپ قار جاۋادى، دەپ حابارلايدى استانا قالاسى اكىمدىگىنىڭ رەسمي سايتى.

«قازگيدرومەتتىڭ» حابارلاۋىنشا 7 ناۋرىزدا قۇبىلمالى اۋا رايى ساقتالىپ، تاڭەرتەڭ جانە كۇندىز قار جاۋادى، كوكتايعاق، سىرما جۇرەدى. وڭتۇستىك-باتىستان سوعاتىن جەلدىڭ ەكپىنى 9-14، كەي كەزدە 15-20 م/س دەيىن جەتەدى. اۋا تەمپەراتۋراسى تۇندە -4-6°س، كۇندىز -1+1°س قۇرايدى.

8 ناۋرىزدا كوشپەلى بۇلت شىعادى، ازداپ قار جاۋادى، جاۋىن-شاشىندى بولادى. سولتۇستىك-باتىستان جىلدامدىعى 9-14 م/س دەيىن جەتەتىن جەل سوعادى. اۋا تەمپەراتۋراسى تۇندە -8-10°س، كۇندىز -3-5°س قۇرايدى.

9 ناۋرىزدا كوشپەلى بۇلت شىعادى، جاۋىن-شاشىنسىز. كەي جەرلەردە تۇمان تۇسەدى. باتىستان، وڭتۇستىك-باتىستان سوعاتىن جەلدىڭ جىلدامدىعى 7-12 م/س قۇرايدى. سىناپ باعاناسى تۇندە -12-14°س، كۇندىز -3-5°س كورسەتەدى.

سوڭعى جاڭالىقتار

ۇقساس جاڭالىقتار